小城鎮 (已結業)

今晚收工去左試新餐廳，地點係位於北角既小城鎮，係一間以懷舊火車作爲主題既餐廳。餐廳地點係位於内街，正常好少會經過，不過入到去原來環境好似一個懷舊火車站，收銀處係火車售票處，牆上掛左唔同國家時間既時鐘。當然最重要都係食物，餐廳主打西餐，餐牌有沙律，湯，手工比薩，意大利大廚麵，特色飯，大廚推介主菜，滋味小食，飲品，酒類。平日冇加一。第一次黎，叫左兩份沙律，一份小食，兩份主菜同兩杯飲品分享。深海鮮蝦凱撒沙律 $72深海鮮蝦凱撒沙律有大有細鮮蝦共8隻，烤得暖暖哋上枱，好爽脆，沙律菜新鮮爽脆，份量好多，仲有少少車厘茄同半隻熟蛋，再灑上香草。沙律醬另上，要幾多自己加，沙律醬味道好好，配沙律菜食好味道。煙三文魚沙律配蜂蜜醋 $72煙三文魚沙律配蜂蜜醋有4大塊煙三文魚，味道正常。沙律同樣係新鮮沙律菜，仲有少少車厘茄同半隻熟蛋，份量都一樣咁多。蜂蜜醋另上，味道酸酸甜甜，唔錯。白酒忌廉燴青口 $78白酒忌廉燴青口一個鍋咁上，連殼青口有一打左右，唔算大隻不過算唔韌。白酒忌廉味道都調得好，仲有燈籠椒絲同洋蔥絲，吸左汁好食。小城鎮香烤脆皮豬手配酸菜及薯蓉 $208 香烤脆皮豬手超大隻，足足大過小朋友大髀。豬手烤

星期六晚同老公搭叮叮去北角食晚飯。我地叫左兩個主菜，都加左$48升級做套餐，另外再叫左三樣野食。套餐既酥皮湯同平時既唔同，用上羅宋湯，而唔係忌廉湯，成件事健康左好多，酥皮好香口。慢煮羊腿配薯蓉羊腿肉質好軟腍，帶點好香既羶味，薯蓉綿滑，牛油味重，好多洋蔥、雜菇、椰菜，仲有西蘭花，蔬菜都整得好好食。香煎厚切鵝肝伴紐西蘭牛柳鵝肝肥美，加上黑松露醬更香，牛柳超級厚身，真係啖啖肉，亦有蔬菜伴碟，營養均衡。深海鮮蝦凱撒沙律好大碟，沙律菜新鮮，醬汁幾好味。白酒忌廉燴青口青口數量頗多，唔會好細隻，唔錯。煙三文魚牛油果醬沙沙多士超級足料又好食，正。套餐甜品揀左朱古力曲奇慕絲蛋糕同藍莓芝士蛋糕，我鍾意後者多啲。餐飲揀左百香園水果茶同綿綿朱古力，賣相幾得又好飲。