影片
更多
2021-05-25
11797 瀏覽
Sukiyaki Set $680前菜分別有豌豆、日本茄子加富山灣瑩光魷魚 食既次序係豌豆、茄子再到魷魚 豌豆好大粒 食落有啲甜味 而茄子既表面有啲醬油啫喱 成個配搭好夾🍆 最後係煙燻過既魷魚 食落有啲爆漿既感覺 其實係魷魚既醬黎 自己接受到都ok 不過屋企人就麻麻地 好睇個人口味😹第二個前菜係櫻花蝦蒸蛋 面頭仲有啲薑蓉 夾埋一齊食會更提鮮 不過我唔食蝦所以就俾哂屋企人 佢哋話冇乜特別 而蒸蛋就好出色 蛋香味重之餘仲好滑😋然後就到主菜部分 今次食既係近江和牛 分別有肉眼、西冷、牛肩三個部位 由於佢係關西和牛既關係 煮法同一般關東和牛落汁煮有分別 呢款係落糖煎香塊牛 帶有焦糖效果 比較特別🤣第一塊會由肉味較淡既肉眼開始 呢塊加咗洋蔥上 食落夠淋身 雖然話係最淡味 但都食得出牛肉既香味架 而且每人會有一少碗白飯 唔夠的話可以任添😌食完第一塊會食啲蔬菜先 分別有豆腐、冬菇、娃娃菜同日本麵筋 每樣都吸收哂啲醬汁既精華 特別係日本麵筋 咬落好淋之後就食到超煙韌 好得意😚第二塊係西冷會加春菊同蒟蒻條食 春菊即係皇帝菜/唐芹既同品種 西冷肉味教濃 相對有咬口啲 點蛋汁食更出色 而且蒟蒻條可以去油 口
前菜分別有豌豆、日本茄子加富山灣瑩光魷魚 食既次序係豌豆、茄子再到魷魚 豌豆好大粒 食落有啲甜味 而茄子既表面有啲醬油啫喱 成個配搭好夾🍆 最後係煙燻過既魷魚 食落有啲爆漿既感覺 其實係魷魚既醬黎 自己接受到都ok 不過屋企人就麻麻地 好睇個人口味😹
第二個前菜係櫻花蝦蒸蛋 面頭仲有啲薑蓉 夾埋一齊食會更提鮮 不過我唔食蝦所以就俾哂屋企人 佢哋話冇乜特別 而蒸蛋就好出色 蛋香味重之餘仲好滑😋
然後就到主菜部分 今次食既係近江和牛 分別有肉眼、西冷、牛肩三個部位 由於佢係關西和牛既關係 煮法同一般關東和牛落汁煮有分別 呢款係落糖煎香塊牛 帶有焦糖效果 比較特別🤣
第一塊會由肉味較淡既肉眼開始 呢塊加咗洋蔥上 食落夠淋身 雖然話係最淡味 但都食得出牛肉既香味架 而且每人會有一少碗白飯 唔夠的話可以任添😌
食完第一塊會食啲蔬菜先 分別有豆腐、冬菇、娃娃菜同日本麵筋 每樣都吸收哂啲醬汁既精華 特別係日本麵筋 咬落好淋之後就食到超煙韌 好得意😚
第二塊係西冷會加春菊同蒟蒻條食 春菊即係皇帝菜/唐芹既同品種 西冷肉味教濃 相對有咬口啲 點蛋汁食更出色 而且蒟蒻條可以去油 口感都好好✨
之後就會食洋蔥 🧅愈外就愈老 愈內就愈嫩 可以試下就咁食外面個幾層先 食落都鮮甜 最內個幾層可以點蛋汁食 食落會更易入口 兩者都好夾😆
食完洋蔥就到蒟蒻麵 雖然用上壽喜燒汁去炒既食法唔太健康😂 不過口感都唔錯 而且味道好濃郁😍
第三款就係較嫩同牛味最重既牛肩肉加上帶甘三葉一齊食 呢款菜味就較重 未必人人接受到 但配牛係幾夾的🤩
因為加咗兩份牛舌(每份+$100) 一份大概有4塊左右 食落好淋 加上少量蔥花 更有特色🥰
食咗和牛就到滑蛋牛肉飯 啲蛋食落好滑 而煮既時間加咗少量酒去調味 而且飯量唔會太多 因為你食到呢個時間已經好飽🧐 之後會上埋麵豉湯 飲落帶甘同麻 師傅話係有消滯解膩既功效 仲有啲漬物 有青瓜、蘿蔔同紫蘇葉加梅 同牛肉飯一齊食紫蘇葉加梅既味比較特別 個人就麻麻 未必人人接受🤧
最後就係甜品既時間 有日式黃豆粉厥餅同櫻花奶凍 日式厥餅好煙韌同黃豆粉勁match! 加埋超滑溜既櫻花奶凍 同埋生日既裝飾都好精緻 值得一試🤤
評分: 10/10🌟
———————————————————————
すき焼 森 (荷李活道) (中環)
中環荷李活道66號地庫
Sukiyaki Set
$680
164 瀏覽
1 讚好
0 留言
前菜
135 瀏覽
0 讚好
0 留言
豌豆、日本茄子加富山灣瑩光魷魚
129 瀏覽
0 讚好
0 留言
櫻花蝦蒸蛋
102 瀏覽
0 讚好
0 留言
近江和牛肉眼
94 瀏覽
0 讚好
0 留言
豆腐、冬菇、娃娃菜同日本麵筋
79 瀏覽
0 讚好
0 留言
和牛西冷、春菊、蒟蒻條
86 瀏覽
0 讚好
0 留言
蒟蒻麵、日本洋蔥
70 瀏覽
0 讚好
0 留言
和牛牛肩肉
66 瀏覽
0 讚好
0 留言
牛舌
$100
67 瀏覽
0 讚好
0 留言
滑蛋牛肉飯
66 瀏覽
0 讚好
0 留言
日式黃豆粉厥餅、櫻花奶凍
93 瀏覽
1 讚好
0 留言
張貼
