春水堂人文茶館 (創紀之城五期(apm))

營業中

休息中

好掛住台灣嘅味道，所以同朋友食呢間長期排隊嘅春水堂，大約等左20分鐘就可以入座喇！！滷香拼盤滷得好入味，但不會過鹹，剛剛好，忍唔住會一啖接一啖😋腸都好好味，洗得乾淨冇怪味紅燒牛肉麵肉比較少，同埋唔算大件味道適中，但有少少油黃金香酥雞炸得好香脆，但肉質唔嚡，椒鹽份量剛好同埋均勻，唔會一啲有一啲冇

之前見到成日排隊一直都無機會食到，今次終於食到，仲要唔使等黎到即刻有位。 太耐無食台灣野咩都想食，首先叫左個滷香拼盤 ($78)，有大腸、牛肚同牛筋，入味得黎唔會好鹹，好夠味！牛筋唔韌，充滿膠質既感覺，大腸好香，牛肚係最好食 跟住叫左個黃金香酥雞 ($48)，唔係好有鹽酥雞既味道，唔太夠味，比較似普通炸雞，不過係外脆內軟既。 主食有個紅燒牛肉麵 ($82)，個湯幾好味，不過唔知係咪放得太耐先食所以啲麵有少少淋，但係份量係唔算少，分別有兩塊牛筋同牛肉，同樣地唔會好韌，肉質幾嫩，幾香既牛肉味，略嫌少貴。 之後仲有個細碗既魯肉飯，食完個麵其實已經飽左，個飯都唔係好食得落，係正常味道既魯肉飯，有肉鬆喺面，細食既女仔叫一碗都夠食 飲品方面，分別叫左杯凍既珍珠鐵觀音奶茶 ($34) 同凍既珍珠茉香奶茶 ($34)，茶味幾香，叫左少甜真係無咁甜既，珍珠有咬口，唔錯 最後食飽左見到人地食甜品都忍唔住叫左個珍珠熔岩蛋糕 ($58)以為佢流心點知切開原來係實心，有少少失望。蛋糕夠軟熟，啲cream好香，但整體係甜左啲，食完會口乾果種兩個人食連加一埋單$398，其實晚餐黎講唔算貴，不過可以再食好少少

每次路過都見春水堂出面大排長龍， 適逢生日月朋友叫我揀餐廳， 心血來潮不如試下春水堂。 開頭諗住疫情之下應該不用排長龍， 誰知都要排大約十分鐘。 餐廳座位格局都比較迫， 店員服務普通， 今次就試下這裏的菜式，麻香烏骨雞麵線$88， 茶香肉燥娃娃菜$28， 滷香拼盤$78， 麻辣青瓜$38， 台式芋米糕$28， 珍珠熔岩蛋糕$58， 鐵觀音拿鐵$36， 珍珠紅豆鮮奶茶$38。麻香烏骨雞麵線～ 湯的味道很清， 麵線幼滑。😊滷香拼盤～ 有豬大腸，牛孖根和牛肚，滷得入味但偏甜。台式芋米糕～ 外觀好像蘿蔔糕，外脆內軟， 味道唔錯。麻辣青瓜～ 麻香味重， 配清新爽口青瓜， 兩者是最夾的味道。茶香肉燥娃娃菜～ 娃娃菜太大棵好難入口。珍珠熔岩蛋糕～ 珍珠爆漿蛋糕， 忌廉軟滑， 蛋糕質感紮實。鐵觀音拿鐵～ 茶味香濃，又滑口。珍珠紅豆鮮奶茶～ 紅豆質感有點硬， 幸好甜度適中。今次終於畀我試到春水堂， 食物質素唔錯， 喜歡吃台灣菜的朋友可以一試。

有期望，無失望，平日下午六時左右到達，無乜人等位，十幾分鐘已經可以入，唔使罰企等齊人，可以先入坐，坐住等朋友，真開心！貴為珍珠奶茶始祖，一定要試吓佢嘅拓牌名物啦~沒有味道的麻油雞，湯淡如水，很失望不錯不錯！味道正常，略嫌滷得不夠入味炸蕃薯條，基本上唔會差得去邊初試甜不辣，原來係用魚漿做嘅台式炸物值得一讚再讚，位於東九龍人流極多嘅商場內，竟然唔需要過半數或齊人先安排入坐，仲要無限用餐時間，又唔會趕客，唔怪得條人龍咁長啦！性價比太高，絕對值得再去！

上兩個星期來到《APM》開餐，已經見到了「春水堂」，但實在太多人排隊，唯有放棄。今日再次來到，仍然有一條不短的人龍，但總算短過上一次；反正遲早都會光顧一次，就趁今日排一排隊吧。「春水堂」原本只是一間喫茶店。1987年的某天，「春水堂」某間分店的一位員工，將童年喜愛的小食粉圓帶回店內與其他店員分享；並偶然地將粉圓與冰紅茶、冰奶茶調制成飲料自己享用 ⋯⋯ 就是這樣，世界上第一杯珍珠奶茶誕生了！想不到這款口味豐富多元化的飲品迅速風行全台灣，其獨特的濃香口味及軟韌嚼勁口感很快就在飲料世界中佔有一席位，成為台灣地區的代表性飲品，成功打入台灣以外的其他市場。進入餐廳，一邊是落地玻璃、陽光普照；另一邊就是長長的水吧枱，不過並不是炮製雞尾酒，而是珍珠奶茶。「春水堂」作為台灣珍珠奶茶的發源地，這個長吧枱絕對可以理解。再往內走就是座位區，沒有了落地玻璃；缺少陽光照射，感覺頓時變得幽暗，及不上靠近餐廳門口的那一批座位。香港絕大多數的台灣菜餐廳其實都是主打台灣牛肉麵，「春水堂」雖然是茶館起家，但也兼賣牛肉麵及台式拌麵。每次食台灣牛肉麵，只要超過二人同行，必定紅燒、清湯各點一碗。御品三寶牛肉麵（$98）就是最經

觀塘APM春水堂開業不久，潮聖的食客聚多。這次已經是三月份內的第二次潮聖春水堂，平日晚上大約20:40，仍然有大批食客排隊，我們大概排了30分鐘便可入座。📍麻辣青瓜$38這道青瓜實在值得推薦，青瓜爽脆可口之餘，麻中帶酸辣，少辣中帶青甜，很開胃。 👍🏻👍🏻👍🏻📍滷香拼盤$78拼盤有牛腸、牛肚及牛筋，牛雜滷得入味既冧，大家不妨蘸一下附上的麻辣香油，提升滷物的味道層次。📍黃金香酥雞 $48鹽酥雞是筆者推薦食品之一。想推薦的原因很簡單，粉漿薄、味道好、即叫即炸，炸得又香又脆。📍紅燒牛肉麵 $78紅燒牛肉是半筋半肉的。牛筋及牛𦟌都處理得恰到好處，又冧又入味。湯頭香鮮美味，讓人不禁多喝一口湯。麵條幼細彈牙，可掛上很多湯汁。📍珍珠茉香奶茶 $32由於上次試了鐵觀音茶底，是港式風味。這次試一下茉香味，淡淡優雅的茶香，加上獨特的奶泡和配上小顆粒的珍珠，是地道的台式風味。餐廳食品部出餐快，飲品則等候需時，需要一點耐性。服務方面，店員可謂非常醒目，會主動收妥食客用完的餐具。當湯面上桌後，店員知道是兩位朋友共享餐點，會主動詢問客人是否需要小碗，並為我們提供，值得一讚。👍🏻👍🏻👍🏻

個個星期都同囝囝上堂路過觀塘，難得台灣始祖來香港開設分店，梗係要打下咭啦～～～上完堂11:30，諗住啱啱開店冇乜人，懶洋洋咁行去，點知要排隊了⋯⋯一等就等左差唔多45分鐘呀⋯⋯等到囝囝都餓到扭計⋯⋯門口樓底好高，枱又唔算密，其實幾好坐餐牌坐低即刻叫左去親台灣都必點既野黎試下～～魯肉飯、牛肉麵、滷味、珍奶⋯上菜速度都算快～～黎左個魯肉飯先，即刻整左俾囝囝食左先～～～魯肉飯最好味同邪惡既地方係d肥膏，細細一碗都有好多呀～～至於滷香拼盤就有三種唔同既滷味～～滷得好入味，唔錯御品三寶牛肉麵：都係有三種唔同既牛部位係麵入邊～～～湯底唔算好濃牛味，牛肉都好淋好好食～但係個麵放得太耐先食就淋左喇⋯⋯滷香排骨便當：呢個係一個好精緻既便當，完全同台鐵便當唔同～～～不過滷排骨就真係好似便當既口味～～仲有2格蔬菜，感覺健康好多～～～便當仲附上肉丸湯一碗～～黎到春水堂，梗係要叫番杯珍珠奶茶飲啦～～～我地就叫左珍珠鐵觀音奶茶同埋肧茶奶茶加珍珠～～～鐵觀音珍奶既茶味清，飲得到鐵觀音既香味～～至於胚芽奶茶就係傳統茶底沖既，茶比鐵觀音既濃～～但我就比較鍾意濃茶味～～～珍珠都好好咬架，一粒一粒咁，唔係街外既一餅珍珠～滿

觀塘APM 新開了台式茶館「春水堂」，最讓人期待的是竟然有台式小吃和主餐供應。上星期已經遇到過排隊的盛況，由於當時時間太趕，無緣一試。難得這個星期六有空，便早上去排隊，踫踫運氣。「春水堂」目前仍是試業階段，餐廳營業時間是11:30-23:00。這天早上10:30就到達，順利排在首位，等待餐廳開門。排隊時看到餐廳環境雅緻寬敞，餐廳巧用淺色的木材桌椅，配合柔和的燈光，讓人感覺更舒暢。店員在開店前會聚在一起開會作簡報，感覺很專業。📍珍珠鐵觀音奶茶 $34比較特別的是，珍奶採用細顆的黑糖珍珠，珍珠軟滑富Q彈口感。鐵觀音清幽的香氣提升了飲品的層次，而經過特別的搖製，珍奶上才形成1cm的奶泡，這是春水堂珍奶的一大特色。📍滷香拼盤 $78台式滷水拼盤中有牛筋、牛肚、牛大腸。滷物滷得入味，蘸上附帶的麻辣椒油，微微的麻令滷物更香，一絕。📍紅燒牛肉麵 （半筋半肉）$58紅燒牛肉麵的湯頭很重要，是一碗麵好吃與否的關鍵所在。這個湯頭香濃美味，不會感到太油膩。牛肉方面是採用了半筋半肉的金錢𦟌。有點可惜的是麵質偏軟了一點，如果喜歡吃麵質煙靭一點的話，建議在下單前要求麵的烹調時間要縮短。📍慢煮豬手 $58一客有4件