Spring field (已結業)

性價比高，高質美味小店💯💯鹿兒島黑毛豬濃豆漿冷河粉 $75(免加一）河粉煙韌+炸蒜香脆+紫洋蔥爽口，整體口感豐富😊配合有點咸鮮味嘅豆漿湯底，價錢平，非常推介！💯😁澳洲牛丸牛肉雙拼河 $75(免加一）和牛湯底，安格斯牛肉，牛丸，蘿蔔粒。牛丸彈牙有肉汁🥰💯 蘿蔔亦非常入味。可惜金邊粉口感偏軟腍，個人比較喜歡河粉。另外湯底都是正常發揮，没太大驚喜。整體都係一個非常不錯嘅小店☺️ 價錢平！味道好！推介濃豆漿冷河粉😊

食得貓之眼，對面同老闆既 Spring Field都無可能唔去試埋。因為地方同 cateye 一樣非常淺窄，所以午市龍都係正常。 .澳洲牛丸牛肉雙拼河 💲75⭐️4.2/5配搭：和牛湯底 + 半生熟安格斯牛肉 + 和牛牛丸 + 蘿白粒 + 河粉。湯底香濃，上網睇佢地湯底係用左和牛慢煮16個鐘以上熬煮出黎。牛肉合乎期望，牛丸就似係30 Store 個隻和牛牛丸所以好食。麵底可以選擇越南河粉同金邊粉，私心推薦必揀佢既越南河粉，佢既河粉比一般既軟滑但唔會碎。 .和牛大滿足全配料牛河 💲118⭐️4/5配搭：和牛湯底 + 和牛 + 和牛牛丸 + 慢煮牛肉條 + 蘿白粒 + 河粉。價錢分別在於升級和牛肩肉，但可能安格斯牛肉已經幾好味，所以覺得分別不大。全餐亦都有牛肉條，都屬於合格之作。 .🔸性價比足夠既灣仔午市之選。

Weekend嘅下午茶時間嚟到【Spring Field】，因為店面坐位有限，排咗大概廿分鐘先有得入座😌【大滿足全配料牛肉河】配料包括有牛肉、牛丸同埋牛肉條😍餐牌寫明用和牛做湯底，入口有濃郁嘅牛肉味，食完都唔會口渴，加上超強吸湯力嘅河粉簡直係絕配🤤安格斯牛肉浸咗熱湯，生熟程度啱啱好，肉質軟滑👍🏼牛丸彈牙，味道竟然比起牛肉更加出色😯牛肉條肉質偏淋，食落似牛腩，味道不過不失【澳洲牛丸牛肉雙拼河】無論湯底定配料都係大同小異，爭在無咗牛肉條...個人認為牛肉條唔特別出色，下次叫呢個都夠...仲平少少😜飲品方面有叫【凍香橙紅茶】，不過掛住食唔記得影相😆飲落似係鮮橙汁加紅茶，酸酸哋唔會過甜，至少唔係化學糖精👍🏼

有好多朋友都極力推介我試呢間餐廳，所以我今日決定試一試。呢間餐廳唔算難搵，囍帖街隔兩條街就搵到 紅磚牆嘅底部配上日式嘅裝修，令呢間店舖別樹一格一入到店舖，已經聞到一陣陣嘅和牛香味。坐低再望望餐牌，幾乎所有款式都同和牛有關，仲要有中英對照，非常貼心 我就叫左一個澳洲牛丸牛肉雙拼河。叫完嘢食，抬頭一望，就見到佢有教張”高手教路”，構成客點樣享受每一碗和牛湯河麵一到，當然要跟足食法，先飲一啖和牛熬製嘅湯底。濃烈嘅和牛湯汁一剎那充滿整個口腔，再慢慢流入喉嚨 再將撕碎咗嘅香料，連同和牛河粉一啖入口。和牛既油香配上清淡嘅青草同青檸味，由脷尖滲到脷底，絕對令我一啖接一啖入口除此之外，我仲叫咗一份香草牛油蒜香雞翼。三隻雞翼炸成蛋黃色，表面再塗上牛油🧈 食落同雞翼嘅油分融為一體，充滿滿足感。再加上佢哋自家製魚露醬，特別野味 唯一美中不足嘅係，味道略為偏淡，如果鍾意食濃味嘅朋友就可能未必滿足😆整體而言，服務態度良好，我覺得凍嘅時候侍應就即刻閂細冷氣食物質素唔使講啦，和牛點會差🤤🤤所以今個牛年，你唔係唔食呀嘛？