洋麵屋 五右衛門 (已結業)

洋麵屋在市中心開了一段時間，但從來也沒有進去幫襯過。這晚實在不知道有什麼好吃，所以就和老公試一試。看過網上食評，大多數人都說這間店的服務人員態度有待改善，故我也不抱期望。誰知道一進店內，侍應便安排我們坐舒適的卡位。因為第一次來這家店，最安全就是點二人套餐了。清湯～熱熱的湯很暖胃，初時望見心諗：嘩！咁清，有無味架？飲落都可以。溫泉蛋凱撒沙律～溫泉蛋只有一隻，如果有2隻會比較好，可以一人一隻嘛⋯⋯不過沙律菜是新鮮的，都幾好味。白汁什菌意大利麵～安全穩陣之選，無咩驚喜，想像得到的味道。芝麻醬豬頸肉意大利麵～意料之外的好味道初時還怕味道會奇怪，誰知道又幾好味，真的有驚喜呀！！！抹茶牛奶～最估不到的是呢杯抹茶牛奶真的超級好味道我會為了呢杯而再來幫襯！至於侍應的服務態度，我覺得一般般，不好也不壞。

睇完Openrice送嘅「單身男女2」，再去醫肚！見呢間口碑唔錯，今日星期日仲驚要排隊！去到居然唔使等，即刻有位！ 在門口廚窗放滿臘製食品，已經看中墨魚汁麵！入內安排坐廚房旁邊出菜位，裝修係日式西餐廳格局，梳化配木枱，座位唔迫，坐得舒服，唔會好嘈，每個位置都有一個半圓形大膠托盤！唔用餐紙！但中間無位放食物！即係預每個食客都獨食一份食物！唔可以Share?食品以意粉pizza為主!午餐無墨魚麵，所以最後散叫！肥髀加多個沙律！溫泉蛋凱撒沙律：蔬菜新鮮爽脆，羅馬生菜為主，撈埋溫泉蛋食，好滑溜，醬汁浠身偏酸，幾開胃！煙肉淋身咸香！好味！魷魚墨魚汁意大利麵：黑媽媽，墨魚汁嘅味道咸香（肥髀唔鍾意聞墨汁味道）剛煮起熱辣辣，魷魚圈有5件，仲有個魷魚尖，魷魚都染成黑色，淋身唔韌，麵質煙韌，有咬口，食要好小心，成咀都染成黑色！麵上放幾塊蔬菜，又硬又無味！唔得！食物好味，服務唔錯，一到即刻比兩杯水，上菜男店員又會主動問：要唔要碟分菜？服務勤快！

2月21日同朋友去了屯門食晚飯,上OPENRICE找到這間日式西餐廳,好似幾特別及幾吸引,所以我地3人就嚟左,因冇得訂枱的,不過7點幾都唔算好多人,餐廳俾我們想像中大及多位,仕應都好好禮貌.初初以為只有麵食,原來都有其它選擇,仲要唔少添呀.我們點左一個兩人套餐,有一個PIZZA及一碟麵,一碗湯,一杯飲品. 我們揀左一個洋麵屋PIZZA,一個白汁蟹肉意粉,另外再加左一個蕃茄三文魚意粉,白酒煮蜆,凱撒沙律.先嚟一碗湯,好清的,有少少味道,OK,凱撒沙律係好特別,同平時食開的唔同,有一隻溫泉蛋,一些火腿肉,西蘭花,菜,蕃茄,好味呀,好清新的感覺.白汁煮蜆一般,但都好多隻,唔係好重酒味,不過蜆肉都鮮甜. PIZZA反而俾我地想像中細個,但係好好味,好多料的,有些蕃茄醬,火腿,菠蘿,個PIZZA好香口好脆,仲要好熱架,好好味呀.白汁蟹肉麵,明明係蟹但係變左中蝦,味道都幾好呀,大蝦好爽口,白汁都唔會好濃的,幾好食呀.蕃茄三文魚意粉,三文魚都幾多呀,有些蕃茄,酸酸地都好開胃呀.我們一路食一路傾計,傾下傾下又幾小時,最後叫左一個蘋果批,好香呀,蘋果有三四片,有些忌廉,個酥好好味,好香口好脆,飲人回味呀