味力冰室

營業中

休息中

今日再次到鰂魚涌工作，辛苦搵黎志在食，今日就揀咗味力冰室試一試。一行三人見到門口10多人等位，而勝在流轉快，所以等咗15分鐘左右就入座。午飯時間店內真係坐滿晒人，而行人通道尚算寬躺，不會太迫難行。入到坐位，見到好多人叫常餐，當然唔好執輸啦，盛惠$45。味力叉燒湯意粉，即叫即煮，湯底夠熱，叉燒睇落好瘦，但夠淋配埋炒滑蛋，火腿同牛油厚多士，美味2. 滑蛋叉燒飯 ($56)，因友人不吃蔥，所以走蔥，叉燒份量多，蛋同樣夠滑，簡單配上豉油汁，已好好味。至於奶茶，亦夠香濃夠滑，值得推介

今日lunch 終於服同事去試呢間開咗唔係好耐嘅冰室, 去到都有幾組人係度等緊位! 而我哋只有兩個人, 所以好快就可以安排到位比我哋! 係咁熱嘅天氣, 唔洗等位, 實在太好了! 我哋分別叫咗午市套餐同常餐!滑蛋叉燒飯 $56 ~ 賣相相當唔錯, 滑蛋包住整個飯, 叉燒係瘦叉, 份量都算多, 滑蛋半熟狀況相當好, 略嫌鼓油味較淡!常餐$42 多士兩片, 火腿兩片, 炒滑蛋, 叉燒湯意 ~ 炒蛋真係幾滑! 多士微脆軟熟, 個人喜歡在牛油面落啲沙糖一起食!叉燒意粉份量都算多, 如果係半肥瘦叉燒就更加美味!兩個餐都有飲品附送, 凍飲加3元, 特飲加$10, 我就選擇咗加$10飲雪糕紅豆冰雲呢拿雪糕幾香幾好食, 紅豆都算多, 整杯飲品甜度適中, 幾好飲!小亮又多一間有下次嘅餐廳可選擇喇