為食火鍋公司

營業中

休息中

點牛一般般，由於免費升級黃酒雞，但係食咗佢之後只能做邊爐，冇得轉，坐位寬敞

好耐冇食雞煲就晚上約左朋友食依度係先食雞煲再打邊爐食完雞煲可以再Refill上雞煲前會先嚟左小量刺身有三文魚、赤蝦、希靈魚，幾新鮮雞煲就揀咗BB辣大約炒四次，等十二分鐘就食得店員話D雞生炒先會滑炒到最後仲會落魷魚、豬皮、牛栢葉職員有時行過都會幫手炒一炒，幾細心雞肉份量適中，肉質滑身醬汁都落左幾多香料食完雞煲就揀咗蕃茄薯仔湯底打邊爐跟餐會有一個海鮮拼盤有蝦、蜆肉、魚、蠔，幾新鮮自助區有蔬菜同飲品選擇值得一讚係豬肉幾滑，唔會鞋口食完仲會有一碗奶凍，幾滑溜整體食物質素唔錯，座位同環境都幾闊落

入到去裝潢好日式好乾淨企理，哥基主題下食野心情都靚啲～ 由於佢任飲任食，野食未上齊一於去揀左飲品先，好多韓國樂天牌子飲品，同港式滋補養生茶，睇得出餐廳捨得落本。先上刺身同雞煲，可以體驗自己炒，職員會教你點炒，見到你搞唔掂就會出手幫你。炒香完一食就俾雞煲既孜然味同鋪滿面既魷魚、豬皮、牛柏葉吸引住，加少少既辣味好鬼夾好惹味！食曬雞煲職員就會幫你換上火鍋，可以揀蕃茄薯仔湯底或者麻辣湯底，海鮮只上一次但好高質，蠔同海蝦都大大隻好鮮，最緊要係有芋泥包心貢丸！超級驚喜！佢哋既份量好多，我哋一行兩個女仔食完一輪都無再另外order。店舖仲有慈善義賣，將賣出的模型捐贈香港拯救貓狗動物協會。

上星期約了朋友放工後食火鍋，他推介牛頭角這間新開的雞煲邊爐店，當中的食物和環境都令我喜出望外，值得encore！！一入餐廳，就感覺光線很充足，枱與枱之間分隔很遠，所有店員都戴上手套，衛生不錯☺️難怪當日很多客人光顧！——————————🔸雞煲一開始雞件還未完全熟透，店員提醒我們中途要開蓋撈一撈，再放入魷魚、豬皮和牛柏葉煮一煮～ 果然雞肉非常滑，肉質一點也不鞋口😍而豬皮和牛柏葉更正，充分吸收了雞煲的精華，好入味！但我們叫了小辣，食起來不覺辣，可能中辣會更過癮😝🔹三色刺身同時會奉送一碟刺身，擺盤都好講究，會有冰做底😍三色刺身有虎蝦、三文魚和油甘魚。當中的三文魚，雖然只有三片，但每塊都很厚切新鮮😋虎蝦大大隻，食起嚟有少少鮮甜味；油甘魚食落都有啲油脂香，完全沒有腥味！🔸牛小排+海鮮拼盤+其他邊爐食材食完刺身雞煲就到邊爐，呢到嘅邊爐比較特別，會另外換上新的邊爐湯底😳湯底有點似蕃茄湯，整體會冇咁油，健康啲👍🏼牛小排很有牛味，切得不算薄，所以一碟都夠食😋海鮮款式很豐富，有蝦、蠔、貝殼類、鯇魚等，全部都幾新鮮，尤其蝦好大隻，肉質紮實‼️另外都幾期待食紫菜響鈴，因為其他地方比較少有😋果然味道不錯，好香紫菜味

尋晚，突然想食雞煲，所以就上OpenRice搵，搵到呢一間觀塘嘅，嚴格來講佢係近牛頭角。你間舖頭好似開咗唔係好耐咁，我初頭以為佢係所有嘢任食，唔知睇返原來係指定某幾款先至係任食。佢有$200幾同$300幾兩個唔同嘅餐，我最後揀咗$200幾蚊嗰個，食物質素唔差嘅，環境都好好。可能因為新開張冇耐，我見啲餐具環境都好新淨。嘢飲係任飲嘅，雖然款式同其他放題相比唔算好多，但都算夠飲嘅。食物好新鮮，雞煲係無限添加嘅。雞煲嘅難度係有得自行選擇嘅，我就唔係好食得辣所以揀咗BB辣。餐廳好嘅地方係無限時既，即係可以食到佢閂門為止。雖然唔係所有嘢都可以任食，但係都算食得好飽。值得推介嘅。