Give Me 5 (已結業)

特登搵呢間黃店貪佢環境好 嘢食同價錢又OK重點係！！！ 佢可以俾你玩飛鏢同桌球(我就係想玩飛鏢🤭🤭🤭)超啱同朋友gathering佢有二人餐同埋半自助餐任君選擇小妹覺得半自助餐好抵食 乜都有有沙律吧、餐湯、餐包、凍海鮮、串燒連燒海鮮、甜品區、movenpick雪糕但因為小馬話要控制食量 所以我哋揀咗二人餐佢而家仲做緊六折 都超抵😆Special set dinner for two person $377 (原價$628)紫薯湯 🙆🏿‍♀️熱辣辣上枱 小妹最愛辣嘴嘅熱湯💓湯本身較稀 所以好易入口但又離奇地紫薯味好濃厚🤩蒜蓉包 💁🏿‍♀️超脆 入面灑咗啲黑椒配湯食就會淋返晒 可配合返個人取向煙三文魚沙律 💁🏿‍♀️2大片煙三文魚配上青瓜、車厘茄同沙律菜同沙律醋未食肉之前先食返啲rabbit food打個底可以均衡啲😆澳洲肉眼扒配野菌汁 (8安士) 🙆🏿‍♀️根同肉都有 jeng 🤤塊扒有肉汁 而且重牛味隔離嗰個紫薯薯蓉都正 又特別啲💓意大利西西里茄醬意粉伴脆炸軟殼蟹 🙆🏿‍♀️一上枱已經聞到好香軟殼蟹少粉 鬆軟 個番茄醬酸味好出 而且入面有洋蔥粒增加口感👍🏿餐飲 💁🏿‍♀️凍檸茶 自己落糖 可以自己

• 𝙶𝚒𝚟𝚎 𝙼𝚎 𝟻 •-餐廳大部分枱都一字排開 好啱一大班朋友黎聚會！😆窗邊都有一啲卡位 就算情侶或者幾個朋友黎都可以~座位坐得幾舒服 唔會太迫😗佢個放題都幾吸引😻$3xx有海鮮、即燒串燒食 仲有movenpick雪糕！不過近排成日出街食飯食肥左 叫個二人餐算喇( ･᷄ὢ･᷅ )-𝚂𝚙𝚎𝚌𝚒𝚊𝚕 𝚜𝚎𝚝 𝚍𝚒𝚗𝚗𝚎𝚛 𝚏𝚘𝚛 𝚝𝚠𝚘 𝚙𝚎𝚛𝚜𝚘𝚗 💰$377+10%二人餐係有沙律、餐湯、主菜、pasta/risotto、甜品 仲包埋野飲！咁多野食一定夠飽😙幾欣賞佢啲食物好快就送上 唔洗等好耐當日餐湯係羅宋湯 味道正正常常~餐包夠脆👍🏿-🥗煙三文魚沙律沙律大大兜 有唔同嘅沙律菜 蕃茄仔幾甜( ⑉¯ ꇴ ¯⑉ )煙三文魚係一片長薄片卷成花嘅形狀-🥩澳洲肉眼扒配野菌汁牛味濃郁 肉質唔韌 點埋野菌汁就仲好食仲有薯蓉、紫薯片、蘆筍同少少沙律作配菜 咁就冇咁油膩😛-🍄帆立貝黑松露野菌意大利飯呢個賣相吸引🥰帆立貝有幾粒 表面有燒過啲飯唔會太水汪汪黑松露味再重啲就更好~-甜品係芝士蛋糕加雪糕Cheesecake幾重芝士味雪糕似係Häagen-Dazs😗🤣-📍觀塘鴻圖道90號5樓-

dinner 有6款歐陸main可以揀 每人包左一款 另外可以任飲任食冰鎮海鮮同海鮮串燒 仲有甜品movenpick雪糕🤤(cocoberry隻玄米茶都好食😛) 依家仲有6折2人餐 ～～ Lunch都有semi buffet 仲有得任飲紅白酒🤭.沙律吧有我最鍾意嘅薯仔沙律😚 仲有羅宋湯～ 重頭戲冰鎮海鮮有4款: 凍蟹 皇冠螺 青口 凍海蝦😚 食落新鮮鮮甜 相當唔錯 特別係螺好肥美彈牙 蝦都好甘甜😆 忍唔住再去fill多round😍 凍蟹都大大隻多肉唔會霉🤤跟住轉戰串燒區🍢 有專人不停咁燒同refill燒物 好好地每款都夾左啲比我 仲可以同佢order定要啲咩😚 有多款海鮮: 活蠔🦪 鮑魚 聖子 扇貝 牛肉串等～ 每款都落咗蒜蓉去燒 所以食落好惹味🤤 同埋燒得剛好 唔會太柴 食落仲好彈牙 最喜歡是貴妃蚌大大粒幾好食 滿足desu～～.◽️澳洲肉眼扒配野菌汁我就梗係揀牛啦😚 食落唔會太韌 略帶牛味 仲灑左啲黑胡椒調味更香口 點埋個野菌汁一齊食味道唔錯😍 仲有玉米脆片同薯蓉做伴碟～.◽️美國斧頭豬扒配玉米糕伴蘋果蓉黑醋醬豚肉充滿油脂感 好厚實😆 色澤粉嫩帶嚼勁 蘋果蓉同斧頭豬真係幾match

想同屋企人搵個寧靜嘅環境食餐好d嘅晚餐，呢日就打左去Give me 5 book左個半自助晚餐。當晚book左夜晚6點，我哋第一枱到。員工都好有禮貌咁提醒我哋隨時可以出去拎嘢食同要戴左口罩先出得去。晚餐每位$328加1，包一個主菜同任食燒海鮮串燒和牛冷盤甜品等等。未上main course之前，燒海鮮仲準備緊，冷盤就全部都拎得。因為飲品全部都係雪櫃入面雪住，我媽咪想飲一啲熱飲，侍應都可以即沖比我哋。-🍴牛扒5成熟，兩邊煎香肉汁鎖死，肉質嫩滑剛剛好。-🍴斧頭扒煎得略老，食落比較韌。份量極大，食咗半件已經開始飽。-其他燒烤食物亦非常唔錯，燒鮑魚燒得一啲都唔韌，軟腍爽口，燒生蠔鮮味肥美。其他海鮮如大蜆帶子青口等等，燒得非常香口，但又唔會太乾，依然Juicy。-職員都非常有禮貌，排隊拎燒海鮮時職員每次都夾大大碟比人，一啲都唔小家🤣當我哋想拎和牛但又未燒好時，佢哋都會送過去我哋張枱度唔洗我地排隊，非常好

觀塘係一個非常多樓上餐廳嘅地方，但想搵間地方大、環境寬敞，就唔係好多餐廳做得到，今日同同事午餐時間嚟到位於鴻圖道嘅Give me 5 食lunch,感覺唔錯。餐廳格局及設計開揚，座位算多，完全唔侷促及感覺悠閒。佢地主打西式fusion菜式。午餐提供主菜+半自助形式任食沙律、餐湯、甜品及新鮮水果，連埋任飲紅、白餐酒，價錢由$75-$138唔算貴，滿足心大心細嘅朋友之餘，又可以試多啲嘢同慳番唔少錢，呢個模式值得推介。沙律吧及生果區嘅食物新鮮，選擇亦唔少，如果見無晒服務員會好快咁refill，抵讚！甜品區有啫喱同蛋糕選擇。美式牛肉漢堡配煙肉及脆炸洋蔥圈漢堡牛肉入口不會過硬或散開，肉汁尚算不錯亦都有咬口配埋煙肉同脆脆嘅洋蔥圈，醬汁比例剛剛好，薯條亦都唔油膩，整體不錯。澳洲肉眼扒配野菌汁點咗5成熟無煎過頭，份量有兩塊，牛味香濃，肉質不錯有彈性配野菌汁味道好夾。餐廳內仲有飛標機同桌球擡可以玩，如果食完悶悶地可以去娛樂一下。另外服務員有求必應，落單上菜速度又快，態度良好。希望能一直保持水準，值得推薦。

愈來愈中意係觀塘搵好野食，選擇多又唔貴，今次同大胃王細佬揀左呢間Give me5✋🏻揀一個主菜，其他任添，包括紅酒🍷白酒🍶沙律生果、甜品🍮，最貴揀肉眼扒都係$138，呢個價錢好難唔心動💓澳洲肉眼扒配野菌汁$138叫左7成熟，扒肉脂肪配上個野菌汁一流，仲係汁度見到粒粒蘑菇，底下配左薯蓉，最驚喜係呢兩塊紫薯片，烤得好脆，正！香辣番茄醬魷魚扁意粉$98個汁初初食唔覺得辣，愈食愈入味，總體唔錯，但建議唔食得辣既就唔好揀～不得不說甜品都好出色紫色香芋味同白色芝士味都好好味，甜而不膩，唔覺唔覺會食左好多舊👀最後最後，Latte係勁好飲！我中意奶味重既好岩我，連糖都唔做加！