時新漢堡飽 (已結業)

細說懷舊，人情味的快餐店，真係少之有少呀。。。。。早兩前曾經結業，而家終於可以有得食了😍我相信 ❮時新漢堡飽❯ 好多人都識架啦，今次就係黃埔新天地重現大家啦～環境都好企理好乾淨，一入門口就有好大個餐牌係到，一目了然。而且都幾光鮮，不過就少左舊式既味道。。。之後睇岩直接比錢落單，搵個靚位坐住得叫號碼就可以啦～餐牌上有唔同款式既野食，當然唔少得呢到既招牌港式漢堡包啦🍔除左漢堡包，仲有飯類同意粉可以揀，岩哂唔同人既口味，同埋佢地既風味小食都唔可以錯過，特別係佢地既炸雞脾同炸薯條🍟漢堡芝士蛋包 $27真係好耐好耐都無食過呢種舊式漢堡包，真係好令人懷念呢～～☺️今次點都會叫佢地既經典漢堡包，牛肉多汁惹味，而且蛋邊仲係焦燶邊，加埋佢地既沙律醬汁，帶有酸酸甜甜既味道，真係好好食！漢堡芝士火腿包 $27呢款就拼左火腿，煎得好香，同樣有少少焦焦既感覺，配上牛肉同芝士，懷舊既味道出哂黎呀！👍🏻炸雞脾 $27脆香既炸雞脾同樣都係唔少得，老闆堅持用生炸既方法，令雞脾可以炸到香脆又多汁，雞肉仲幾滑TIM～🍖炸薯條 $22個人係非常喜愛食粗薯條，呢到呢粗薯條仲要係波浪紋，呢款既薯條而家真係好少地方可以搵到，薯條炸到

作為一個紅磡人，又點會未食過時新🤭不過要數返對上一次係幾時食，都應該係至少十年前🤯時光飛逝，上年兩兄弟拆伙，二哥好快開返間依然叫時新既，而三哥最近亦都另起爐灶😳呢日就決定試左二哥先👁‍🗨 漢堡芝士蛋包（6.5/10）💲25事關過左咁多年，我無咩印象舊時個味係點啦🤤全部包都偏細個，又唔係暖笠笠既，一開始已經令我失望🤦🏻‍♀️呢個算係三個之中最足料，漢堡唔會太乾身，不過塊芝士似就咁擺上去，完全無溶既跡象，煎蛋算係正常，仲有些少蛋漿，至於沙律醬都夠既，味道亦唔太酸可以接受🤔👁‍🗨 魚扒包（6/10）💲25呢個魚扒包真係好一般，基本上係炸粉居多，魚柳份量少咬落好薄身😩👁‍🗨 牛扒包（5.5/10）💲25最慘不忍睹係牛扒包，牛扒細到得個包既一半，就係鏡頭影到嗰少少😤仲要同魚扒包既魚柳一樣，係以炸粉居多，而唔係炸粉既位，食落就係得啲筋😵整體黎講唔太係我杯茶，唔好意思咁講返句，即使住附近都應該唔會點再黎，食返麥當當既二十四蚊套餐可能仲會開心啲😪🔛 整體評分（6/10）