蔵鳶居酒屋

營業中

休息中

一條樓梯嘅盡頭係一道自動單掩門, 門後面係個薄嘅裝飾櫃, 所以當關咗就會道門就會好似唔見咗, 有種密室嘅feel餐廳內有養海鮮嘅魚池, 超過一半座位都喺bar枱,可以見到廚師喺你面前燒串燒/整刺身一開波我趁個口淡淡地食咗刺身先帆立貝算係鮮味, 但就唔會好驚艷之後試咗很多網民追捧嘅明太子鳥冬微辣, 明太子味好香, 鳥冬係扁身但幾煙韌, 口感同味道都係佳作, 我覺得應該係成餐最好味嘅item之後叫咗兩款串燒-汁燒大蔥雞肉同煙肉蒜心卷汁燒大蔥雞肉萬歲! 雞肉雖然好食但唔係重點, 大蔥好甜好爽口! 煙肉蒜心卷就同市面上其他同類差唔多無心插柳本來以為無特別無影到相, 點知佢可以同明太子鳥冬並列冠軍後來有叫一串燒大蔥, 點知原來無咗雞就會唔同食法so sad佢會由燒汁變做木魚仲有免治雞肉棒配蘭王卵日本就好興哩樣, 香港串燒就唔係間間有, 我覺得雞肉棒就普普通通, 蛋就點都好味所以好想問佢要個白飯清酒煮蜆就真係認真麻麻蜆無咩味, 酒係唔香只係偏苦, 喺我食過既清酒煮蜆當中算係中下下次會再去, 但應該主力食汁燒大蔥雞肉同明太子烏冬

同朋友食生日飯🎂之前睇YouTube片已經mark實呢間～1️⃣明太子烏冬（$118）影片大推呢個烏冬，所以落單第一時間嗌。果然！非常好食‼️濃郁嘅明太子味，微微辣好過癮，配埋蛋更香更濃。有時好味嘅嘢真係唔需要太多配料，咁樣已經令人欲罷不能。份量係夠兩個人食，但食完會覺得一人一個都食得晒。驚艷之作！2️⃣清酒煮蜆（$88）策略錯誤😂食咗明太子先就唔太食到酒味。蜆係普通size，無乜沙。3️⃣汁燒免治雞肉棒配蘭王卵（$38）雞肉棒有打碎嘅軟骨，好有口感，配蛋汁好好味。呢道菜呢個價算平，食過上4字頭嘅都不及呢度。4️⃣煙肉蒜心卷（$30）印象中第一次見中間饀料係蒜心！好嫩好香，夾埋煙肉🥓油香，正！5️⃣汁燒大蔥雞肉（$35）其實主角係大蔥！吸咗燒汁同雞肉味，大蔥又甜又入味，好好食👍🏻6️⃣帆立貝刺身（$45）壽星表示呢個比較普通，不過不失。7️⃣燒京蔥（$28）食咗5️⃣忍唔住加點！燒京蔥無加汁，同5️⃣風味不同，好清甜，同樣好好味👍🏻8️⃣壽星同我都好滿意呢一餐，連杯茶都覺得好飲，無另外加飲品。加埋一總數$420。難怪google map上佢有4.6分👏🏻👏🏻9️⃣門口有機關😂印象難忘～

作為生蠔迷，一坐底當然叫返隻生蠔🫣見到餐牌上面有隻痛風蠔作為試伏器，當然嗌嗌嗌上面有帶子，三文魚子同海膽加埋生蠔🦪簡直之後到螢光魷魚都好快嚟到佢就同市面上食到一樣，無乜特別刺身方面🤔不過不失正正常常居然見到有提燈🫣驚喜呀炸池魚🫣個人十分推薦，好好食清酒煮蜆，啲蜆超級之多肉大隻好味好味去到最尾🫣都決定叫多隻生蠔🦪作為埋尾不過呢隻似乎唔多新鮮🤣不過環境真係十分之滿意可以坐係吧台欣賞住師傅即叫即整

今日同好朋友食晚飯，佢揀咗呢一間位於尖沙咀鬧市嘅居酒屋。佢喺The One附近，平時經過都唔會察覺有呢間嘢店員幫我哋安排坐bar 檯，直接望住廚師喺你面前整嘢食，好似去咗食Omakase咁呀我哋兩個人叫咗唔同嘅前菜同埋嘢食～首先叫咗個蟹子沙律同埋清酒煮蜆，想讚一讚佢嘅蜆非常之清甜好味呀如果啲蘿蔔都煮耐啲就好啦！再嚟我哋就叫咗唔同嘅壽司，包括有三文魚壽司，燒三文魚壽司同埋燒左口魚壽司。全部都係望住個師傅整，佢仲會喺啲壽司飯度加少少醬油味道非常唔錯啊！場內客人唔算多，好適合同朋友仔過嚟一路食嘢一路傾偈。店員嘅服務都非常勤快，基本上每食完一道菜就會幫我哋換碟換筷子。價錢來講呢間都算少少貴我哋每人食咗$400左右。

今日和男朋友去一間日本餐廳食晚餐。我們先叫了兩個小食，分別是明太子雞翼和熔岩海膽。明太子雞翼表面金黃，入口熱辣辣，皮嫩肉滑，與明太子鹹香味道很夾。熔岩海膽表面烏黑，就似火山岩，其實是墨魚丸。入口非常彈牙，加上海膽就鮮上加鮮。墨魚丸外面包裹住一層紫菜，令味道更加豐富。之後上枱的是炒野菜，以高溫快炒的雜菜夠鑊氣，能保持爽脆的口感， 亦不會因為炒太耐而出水，看似簡單的菜式卻很考師傅功架。清酒煮蜆。蜆的味道帶有清酒的甘味，蜆肉很滑沒有沙。主食之一是白咖喱搪揚雞丼。雞有五六件，炸得香脆。白咖喱濃稠，帶有椰子香和香草味，味道特別。第二個主食是蒲燒鰻魚丼。鰻魚很厚身，以炭火反覆燒烤，使鰻魚更入味。炭燒味和鰻魚汁 濃度適中，不會蓋過鰻魚本身的魚油香味。配上柔軟綿密的雞蛋，味道更香。