BOUNDLESS by REACTION

營業中

休息中

慢煮美國牛小排蝴蝶粉 配蕃茄冬蔭功汁呢個組合都幾令人驚艷！牛小排因為慢煮嘅緣故，口感嫩滑多汁，肉質鮮美。蝴蝶粉偏幼身，非常掛汁。蕃茄冬蔭功汁的味道酸甜可口，好開胃，食完一啖想食第二啖！總體黎講值得一試～炸薯條配黑松露蛋黃醬&煙辣椒蛋黃醬薯條炸得非常香脆，即使放凍咗食依然好脆。配黑松露蛋黃醬真係好正，黑松露味好香好濃！而煙辣椒蛋黃醬就有啲似微辣嘅千島醬，食落有啲普通，冇黑松露咁正溫泉蛋墨西哥辣肉醬扭紋通粉配荷蘭鬆餅呢個真係食得又睇得，個扭紋通粉係放係鬆餅上面，所以望落都幾得意！通粉都算Q彈，配肉醬汁真係好難唔好食。荷蘭鬆餅都好鬆軟細膩，唔係好甜，所以配上去都唔會突兀Berries cheers呢杯其實係雜莓乳酪，但係實物冇餐牌圖片好睇，不過飲落冇藥水味，都ok嘅，但唔算特別好飲Dirty Tiramisu好味！奶味同咖啡味都濃，口感細膩，入口即溶

係荃灣商場地下有呢間落地玻璃嘅Cafe，有花草嘅環境休閒得黎都幾靚，同朋友/情侶黎食都幾好😉🔸溫泉蛋墨西哥辣肉醬扭紋通粉配荷蘭鬆餅（HK$88）呢到有出面少見嘅荷蘭鬆餅，雖然睇落唔大份，不過2個人share都夠食😎鬆餅有蛋香味，上面嘅通粉有肉醬同溫泉蛋一齊食，幾新奇嘅配搭～🔸和牛漢煲配薯條（HK$123）因為2個人share，切嘅時候手打和牛漢堡扒就散開左😂另外有菜、蕃茄、煙肉同芝士等配料，2個人食岩岩好🍔另外配埋粗身薯條🍟🔸吉列牛肉薯蓉條（HK$63）小食叫左呢個吉列牛肉薯蓉條，即叫即炸外身脆卜卜，食落辣辣地都幾惹味😁🔸Dirty Tiramisu（HK$58）賣相好適合打卡，滿滿嘅可可粉同埋流質嘅芝士，cream比較多，食落唔會太苦或太甜☺️🔸Matcha Latte（HK$46）拉花拉得好靚，抹茶味都幾濃郁☕

呢間餐廳係荃新天地開咗一段時間 已經好想試 俾佢地餐牌既荷蘭鬆餅吸引咗 呢個荷蘭鬆餅好似係必食 今日晏晝一點幾到餐廳 可能係星期日 差唔多坐滿晒 見到出餐位不斷出荷蘭鬆餅 應該每枱既客人都會入嚟嗌 我地叫左個溫泉蛋墨西哥辣肉醬扭紋通粉配荷蘭鬆餅 賣相係幾好 食落唔會太辣 肉醬酸酸地幾開胃 一個人食晒都幾飽 但最失望既係個荷蘭鬆餅 切落去覺得佢係比較硬身 食落完全冇味 食左少少已經唔想再食另外仲叫左個All day Dutch Baby 即係將個全日早餐放係個荷蘭鬆餅上面 全日早餐有炒蛋 煙肉 大啡菇 蕃茄 豬肉腸 火箭菜同埋杏仁片 味道正常 冇乜特別 荷蘭鬆餅都係失望飲品叫左杯Purple Mist 係一杯蝶豆花青檸檸檬梳打 酸酸地幾好味 賣相好靚 岩晒打卡整體黎講 食物正常 荷蘭鬆餅可以唔洗食 試一次就夠了

BOUNDLESS by REACTION這家cafe專門吃荷蘭鬆餅（Dutch baby pancake）🥞點了兩款來試試🤩✨溫泉蛋墨西哥辣肉醬扭紋通粉配荷蘭鬆餅 $88✨All Day Dutch Baby $123鬆餅裡面鋪滿了蛋皮，吃下去甜甜的但老實說，個人覺得不太好吃，感覺很膩，總覺得如果有點鹹味會更好吃🫣所以食物方面只給了三星😖這款鬆餅對我來說試一次就夠了，下次不用回頭再吃😅鬆餅上的配料則是不錯😳蛋切開來仍是流心的😍另一款則是把整個all day breakfast放在鬆餅上面，有紐倫堡腸、煙肉🥓、大啡菇等，有點鹹香味更好吃😋那香腸咬下去還會噴汁🤣配料下還鋪滿了黑松露炒蛋，份量超多，但可惜跟鬆餅裡的蛋一樣沒甚麼味道😢地址：荃灣楊屋道1號荃新天地地下G75A-76C&D號舖