紅伶飯店

營業中

休息中

接近晚上9點係油麻地站附近先搵飯餐食行過去紅伶，門口唔見有人龍又好耐冇食潮州菜就決定食下啦一行3人叫左4個餸冰震芥辣墨魚片 $119上菜時有啲墨魚片仲未解晒凍，仲冰冰地硬硬地，不過因為切左片，所以放放下食食下好快就軟身返蘸wasabi豉油，再配墊底酸菜，叫黎做前菜正呀!潮州靚鵝片 $159夠入味，有滷水花生同豆腐墊底。蘸醋同辣椒油一流，呢到辣椒油係香但唔辣，唔太食得辣既朋友都可以食到。黃金大蝦球 $139上菜時熱辣辣，小心燙口。隻隻蝦球都比咸蛋黃包住，夠晒香夠晒邪惡! 用黎送飯!不過食多兩隻同凍左都幾肥膩同漏。金銀蛋白菜仔 $109菜似係炒過先淋汁，爽口

朋友生日， 俾咗幾間我心水想試嘅飯店佢㨂， 佢即時㨂咗紅伶， 原來紅伶都係佢想試名單內。明知紅伶都好紅，飯市要等位， 當日打電話去訂頭圍台。 我哋6:00去到即入，已見地下有幾圍客食緊嘢啦😅。我哋叫咗以下菜式：潮州靚鵝片： 正正常常咁啦，不過哥哥仔教我地將辣椒油溝醋嚟點鵝片， 又真係更加提味👍🏻滷水鵝腸 ： 正正常常咁啦，鵝腸爽嘅韮菜豬紅 ： 個汁好好味，豬紅都好入味，同其他店係有分別，但韮菜份量少咗啲馳名煎蠔餅 ： 非常好食，脆口又唔會成口油，蠔仔都唔會好細粒椒鹽田雞 ： 都係脆口又唔會成口油，田雞都夠肉地，加上有啲避風塘煮法， 餸啤酒一流

紅伶飯店歷史悠久唔使多介紹，真係由我阿爸個年代食到而家，諗落因為疫情，都有兩年冇幫襯，今日就專程嚟食個打冷。轉眼間佢哋都已經搬咗去新舖位，面積大咗，環境企理咗，裝修格局部份仍保留原有特色。食物款式應有盡有，除咗有最傳統嘅潮州菜式之外，亦有加入一啲比較新穎嘅元素。食打冷有幾道菜係一定要嗌嘅，其中一樣就係潮州靚鵝片，師傅刀工一流，鵝片切得夠晒薄，下面仲有滷水豆腐同大量花生墊底，甚有口感。冰鎮芥辣墨魚片係一個冷盤，落咗麻油口感分外香滑。雖然話係冰鎮，但入面墊底嘅並唔係冰粒，而係酸中帶甜嘅酸菜，非常惹味。餐廳入面基本上每一枱都有叫馳名煎蠔餅，蠔仔粒粒飽滿，蠔餅嘅蛋炸得夠香口，沾少少魚露真係冇得彈！潮州春菜煲唔會過鹹，仲啖啖充滿蒜蓉味，完全去除到芥菜嘅苦澀味。今日重遊夠地，完全尋回回憶嘅味道！

之前睇IG已經見過啲朋友黎食過，一直都好想試，所以諗住約埋一班朋友去食，點知一話約，話約果日嘅連續2日分別都有朋友走左去自私食，佢地個個都話好好食，咁真係冇理由唔再去食啦😚我地一行6 人一口氣就叫左11樣野食，真心冇一樣野係唔好食，樣樣都好好味，咁當然係好好味當中都會有高低之分啦!!!!! 等我同大家一一介紹同評分🥰韭菜豬紅 $80 👍🏻👍🏻👍🏻如果計打冷嘅韭菜豬紅，真係十分出色，豬紅口感嫩滑，唔會有渣，又唔會太大件，一淡可以食落口，韭菜又唔會煮到大老，加埋韭菜墊底真係好鬼夾!!!!白灼凍蝦 $150👍🏻👍🏻有時食得清清地先可以食到食物嘅鮮味!!! 隻隻都好大隻仲要好新鮮!!!! 食得好爽!!!!!! 冰鎮芥辣墨魚片 $100👍🏻👍🏻👍🏻真係唔可以唔叫，爽口彈牙，墨魚片又大塊，加埋芥辣帶出墨魚片嘅鮮味!!!!!潮州靚鵝片 $138👍🏻👍🏻👍🏻我當日食就真係好好味，好嫩滑又唔會好難咬，肥瘦適中唔會太過肥膩得啲肥膏，又唔會瘦到冇肉食咁。重點係冇骨，可以淡淡肉咁食落口。Yummy Yummy!!!!! 滷水雜錦 $138👍🏻👍🏻去食打冷唔會唔叫雜錦拼盤啦!!!!! 樣樣都有啲，一班朋友去食