新南苑私房菜火鍋鷄煲 (華僑商業中心) (已搬遷) 新店位置

同屋企人入到黎坐座位都幾闊落之後叫左個海鮮蒸氣鍋食但食之前就有個雞煲香料勁足辣味十足啊！我同我媽都食得勁開心 最鍾意就食辣野雞亦都好滑仲有專人幫我地撈，好細心之後就重頭戲 蒸氣鍋有海鮮同牛肉海鮮相影得唔清唔好意思但龍蝦真係好生猛好鮮甜d肉又大大舊咁諗返起都興奮我另一樣最愛就係魚肉魚肉蒸後肉質極滑而鮮汁又滴落下面個粥底我咪話仲叫左個牛ge睇相都知係靚牛唔多肥肉食落即溶咁款用黎蒸反而食得出佢ge原汁原味正啊整體黎講呢餐都勁滿意

同屋企人食點可以求奇今日就帶左去朋友推介的新南苑食蒸氣鍋！先黎個雞煲辣味好夠雞好入味，雞都好滑最緊要係無雪味！！食落又知味之後就換煲食蒸氣鍋！下面係粥底好足料啊有我最愛的南瓜～仲有好多海鮮tim！龍蝦相當鮮甜好生猛 仲郁吓郁吓咁！魚都好滑好有鮮味蒸氣鍋真係食得出d野新唔新鮮因為咩調味都無加而呢間d海鮮真係唔錯不過我最愛都係鮑魚勁大隻！好新鮮！我地照個牌ge時間去蒸真係岩岩好！ 一d都唔硬又唔會未熟個粥底臨尾一飲甜到嘔啊！係鮮甜！仲要有南瓜提一提個味真心正！

海鮮蒸氣鍋真係第一次！見雜誌報紙介紹，親身食好期待首先上雞煲，緊係食辣溫馨提示，煲6分鐘，每兩分鐘搞伴一次，店員好友善，比提示點煲6分鐘啦！冇燶底，最後加油炸鬼，入曬雞汁精華，又脆口又入味！雞肉好滑好嫩，跟足指示，真係好味！汁剛剛好，微辣，雞鮮昧都出到拿走雞煲到海鮮蒸氣鍋先放南瓜、排骨、珍珠米在底層，慢慢變粥上面開始放各樣海鮮，有波士頓龍蝦、大貝元、鮮鮑魚、生蠔、大聖子、太子象拔蚌波士頓龍蝦半隻，厚肉彈牙，肉味鮮甜日本大貝元好大隻，群邊好爽有口感，貝元肉厚又滑溜，鮮味juicy大連鮮鮑魚，肉質煙靱，富鮮味沙井鮮甜生蠔，又白又有光澤，蠔身脹卜卜，味鮮多汁，爽甜紐西蘭大聖子，好長好大，肉嫩不靱，味鮮甜太子象拔蚌，肉滑嫩juicy之後有手切牛頸脊，直接在鍋上蒸，零味精，蒸左2分鐘，竟然一點也不靱，而且又薄又滑，正另外選了香蒜黑豚肉茄子，蒜炒香撈入黑豚肉碎，蒸完茄子索曬味，新鮮保持到水份最後打開上格蒸格，個粥已煮好用匙攪埋d差不多溶的南瓜，加入木魚、芫茜及蔥，大功告成！粥味入曬之前蒸海鮮的汁，入口好清甜富海鮮味，加埋溶左好甜的南瓜絲，真的好好味！排骨好似炆過咁淋，肉味香濃，真 好味

和媽媽晚飯，很多時都是我出主意，看看openrice食評後就帶媽媽去吃過夠，今次意外地由媽媽發板，仲要係去旺角新開的火鍋！~新南苑~媽媽曾在觀塘牛頭角一帶工作多年，留下不少腳毛，近年觀塘重建令不少老舖都因而消失，新南苑是其中一間。觀塘變天反而令媽媽跟舊工友多了往來，最近話題是"新南苑在旺角重開"，媽媽抱著撐撐舊街坊的Fans心情去"新南苑"。~雞煲~首先上嘅係"雞煲"，雞煲半熟上枱，店員叮囑雞是半熟，需要在爐上繼續煲，不能打開蓋，非常細心。一直以來都沒有跟媽吃過雞煲，因雞煲就是以辛辣出名，而我媽是不吃辣的，落單時跟店員叮囑，我們"走辣"! 我落單後開始想...走辣後的雞煲會否仍然是雞煲嗎？！會否無晒果種越辣越想食的感覺嗎？不久後，雞已全熟，味道又出奇地惹味，雞新鮮嫰滑，雞煲醬汁偏甜，煲內的洋蔥，蔥蒜都焗得很香口，雞比較肥美，雞油較多，都在煲底，只要避開就可以了。愛辣的我就混個火鍋醬汁後其加辣。~刺身~新開優惠，會送象拔刺身，但當晚已經sold out, 餐廳就送我們活魚刺身！！用冰盤墊底上，非常新鮮。~海鮮火鍋~這裡任食火鍋$258, 雞煲食完後，會換另一個湯鍋作火鍋用，不會係雞煲內加

今日天氣凍凍地，就想打邊爐喇！係街到見到有人派傳單，原來有間新開既雞煲邊爐，新張期內仲有象拔蚌刺身送！咁就上去試試先由於1830 時間仲早，我地3個人就比間獨立房比我地坐，入面有電視，正！之後決定叫左個唔辣雞煲（佢有得簡麻辣），跟住佢仲叫我地選埋打邊爐湯底，原來佢分兩個煲上，因為食開都係一煲過，湯底簡左蟹窩花甲1:雞煲都多肉同大件，3人份量，味道唔會太咸，雞都比較入味2:象拔蚌刺身（送既） 好新鮮，份量都多3:蟹窩花甲湯底最終輪到主菜！真係有蟹同花甲係入面，真係都多架喎！隨後佢上埋個海鮮盆，原來係跟餐既！啲海鮮都好大份，唔係細細隻咁，同埋都好有鮮味～啲配菜同牛脊頸都係任叫！4:當我飽到hihi時，侍應走黎問我地食咩甜品，原來都係跟餐，叫左3.6 牛奶燕窩燉蛋白同焦糖燉蛋燕窩，好好味！食後感：我份人比較細食，食完啲海鮮都飽飽地，後來發覺仲有牛脊頸同啲配菜係任叫，汽水五花茶都任飲～ 每位$258 呢個價錢真心抵！而且有獨立房坐得都舒服，下次試過埋9層塔先～