時新漢堡飽 (已結業)

時新漢堡包以前叫時新快餐店，有勁多年歷史，舊舖喺紅磡站落紅磡條天橋嘅橋底，早幾年時新兩兄弟分道揚鑣各有各做，分咗兩間舖，今次我哋路過黃埔新天地，入去時新食個包先！ 😋 漢堡芝士包 $26 一個單層芝士包24蚊，26蚊可以喺芝士、蛋同火腿入面加一樣，29蚊就可以加兩樣。包入面用咗時新醬，即係佢哋嘅秘製沙律醬。漢堡扒係純牛肉，會爆啲肉汁出嚟嘅，因為每個包每塊扒都係即刻整！配埋酸酸甜甜嘅時新醬非常非常夾，不過小編表示後悔無加蛋，加埋仲正！ ⭐️評分⭐️（5⭐️為滿分）味道 ⭐️⭐️⭐️⭐️⭐️ 環境 ⭐️⭐️⭐️⭐️ 抵食 ⭐️⭐️⭐️⭐️

以前係附近讀書既時候, 仲未搬鋪既時新就係我既飯堂, lunch time既最愛! 不過畢左業之後幾乎都無黎食過lu, 今日去開黃埔就特登黎食搵番回憶既味道~而家裝修靚左, 係人都認到哩個sharp醒既門面樣樣都想食於是就叫左二人套餐, 乜都有唔洗諗~ 有2個餐湯, 2隻雞全翼(可以揀炸or滷水), 炸薯條拼雞粒, 漢堡芝士包同埋漢堡蛋包各一個,  2杯餐飲同埋甜品~漢堡芝士包同漢堡蛋包依種面頭鋪滿芝麻既港式漢堡包, 真係令人好懷念呀~個包熱熱的, 雖然流量高但係鋪頭都唔會整定而係新鮮即做, 漢堡肉又唔柴皮,  仲有佢自家製既時新醬, 好好味而且落得一D都唔孤寒!! 我地仲揀埋依個醬黎點個脆雞粒食, 正呀絕對唔遜色於大型連鎖店, 如果唔係點樣係依度站住陣腳咁多年呢! 炸薯條食漢堡唔係唔配薯條呀麻? 傳統港式粗切波浪紋薯條, 薯味重之餘食到薯仔蓉口感, 係依種薯條先食得到炸雞全翼老老實實, 由以前到而家無論雞脾定雞翼我都未食過滷水, 每次都一定要食炸既! 依度新鮮即炸實在太香口~係我食完隻雞全翼之後見到隔離枱個小妹妹揸住大大隻炸雞脾食, 都有D想搶左佢隻雞脾既衝動最尾甜品我地揀左甜筒,

時新漢堡包回歸😍之前執左，無得再食，真係好慘。而家時新漢堡包搬咗去黃埔， 仲有mtr，好方便，搭到去黃埔站行一陣就到😉漢堡芝士包 $22包身係嘉頓麵包，幾軟身重點係入面塊超juicy係漢堡，加上秘製沙律醬，仍然係之前嘅味道😋炸雞脾 $25 仍然係生炸，外皮好脆，入面亦好juicy😆炸薯條 $20好粗身，即叫即炸所以做到熱辣辣，外脆內軟。仲要上邊好多鹽😍好正啊😚整體而言，舖面寬闊左，唔會好似以前既座位咁窄👍🏻食物質素冇變

《時新漢堡飽 (紅磡)》重新啟業新地址同舊地址相差都有一段距離如果打算去嘅朋友最好搭地鐵啦！新店環境唔算大 座位都比較迫但快餐來講都算舒服嘅但快餐來講呢價格都算係貴我哋兩個人以上嘅份量大約需要＄200如果大家想重點出擊 建議大家食漢堡😋😋漢堡蛋包 $22 評分：6.5/10漢堡芝士包$22 評分：6.5/10兩個漢堡包個重點都係落係鮮牛肉漢堡上漢堡質地冇西式漢堡咁乾 較juice加埋秘制沙律醬 係別有一番風味但漢堡包的份量比外面的小如果只是叫漢堡恐怕會唔夠飽了炸雞全翼 $23 評分：4這個令我有少少失望 因為比我想像中乾 肉質唔夠嫩而且調味唔夠😞😞