影片
更多
2019-03-15
4423 瀏覽
話說估計有10年時間冇同過屋企人去食自助餐，因為屋企人食量都唔大，去食自助餐都唔會食好多野，所以好少同佢地食，事隔咁耐，都總要Family Day一下，朋友話有一間自助餐價錢十分相宜，$300有找！但又有蟹腳食，岩哂細食但又想食自助餐既屋企人，就黎試下！環境位於珀麗酒店二樓，地埋位置屬於天后地鐵站同銅鑼灣地鐵站之間，我地就從銅鑼灣地鐵站行過黎，大約十五分鐘左右，唔算難搵，因為酒店成棟大樓好高，最高仲寫住酒店名“Rosedale”，跟住行都得。餐廳環境寬敞，食物擺放集中，坐得好舒適。價錢戀上法日海鮮自助晚餐- 星期一至四 $398+10%- 星期五至日 $428+10%- 10天前預訂 $268+10%冷盤：海鮮、沙律海鮮當然不少得長蟹腳、麵包蟹、青口、白蜆、龍蝦仔、魷魚圈、蝦，全部refill速度都好快，未試過冇哂。長蟹腳蟹鉗夠大隻，肉都夠多，麵包蟹味就比較淡，蝦夠彈，魷魚圈有醃過幾入味，全部融雪處理冇問題，亦唔會有腥臭問題，可以放開肚皮放心食。冷盤：刺身、壽司刺身選擇唔算多，有三文魚、希靈魚、吞拿魚，壽司款式反倒會多啲，魚子、櫻花蝦、腐皮、鰻魚等，全部質素正常。熱食：炸物、鴨肝、田螺
環境
位於珀麗酒店二樓，地埋位置屬於天后地鐵站同銅鑼灣地鐵站之間，我地就從銅鑼灣地鐵站行過黎，大約十五分鐘左右，唔算難搵，因為酒店成棟大樓好高，最高仲寫住酒店名“Rosedale”，跟住行都得。餐廳環境寬敞，食物擺放集中，坐得好舒適。
價錢
戀上法日海鮮自助晚餐
- 星期一至四 $398+10%
- 星期五至日 $428+10%
- 10天前預訂 $268+10%
冷盤：海鮮、沙律
冷盤沙律、芝士撻
54 瀏覽
0 讚好
0 留言
冷盤
52 瀏覽
0 讚好
0 留言
海鮮當然不少得長蟹腳、麵包蟹、青口、白蜆、龍蝦仔、魷魚圈、蝦，全部refill速度都好快，未試過冇哂。長蟹腳蟹鉗夠大隻，肉都夠多，麵包蟹味就比較淡，蝦夠彈，魷魚圈有醃過幾入味，全部融雪處理冇問題，亦唔會有腥臭問題，可以放開肚皮放心食。
冷盤：刺身、壽司
壽司
64 瀏覽
0 讚好
0 留言
刺身選擇唔算多，有三文魚、希靈魚、吞拿魚，壽司款式反倒會多啲，魚子、櫻花蝦、腐皮、鰻魚等，全部質素正常。
熱食：炸物、鴨肝、田螺酥盒、小菜、炒飯
鴨肝、田螺酥盒
69 瀏覽
0 讚好
0 留言
熱食
33 瀏覽
0 讚好
0 留言
有吉烈炸蝦、芝麻雞翼、苦瓜炒蛋、鰻魚炒飯、雞骨腸、紅酒燴牛尾、照燒鯖魚、煙鴨胸、三文魚頭、清酒煮蜆等等。炸蝦炸粉夠脆口唔油溢，芝麻雞翼好香口！除海鮮之外比較回本既食物有鴨肝多士及田螺酥盒，味道都ok，鴨肝冇鵝肝咁膩，可以唔止食一件，而田螺酥盒中既田螺夠大隻，酥盒千層皮夠分明酥脆。但其他熱食可能因為煮好有一段時間，加上放係挫熱爐上，肉質都偏乾，相對上三文魚頭、清酒煮蜆比其他會好少少。
熱食：喜馬拉雅山鹽板燒、廚師即席切肉
喜馬拉雅山鹽板燒
61 瀏覽
0 讚好
0 留言
係呢款自助餐中比較特別既食物，有安格斯肉眼及煙牛脷，師傅會即席係鹽板上燒，唔會燒到好燶，安格斯肉眼燒至兩邊熟就會夾起，牛味幾重，肉質正常，而煙牛脷好稔身，比起平時食既更稔，易咬，兩者都冇調味而放上鹽板燒就可保持原有肉鮮味。廚師即席切肉所供應既係西班牙豬鞍及牛仔腸，豬鞍有少少失望，比較韌同乾，牛仔腸就ok。
甜品
甜品
23 瀏覽
0 讚好
0 留言
甜品
28 瀏覽
0 讚好
0 留言
款式十分多！有接近二十款，例如麵包布丁、葡撻、朱古力撻、綠茶紅豆布甸、北海道3.6牛奶布甸、芝士蛋糕、十勝紅豆抹茶瑞士卷等等。都試左好多款，當中葡撻、朱古力慕絲、北海道3.6牛奶布甸好夠味，又唔太甜，唔錯既甜品，其他款式都可以，冇乜邊款會覺得味道過差。點少得雪糕，是日有Movenpick草莓味任拔，中意佢冰櫃溫度岩岩好唔會過冷令到雪糕好難拔，超級容易自己拔！仲有自助Pancakes機添～
飲品
有橙汁、熱茶，唔少得自助即磨咖啡機。
總括而言，價錢真係十分抵食，早10天前book每日$300都唔洗，但係海鮮任食，全部refill好快，真係未試過有空既情況，食放題/燒肉/火鍋始終冇自己行岀去任拎咁爽，確係平價自助餐既選擇之一。
張貼
