Pinky Bakery

營業中

休息中

2024年最後一日去左IFC既Pinky Bakery買冬甩返屋企食。店舖除左有冬甩，仲有貝果、牛角包、麵包、鬆餅等，買四個冬甩就會有個盒裝。冬甩新鮮人手香港製作，採用日本麵粉，無添加，無防腐，非常天然。抹茶冬甩冬甩鋪滿砂糖，有粒粒脆脆既口感，口感非常鬆軟，而冬甩內充滿抹茶餡，抹茶唔係苦澀個種，帶些少甜味。吉士冬甩吉士就係原味，甜甜地幾好食。朱古力花生醬冬甩朱古力餡會醬啲，但朱古力味既就係美味，又唔會過甜。海鹽焦糖冬甩呢個外型同其它唔同，外層是一層脆口既焦糖，有片脆餅，內餡係焦糖味，甜度適中。

過到嚟上環嘅海港政府合署搞啲文件，返公司途中經過IFC，睇見呢一家主打賣冬甩嘅新店「Pinky Bakery」好吸引，之前晌銅鑼灣就過佢哋嘅Pop-Up Store。咁就不如買啲返去跟同事一齊下午茶，當喺慰勞吓大家早排搞掂幾個項目。店舖細細一眼睇晒，兩組餅櫃就顯示晒所有烘焙產品，一排排整齊排列，加上燈效，頗為吸晴。當中包括有冬甩、迷你冬甩、貝果包、酸種麵包、牛角酥……等等，望上去確喺非常吸引。難得依家仲有買3送1優惠嘛！紙盒包裝，剛剛好裝到4個大冬甩，盒面除咗有店名、招牌妹妹個樣之外，晌盒邊更印有店家產品嘅特點：新鮮人手製作、無添加、無防腐、天然食材、本地香料，以及採用日本麵粉。所以，食得健康之餘，更有份信心晌度。朱古力花生醬冬甩 $48冬甩外層有近一半沾上黑朱古力漿，仲黐咗少少花生粒，咬落去朱古力味都好香濃，而裡面嘅花生牛油醬軟漿好軟滑，滿滿花生香，又無過甜嘅問題。咖啡冬甩 $48睇樣就平平無奇，不過，佢哋啲冬甩咬落去真喺好軟熟，撳落去回彈力十足，而裡面超過一半空間都喺咖啡漿，口感滑溜，好醇香咖啡味，襯杯咖啡真喺一流。抹茶冬甩 $48呢個好搞笑，晌個唧漿嘅窿位塞咗粒QQ嘅麻薯，純粹都