水源韓國料理 (已結業)

Su Won Korean Restaurant

3.5

47 食評

味道

環境

服務

衛生

抵食

1437

大埔

$101-200

韓國菜

海鮮豆腐湯

2 已推介

$78

奧志雷

等級4

2.1K

韓藉老闆娘識少少廣東話，唔識韓文就要全程講英文喇！

泡菜，爽甜多汁非常適合港人味道，溫柔不激烈的辣味，清清甜味緊隨其後。薯仔，粉粉濃甜淨食或配飯同樣一流。青瓜，爽爽脆脆鹽香微辣帶甜。大豆芽，大注大注的塞，清爽味道多汁，不腥不嗅舔舔脷。涼拌菠菜，爽脆清甜，無其他要求。烤紫菜，不覺得有什麼分別。Hite 啤酒，真係太淡不香不醇不喜歡。

真露，為左維護世界和平，一定要定時飲藥水，保持酒精濃度。韓燒梗係配燒酒啦，滋味無窮杯杯清。不過跟辛辣麵完全唔夾，完全唔想飲。滑滑微酒味不太辛，食烤肉必備。完全唔見有火既？無火煮食電爐來的嗎？火喉實在太慢。

蛋黃生牛肉，蒜片青瓜蘋果雪梨耐心地親手撈得均勻，聯想再西餐生牛肉他他。清甜嫩滑牛肉絲，黏滑蛋黃搭蘋果絲青瓜絲，蒜片蒜粒係靈魂所在，辛甜美味！生牛蒜片撈飯，食得我津津有味。蛋黃生牛肉紫菜卷，撈飯真心美味無窮，試試紫菜卷別有番風味。

醬油蟹，萬眾期待等足成個月終於食到您！用上普通細隻花蟹，不是大大隻既海蟹。醬油蟹飯，雖然細細隻肉不太多及只有微量蟹膏，但刮刮埋埋蟹肉也不少！勝在蟹肉鮮到飛天，海鮮醬油甜美提味，清爽撈汁撈肉撈飯，依舊好食到停唔到口！

烤牛肉拼盤，烤手抓肉最綿最鬆軟，烤板腱肉嫩嫩滑滑清甜美味。烤 LA 排骨肉即係牛仔骨，烤生牛排即牛肋骨肉，嚼勁舒服香甜可口，牛味特濃最強牛甜味。

烤雪花豬肉，烤到 7 成爽爽爽，豬羶味有點濃，可能太生的關係，搽上烤肉麵豉醬能略為減輕少少。全熟更可口更芬芳，焦香肉甜咬口十足！烤大蝦，雪藏大蝦，蝦頭發黑棄掉，蝦肉結實有蝦味，合格。

牛肋骨肉生菜包，生菜捲齊蒜片泡菜大豆芽牛肋骨肉，完美無可挑剔！雪花豬肉生菜包，生菜捲蒜片泡菜大豆芽雪花豬肉，豬肉汁極甜，焦香帶彈超好味！

烤鮮裡脊，到底係里脊肉還是裡脊肉啊？先用牛脂起鑊更香更濃，鬆軟味濃帶牛甜味，肉汁滴滴。烤五花肉，眼測真係非常花，不是普通煙肉。油脂甘醇無比，多重口感膠黏彈微脆嚥韌香口，香噴噴非常出眾追住食！烤鮮裡脊、烤五花肉，大大啖飯配大大舊肉，加埋麵豉醬淡豉油掃晒入口塞得脹卜卜，慢慢嘴嚼享受著，實在太奢侈太過份！烤鮮裡脊烤五花肉生菜包，多種味道多重質感，非常適合貪心的我。

腸仔火腿雜錦火鍋，我都唔係叫部隊鍋，只係問下份量有幾多之麻，您咁樣係唔會令到我驚架！既然黎左就照食可也，係咪知道我今朝食唔到焗豆呢？而且仲知道我今日無食過即食麵添？還知道我近來少食菜喎？芝士焗豆芝士腸餐肉年糕泡菜紅蘿蔔大豆芽辛辣麵！無蟹柳無金菇無腸仔無煙肉無火腿，勁多勁多菜，我要食肉啊！

湯汁厚厚十分濃郁，不是單純的辛辣麵湯粉，越凍越咸要極速地食，食到我㷫合合出晒汗，食飽飽返到屋企成晚都勁頸渴喎！自己即食麵自己煮，煮得唔好只可怨天尤人，喜歡幾硬就幾硬，幾軟就幾軟！我要爽彈類的，拖著辣湯雜菜燙住嘴狂啜，當然興奮到震。

大醬湯，有蜆既？仲有土魷絲喎。豆腐、青瓜、脆肉瓜、大豆芽、洋蔥，用料非常豐富。石鍋滾住噴著煙，暖笠笠有氣氛！濃稠湯汁，味道複雜百花齊放。大醬湯飯，淨飲濃郁香醇，撈飯更甜美超卓！添上飯香飯甜加埋烤肉掃入口，估您唔到她媽的好味道！

雜錦辣湯烏冬，最辣三條椒，兩條椒的辣度？食落應該只屬小辣。沙白平庸，藍青口鮮味，土魷香口，蝦仔雪藏無味，撈埋洋蔥甘筍椰菜豆腐雞蛋，食材五光十色。唔係辛辣麵咩？非常高質韓國烏冬，米香仲要有米甜味，嚥韌黏黏十分彈，掛著辣湯真的不錯。

海鮮豆腐湯，火紅色濃厚湯汁，香辣無比，先辣後鮮甜！真材實料無欺場，多種食材使得味道豐富。海鮮豆腐湯飯，豆腐比蜆肉更美味，滑嫩嫩兼豆香非凡，熱騰騰跟辣湯白飯灌入，好食好食！

生蠔石頭鍋飯，我喜歡食蠔就膽粗粗試試，結論係韓燒都係食烤肉吧！我骨子裡完全係食肉獸！極大量蔬菜，啖啖都係菜，還有好很多飯焦，不太食到正常飯粒，蠔仔超迷你。

海鮮鍋，鮮魷、大豆芽、韓國粉絲、土魷絲，悶悶單調的味道。餐牌照片只供參考，深啡色的九孔鮑魚？即食醬油漬。海蝦隻隻有蝦味但霉肉腍劈劈。青口大大隻，無味。豆腐滑嘟嘟，帶子巨型厚厚，最穩陣。海鮮湯撈生蠔石頭飯，兩款不太美味出品融合，不會負負得正的。