華姐清湯腩

營業中

休息中

如果人地問係香港有邊間食牛腩河出名？相信一定唔少得「華姐清湯腩」，連米芝蓮都推介，不過好慚愧地一直未有黎試，因為好少去天后，雖然好近銅鑼灣，但都冇機會過黎，而今日終於黎左試下呢碗傳說中既「華姐」！餐廳內外差唔多7pm去到，好彩排左5分鐘就有位，因為舖頭其實算細，唔係得好多枱，再加上名氣，所以有人龍係唔出奇，不過好彩係粉麵檔，通常大家食完就走，所以好快有位。食物選擇拎得米芝蓮，就一定會有好多遊客黎食，所以餐牌連日文都有，認真厲害，而且價錢都真係唔平，如果食撈麵，全部再貴多最少$10，最貴果碗要成$82，完全係貴價粉麵店。清湯牛腩粉 $48一開頭上錯哂，後尾先上返岩我呢碗「清湯牛腩粉」，一呷個湯底好清，唔算得話清甜因為牛味唔算重，但相反食耐左覺得有啲咸，而牛腩就真係高質，半肥瘦，部份帶肥膏，好嫰，亦見到佢紋路係一絲絲咁，所以好入味亦好易咬，唔會有渣，但索價$48真係有啲貴。我覺得係幾好食既，不過湯底真係有啲偏咸，唔太肯定有冇落味精，而且都真係有啲貴，但會想返轉頭食佢既牛腩，間唔時食下都ok既。

原本諗住去麥記美食食生煎包，點知無開唯有轉場到華姐清湯腩食午餐/下午茶。四點到店舖，有三四人正在排隊，我地兩丁友馬上被安排入座。店內遊客(眼見全為陸客)較本地食客多，坐下需盡快點餐。點餐時老闆面色一般😐總感覺比佢對遊客的態度差(對遊客佢會面露笑容，態度亦較和善)。睇完餐牌，叫左碗最出名的清湯牛腩粉一試！大約五到十分鐘，湯粉就上枱了牛腩肉質不算軟腍，牛脂及牛肉不是層層分明，肉質較瘦，所以牛香不算重。而湯底反有驚喜，有淡淡牛肉清香不騷。未試過的建議可一試

今日經開天后做野, 有港島區朋友介紹一間非常好食連外國人都會幫襯嘅粉麵舖, 我就一於去試下啦店舖裡面同店面比一般粉麵擋企理同大。而餐牌方面只有2小頁, 主要都係牛腩嘅配搭, 所以唔會有太多選擇先黎左個咖哩牛腩河, 牛腩同河粉分開上。飲一啖清湯, 比想像嘅冇咁濃, 但係加埋咖哩汁就剛剛好咖哩味非常香, 相信隔離個枱都吸引住而牛腩都吸晒咖哩汁, 只係咖哩味太西利 lu, 連牛味都冇左。除此之外, 仲有2舊薯仔, 煮得夠林又好食。另外一碗嘅清湯腩河, 飲左一啖湯底終於飲到個陣牛湯味。連埋河粉食真係 perfect match而牛腩方面, 除左有好香濃嘅牛肉味仲煮等好林, 用牙輕輕一咬就咬得開所以老人家都食到。總結: 我地2個人 total 食左 HKD116 以粉麵黎講, 其實真係有少少貴, 不過我覺得非常值得。大家要黎試下佢地嘅招牌清湯腩啊

一碗好既牛腩麵最重要係咩？就係牛腩，同埋個湯底！黎到銅鑼灣，又想食牛腩，一定會諗起呢間♥華姐清湯腩♥，點解？因為佢唔係浪得虛明囉～鋪面唔係好大，要搭台會有小小逼。我記得去食果晚都已經成10點幾，但依然坐滿哂人咁制，睇黎真係好受歡迎。清湯牛腩粉 $45清湯金錢肚粉 $45雖然話就話係清湯，但其實佢個湯係好濃味，而且啲牛腩同牛肚都入哂味。牛腩有少少脂肪，咬落去好淋，無肥膩感。金錢肚好爽口，咬落去入湯汁完全入哂味，廚師刀功都切得佢好靚好乾淨俐落。價錢四十幾蚊碗相對其實有少少貴，但都有佢貴既理由，你睇我連湯都飲哂就知有幾好味啦。原本仲想食埋都好出名既腩汁羅白，人人黎到都會叫一碗，但好可惜黎遲左一步，啲羅白已經賣哂，唯有留返個遺憾，等我下次有機會再黎，仲想試埋佢個菜飯。

28-5-09(四)很久沒吃華姐的清湯牛腩了。一來到，華姐就找到座位安頓我們和我們的兩袋大行李。我擔心 T 吃河粉不夠飽，華姐建議他吃菜飯。清湯牛腩菜飯(35)：牛腩既焾又入味；湯真是清湯，不會過油過鹹；菜飯一大碗，華姐還問 T夠不夠。清湯牛腩粉($25) ：牛腩一樣好吃，河粉很細滑，滿滿的一碗，身心都得到滿足了。