紅伶飯店

營業中

休息中

第一次嚟呢間位於油麻地嘅潮州打冷。喺油麻地地鐵站C出口附近。今次試咗好多菜式。大部份都好好味👍。椒鹽九肚魚、炸生蠔、煎蠔餅，全部都好香口好好味。滷水鵝、小炒王都好好味😋同一大班朋友，去食潮州打冷，就最好不過。可以叫好多野食。又可以飲下啤酒傾吓偈。甜品我哋叫咗焦糖反沙芋。反沙芋我就食得多，但係呢一隻焦糖反沙芋我就真係第一次試。好特別！同平時食嗰隻反沙芋一樣咁好味。我個人就好鍾意一大班人去打冷食飯。餸菜好味之餘，又夠經濟實惠。不過地方環境就唔會太舒服。

好耐都無食打冷啦，一定要有啤酒！兩個人，唔點主食，4餸1啤，好飽！。🦑『滷水什錦』 $139普通滷水什錦係跟辣椒油，但係我自己覺得點白醋好味啲！🦪『馳名煎蠔餅』 $86有兩件，隔籬枱見到即刻嗌；入邊啲號都幾大粒！🐟『椒鹽九肚魚』 $109🥬『蒜蓉炒時菜(芥蘭)』$89🍺『朝日啤酒Asahi』 $33。📍 紅伶飯店 (油麻地)油麻地砵蘭街10-16號宜發大廈地下D及E號舖。大食時間：Aug 2023好味指數：🌕🌕🌕🌕🌑回味指數：🌕🌕🌕🌕🌑

被家人塗毒咗一段日子，搞到成日都好想食潮州菜，咁啱女漢子call 飯局，友人推介食紅伶﹗用餐當日6:30到，冇人排隊，不過眼見佢有位俾人排，應該平時有機會要排隊輪候。紅伶喺廟街已經有一段日子，屬於老牌打冷鋪，環境都比較老舊，今次我哋被安排坐喺應該露台改嘅位，比較窄，不過勝在冇咁嘈。店員嘅服務都很好，會行嚟問你啱唔啱食，推介吓食物。⭐️潮州靚鵝片 $149 - 略嫌滷水味唔太夠，不過肉質不錯﹗滷水豆腐有驚喜﹗店員推介用自家辣油配醋，更惹味﹗⭐️滷水什錦 $139 - 主力想食鵝腸、橙色墨魚片，沒令我失望﹗⭐️冰鎮芥辣墨魚 $109 - 墨魚不是重點，酸菜先係無敵好味﹗⭐️韮菜豬紅 $80 - 好好食，好耐無食過無渣嘅豬紅﹗⭐️馳名煎蠔餅 $86 - 太飽了﹗冇影相，食唔晒，不過好好食﹗⭐️蒜蓉炒蕃薯苗 $89 - Er....................炒菜冇嘢好comment!!

如果上次嚟食叫做普通，咁今次真係叫難食🙏🏻先唔講佢嘅價錢比較貴上次嚟叫炒蜆有成半無開殼都照上今次試下其他食物睇下係咪都係咁差滷水仍然普通，炒飯食了成肚鹽落肚😅係得炸物炸得唔錯，但都係overpricedp.s. 只能說口味人人不同，佢仍然每日都咁旺場𓂅 滷水什錦 ( ᴴᴷᴰ 139 )𓂅 黃金豆腐 ( ᴴᴷᴰ 89 )𓂅 椒鹽白飯魚 ( ᴴᴷᴰ 99 )𓂅 椒鹽雞軟骨 ( ᴴᴷᴰ 99 )𓂅 啫啫雞煲 ( ᴴᴷᴰ 109 )𓂅 瑤柱蛋白炒飯( ᴴᴷᴰ 109 )

💛紅伶飯店 (油麻地)👍🏻滷水什錦 $139有紅腸、大腸、鵝腸、魷魚、滷肉乜都有啲，爽口入味😆.🫶🏻冰震芥辣墨魚 $109必試💓見到差唔多枱枱都有叫墨魚滑嘟嘟，尚算爽口略嫌唔夠冰鎮🙌🏻.👍🏻韮菜豬紅 $80我唔多食內臟豬紅，所以冇試😆但見朋友們都食得好開心😂.🫶🏻馳名煎蠔餅 $86必試💓蛋酥，香脆可口蠔仔鮮甜，加上蔥花點綴🤤.🫶🏻黄金豆腐 $89必試💓外酥脆內嫩滑😋.👍🏻椒鹽鮮魷 $109炸漿薄而脆，魷魚鹹香爽口🙌🏻.👍🏻豉汁蒸白鱔 $169豉汁惹味，白鱔彈牙鮮甜🤤.👍🏻蝦乾浸娃娃菜 $119食左甘多肉，點都要叫啲菜🥬配料豐富：蝦乾、慈菇、蘿蔔、芹菜.👍🏻絲苗白飯 $13👍🏻忌廉 $15👍🏻雪碧 $15👍🏻王老吉 $16📸27.02.2023.💁🏻‍♀️自從畢業後，好少再約食飯🥹大排檔係一大班人聚會既不二之選👍🏻經濟實惠有氣氛😆.老字號潮州菜，果然名不虛傳👍🏻放工時間去食，店內坐滿人💃🏻好彩我醒目，有book定位🤣食物質素好，上菜快靚正😋員工親切友善，仲識同你講下笑😆大推有Heart小店💓

其實很多次經過這間食店，但一直都沒有試過，今晚突然想吃潮州菜，又不想去之前試過的，就打算去這間試試。星期六約7時半，已經排了約10人等候，但2人枱輪候算快，約10至15分鐘已能安排入座。這裡的菜式都十分出色，服務也很好，叫了5個菜，只有蠔仔粥比較失望，其他也非常值得推薦。除了滷水什錦外，是未吃之前影之外，其他照片是吃到一部分才影的，蠔仔粥就硬加完全唔記得影。最可惜的事是今日沒有鵝片，要等下一次再來幫襯。

位於佐敦不起眼嘅後街，裝修維持舊有風味，餐廳客人滿座。秋冬有推出限定羊腩煲，平時食唔到，啱晒呢個凍冰冰嘅天氣，兩個人叫左一個細煲盛惠 $398。睇落驚唔夠食，叫多個滷水什錦，一碟有齊不同鵝嘅不同內臟，適合貪心嘅我，滷味入味唔會太咸。鵝腸偏多而且唔肥，食幾多都唔怕，除左有大量鵝腸，仲有鵝肝，鵝腎，紅腸...主角羊腩煲，原來份量勁大，兩個人食都好夠。每舊羊腩都跟煙煙韌韌嘅皮，充足骨膠原！配料中馬蹄，支竹有齊，羊腩煲嘅材料缺一不可。最值得讚係腐乳醬，咸甜適中帶少少酒香，蘸羊肉一流。羊腩無肥膏，肉質依然炆得入味軟熟，食到一絲絲羊肉，值回票價！

一直bookmark咗好耐嘅潮州打冷小店, 今次一行六人食咗13道菜都係300蚊, 其中仲有要有大份羊腩煲, 真係幾抵食滷水什錦 / 滷水鵝片 - 滷水就係去打冷必食, 鵝片少韌味道中規中矩, 反而什錦有齊雞腎、生腸、紅腸、墨魚、豬耳、大腸、腩肉、芽菜、豆腐等等感覺豐富D秘製羊腩煲 - 用原個瓦煲上好有睇頭, 羊肉唔算膻, 骨都比較多, 但配自帶嘅意大利barbarseco紅酒又幾夾, 開瓶費50/支黄金茄子 / 黃金雞軟骨 - 加咸蛋黃再炸到酥脆, 鹹香炸物幾時都係下酒佳餚辣酒煮花螺 / 豉椒炒蜆 / 酥炸脆皮大腸 - 大排檔鑊氣小菜冇失手白飯魚煎蛋 / 椒鹽九肚魚 - 白飯魚煎蛋D魚冇散哂, 椒鹽九肚魚外脆內軟仲好juicy, 做得相當好冰震芥辣墨魚片 / 鹹菜門鱔 - 正字"鎮", 雖說係名菜之一, 但感覺普通唔夠爽彈; 鹹菜門鱔都係平平潮州反沙芋 - 應該成晚最失望嘅菜式, 芋頭未蘸滿砂糖而且偏硬, 嗜甜嘅朋友可以考慮其他

油尖旺打冷,  自從 鴻發 大變身,   陵發 又不知點算好,  無左兩間「飯堂」,  知道紅伶開返 (雖然係代替左一間好正嘅邊爐) 一路都好想試.  店鋪裝潢都好保留到上一手嘅氛圍,   亦係好有「打冷」嘅感覺,  坐低左就唔理喇,  叫野食先,    見到佢地大部份野價錢都好合理,  叫幾個招牌菜試下先, 冰震芥辣墨魚片,   開始越嚟越少人做呢個菜,   來貨相對地少同貴,  功夫相對地多,   如果佢個 wasabi 揀到再辣少少嘅,  就直頭係 perfect. 爆尖椒炒豬什,  另一個唔係間間有嘅菜,   就好顯椒多過雜好多   佢啲尖椒唔算辣,   如果係鍾意食好辣嘅朋友可能就會失望,  如果唔計辣的話其實佢係炒得好好.. 滷水什錦,  都係成班人打冷一定會叫喇,  絕對唔伏,  佢地嘅滷水 好夠味,  可能有人會覺得偏咸但我就 絕對OK 鵝片已經賣晒,  咁叫個鵝件都好啦,   係無啖啖肉咁爽喇,  但係同什錦一樣,  佢地嘅滷水野係正嘅.. 炒蜆,   水準之作啦,  咁出名嘅餐廳呢啲就真係好基本,   佢唔會好多吉殼,   無投訴. 大豆芽豆卜,   係唔知點解會叫

屹立在佐敦超過五十年的紅伶潮州飯店，自從舊年的老舖結業後，令一眾客人和街坊都大表可惜。最近從媒體得知紅伶捲土重來，並轉戰到油麻地砵蘭街，新店佔地兩層，地方比以前變大了，食物款式也變多了，而唯一不變的就是味道不變。冰鎮芥辣墨魚片（HK$100)👍👍👍👍👍冰鎭的墨魚片，最適合夏天炎熱的天氣享用。墨魚切成薄片，肉質鮮嫩並帶點柔靭，配合日式的芥辣豉油，口感有點似日式的刺身，作為餐前小食或佐酒都很適合。滷水什錦（HK$138)👍👍👍👍這個滷水什錦最適合多心的我，什錦內有多款滷水小食，當中包括有鵝腸、紅腸、生腸、豬大腸、豬頭肉、豬耳、墨魚、大豆芽豆卜等等，每樣一些，可以一次過試勻多種款式，實在令人心滿意足。馳名煎蠔餅（HK$80)👍👍👍👍👍新鮮炸起的煎蠔餅，金黃香脆，口感外脆內軟，爆汁的蠔仔鮮味十足，配以鹹鮮的魚露，更能帶出蠔餅的蛋香和蠔仔的鮮甜味道。白飯/潮州白粥（@ $12）👍👍👍👍Storefront Interior Menu

💛紅伶飯店·呢間我哋係下奏經過嘅時候發現呢間老字號原來重開左 我哋下晝見佢無咩人咁就決定夜晚即刻幫襯支持下佢 點知原來已經勁多人知😂😂我哋去到超多人排隊 最後等咗超唔多9個字先有位🤣·潮式烏頭$180其實我都係第一次食潮式凍魚 所以我都唔識分好唔好食 不過我男朋友話呢度做得幾出色既 條魚幾新鮮而且唔會有泥味渦😂😂佢條烏頭都幾大條既 超級啖啖肉 配埋佢個鹹鹹地既汁幾惹味🐟·滷水什錦$138之後我地本身諗住試多幾樣就嗌左個拼盤 點知呢個係無我地最想試既鵝片🤣佢D滷水全部都好入味 而且清潔得好乾淨 最有驚喜係佢個脆腸 佢係真係超脆 好似翡翠蚌咁 好好味🤤之後鵝腸 鵝腎個D都好味 而且佢每樣份量都幾多既 係紅腸真係比得有D多😂😂😂·蠔仔肉碎粥$38 l XO醬小炒王$118之後佢呢度既蠔仔粥我超中意 佢係超鮮甜 而且佢D米係微微炒過咁 口感好好 佢入面D蠔仔都好好味🦪之後佢個小炒王都超有誠意 佢入面既大蝦超級新鮮 好大隻而且超彈牙 配埋D蝦乾 白飯魚乾同腰果超惹味😋😋··📍油麻地砵蘭街14號地舖