すき焼 森 (荷李活道) (已結業)

🥰 三年悠長假期, 試過 壽司刺身, 天婦羅, 燒肉 嘅廚師發板, 大開眼戒. 早前 “老友食家” 推介相對冷門嘅 “壽喜燒”, 點名 預約困難店 - “森” Sukiyaki Mori.🤗 “森” 喺中環設三間分店, 邊間有位食邊間, 卑利街分店 有日本師傅坐鎮, 一位難求, 歌賦街分店 啱啱裝修休業, 今日相約即將去美國進修嘅 “小秘書”, 嚟到 荷李活道分店, 解鎖我未食過嘅 “關西壽喜燒”. 電話訂位, 可以選擇入座時間: 6:30pm, 7:30pm, 8:30pm, 唔使落訂.📖 壽喜燒, Sukiyaki, 日本鍋物料理之一, 以少量醬汁烹煮嘅火鍋. 食材包括牛肉切片, 大蔥, 蔬菜, 豆腐, 芋絲, 冬菇等, 蘸生雞蛋食. Suki 意指農耕時嘅鋤頭, Yaki 意指燒烤, “壽喜燒” 又稱為 “鋤燒”. 關東版本 使用已調配好嘅湯醬汁, 放入牛肉蔬菜, 類似火鍋, 關西版本 先以牛油抺空鍋, 放上牛肉煎烤, 再分別加入砂糖及醬汁, 相對似烤肉.📖 翻查資料: “天武天皇” 受宗教影響, 旨禁食用獸肉, “德川幕府” 時期, 人民喺值得慶祝嘅日子可以食 “壽喜燒”! 當

Sukiyaki Set $680前菜分別有豌豆、日本茄子加富山灣瑩光魷魚 食既次序係豌豆、茄子再到魷魚 豌豆好大粒 食落有啲甜味 而茄子既表面有啲醬油啫喱 成個配搭好夾🍆 最後係煙燻過既魷魚 食落有啲爆漿既感覺 其實係魷魚既醬黎 自己接受到都ok 不過屋企人就麻麻地 好睇個人口味😹第二個前菜係櫻花蝦蒸蛋 面頭仲有啲薑蓉 夾埋一齊食會更提鮮 不過我唔食蝦所以就俾哂屋企人 佢哋話冇乜特別 而蒸蛋就好出色 蛋香味重之餘仲好滑😋然後就到主菜部分 今次食既係近江和牛 分別有肉眼、西冷、牛肩三個部位 由於佢係關西和牛既關係 煮法同一般關東和牛落汁煮有分別 呢款係落糖煎香塊牛 帶有焦糖效果 比較特別🤣第一塊會由肉味較淡既肉眼開始 呢塊加咗洋蔥上 食落夠淋身 雖然話係最淡味 但都食得出牛肉既香味架 而且每人會有一少碗白飯 唔夠的話可以任添😌食完第一塊會食啲蔬菜先 分別有豆腐、冬菇、娃娃菜同日本麵筋 每樣都吸收哂啲醬汁既精華 特別係日本麵筋 咬落好淋之後就食到超煙韌 好得意😚第二塊係西冷會加春菊同蒟蒻條食 春菊即係皇帝菜/唐芹既同品種 西冷肉味教濃 相對有咬口啲 點蛋汁食更出色 而且蒟蒻條可以去油 口

好多Youtuber介紹同埋朋友力推終於可以試吓啦✨ Sukiyaki set 💰680 (dinner) / 💰580 (lunch) ⭐ Appetizer 前菜⭐ Steamed dish 蒸し物⭐ Vegetable plate 野菜⭐ Sukiyaki すき焼 (可選牛/豬), 牛舌+💰100📝 A4近江和牛有4種, 肉眼 & 西冷 & 2種牛肩位, 由牛味最淡開始食至最濃😋都食得幾講究下🥳⭐ 滑蛋牛肉飯📝蛋好滑, 濃濃蛋香味🤩, 啲蔥花粒切得超柔細, 刀🔪工好似真係好犀利, 用sukiyaki汁煮別有一番味道⭐ Dessert𝕊𝕦𝕜𝕚𝕪𝕒𝕜𝕚 𝕄𝕠𝕣𝕚 すき焼 森📍中環鴨巴甸街35號元創坊A座1樓S109-S113號舖(上環🚇A2 出口行7分鐘就到)💫評分: 8.7/10💬 專人服務, 白飯任添, 好有飯香🤣🍚, 覺得送飯一流😋師傅會肉菜肉菜梅花間竹食, 有人服侍係幾好🤣不過自己都唔係超級好咁甜嘅嘢, overall係可以一試, 我表妹話覺得同日本嘅sukiyaki冇得比都係日本好味啲但喺香港來講都算高質素, 食完包你好飽同好滿足🥳

男朋友生日加上除夕，想帶佢食得好一點。點知，不是好一點，係好很多。第一次到訪此餐廳，從餐廳外面及內部裝修感受到好濃厚嘅日本氣息。一坐低店員就比餐牌我哋，餐牌基本上係只有一個餐，可以揀牛肉或者豬肉既Sukiyaki或者shabushabu。由於我哋兩個都係Sukiyaki嘅超級愛好者，所以就跟着師傅嘅建議叫咗個牛，係近江牛黎既。師傅知道我哋第一次黎，都好用心介紹究竟第一次食啲咩好。連前菜師傅都同我地逐一講解係乜野，同埋食既先後次序。跟住師傅開始煮牛肉及蔬菜仲跟個細飯俾我哋送牛肉。食Sukiyaki 必有既生雞蛋我好怕食生嘅有浸腥味，但係呢度嘅雞蛋完全冇腥味而且好滑。跟住有個麵豉湯我稍為啲唔喜歡，因為佢有好重薑味，我飲唔到。但係最後嘅甜品係士多啤梨牛奶布甸同蕨餅都十分之滿意，士多啤梨好香甜牛奶布甸好滑，兩者加埋一齊食好滿足。埋單都係七百幾蚊一個人，價錢來講相當相宜，我哋兩個都飽住走。總結而言，師傅嘅用心同埋態度煮嘢食嘅認真同執着，其實令到成個用餐體驗都加咗好多分所以呢個價錢食到正宗好味又服務態度好嘅餐廳真係好值得介紹俾大家。