滿江紅小甜甜 (已結業)

星期日放假約咗朋友一齊食晚飯，突然好想食辣野，就去咗呢間食川菜既小甜甜🤗位於旺角歐美廣場既餐廳泊車都算方便，樓下有十幾個咪錶位，仲要係2個鐘果隻！我差唔多9點等左2、3個字就有位泊車，都算方便👍🏽我地叫左5個餸，有魚春魚卜煲、清炒萵筍絲、麻辣涼粉、辣子雞同埋原味焗蜆！個魚春魚卜煲，除左魚春魚卜外，佢入面仲有薯仔同青瓜，成個煲都煮得好入味，又夠辣！如果中意食蘿蔔嘅朋友仔可以轉蘿蔔底，一樣入味好好食😋清炒萵筍夠晒爽！雖然清炒但夠鹹都好味👍🏽麻辣涼粉唔太辣，但勝在涼粉夠爽，凍冰冰好開胃！辣子雞賣相靚，好多雞肉多，又夠香脆，唯一係order完要等好耐。最後係原味焗蜆！佢用錫紙封住，再用辣青椒一齊焗，一打開勁香，蜆肉夠鮮甜，鍾意食辣青椒可以食埋，因為好入味！😋😋

小甜甜看似毫無殺傷力，但輕易令你見紅，辣到嘴唇鮮紅。今日約咗三個朋友聚一聚舊，我哋不吃辣不相識，當然要搵一間出名食辣嘅餐廳。今次我哋就嚟咗滿江紅小甜甜。入面環境非常大，佔滿整層，但接近滿座，可見佢嘅受歡迎程度。菜單嘅封面令我懷疑其實係一本故事書...清炒萵筍絲爽口清甜，萵筍絕對係清炒嘅表表者，唔落糖唔落鹽已經夠味，份量亦足夠，不過由於太美味既關係，最後大家encore左。螞蟻上樹作為四川名菜，我今日係第一次食，真係井底之蛙。粉絲索曬肉汁，加上肉碎一齊食，非常惹味。平時都係食水煮魚，今次破格叫咗水煮牛肉。整道菜以麻為主，辣為副，牛肉滑嫩，麻香十足。奇味雞煲花椒味出色，但略嫌雞件比較細，肉質尚算嫩滑。小辣對於我哋係綽綽有餘。樟茶鴨色澤有別一般鴨，更加紅噹噹。煙燻過後帶有深刻嘅樟木香氣，外酥內嫩，送酒一流。國外有巴馬火腿配白酒，中國有樟茶鴨配中國白酒。酥脆嘅外皮表露無遺，非常吸引。呢道海蜇頭作為涼拌菜式非常爽脆，但旁邊嘅黑色醬汁可以將我天翻地覆，山葵味後勁凌厲，食完我啲朋友問我做咩感動到喊。菜單上仲有多款菜式想試。無論係味道，做法方面，滿江紅應該係最正宗，最出色。價錢亦非常公道，所以下次聚舊

能跟最愛共膳真的三世有幸，死而無憾。此乃最愛喜歡的辣店，我倆都是辣友非常合適，食得開心愉快，好幸福啊。 遲來的合照，與您的第 18 天。糖醋蘿蔔，首次食到有加辣椒的醃蘿蔔，爽脆蘿蔔粒酸酸甜甜又帶辣，醒神開胃。茶樹菇炒肉絲，爽爽的菇搭上醃味可口的肉絲，香香惹味。麻辣魚春魚卜煲少辣，嫩滑膠黏魚卜吸盡麻辣湯，刺激美味。魚春結實同樣是吸汁高手，微麻微辣散發甘甜味道，食得暢快過癮。還有墊底的蘿蔔及薯仔，索盡精華，一咬爆汁。麻辣田雞煲少辣，嫩滑肥美，肌肉彈彈好好味。麻辣魚春煲少辣，剛才魚春魚卜煲得少少魚春完全唔夠喉，追加多個淨魚春，其怪地比剛才較鞋口較乾硬，似乎跟魚卜一齊煮更加好食。油泡田雞，試完麻辣再試其他煮法，韮王香氣滲入田雞肉之中，芳香誘惑不能自拔。泡椒魚卜，完全誤會，以為類似刴椒的。酸酸辣辣加上大量芹菜，不合我倆的口味。清炒萵筍絲，爽甜清新的味道，連食 3 碟。清炒土豆絲，脆脆的帶著薯仔香甜味道，炒功一流，非常好。