The BASE nature (已結業)

星期六日係難得可以訓晏啲既日子，訓醒去食個Bruch可謂放鬆既一種，荃灣眾多商場眾多餐廳，荃新天地呢間 “The Base nature”吸引左我同女友入去。餐廳內外餐廳呈I字型，都幾大，座位不少，但座位之間不覺逼澀。食物選擇印度烤雞薄餅卷 $78 拎上手熱騰騰，散發出印度薄餅既香氣，烤雞用左印度式既調味處理，確係似印度菜式。調味唔辣配上香脆酥皮薄餅，幾惹味。澳洲草飼牛肉漢堡配薯格 $95 必點！我同女友都覺得味道十分好，牛肉好鬆化，牛味比平時食既清淡冇咁油膩，再配上少許肉醬，有畫龍點睛既效果。草本水蜜桃茶(餐飲) 茶類都唔需要再加錢，轉涼既天氣，再加上食比較濟既野配茶最好不過。泰式奶茶 +$8 女友就呀左杯泰式奶茶，佢比較怕好甜好多糖既野，其實係因為怕肥lol，但呢杯佢飲哂。漢堡包十分高質，Brunch Menu仲有好幾款麵包類，想下次再嚟試，或者嚟食Dinner！

唔算多係荃灣食野，係荃灣行開想搵個地方食tea，見到呢到有Brunch Menu，價錢唔算太貴就同另一半係到嘆Brunch。環境位於荃新天地，有商場座位、窗邊位置，係商場內較入既位置，都比較寧靜啲，環境唔錯。餐牌下午四時到訪，仍有Brunch Menu，選擇多元化，有Salad, Pasta, 各式麵包類。澳洲草飼牛肉漢堡配薯格 $95 上枱見到色澤好靚，好特別地有配肉醬係上面，試左蕃茄先，煎得好香且清甜，麵包夠脆，牛肉口感同質地moisty，預定五成熟，雖然應該唔止五成，但估計因為係草飼，所以好軟熟，仲會有牽絲既質地，絕不會死實實。至於薯格亦夠香口，包飲品，價錢與質素可接受。印度烤雞薄餅卷 $78 應該係即點即烤，所以要少少時間，上枱熱辣辣。唔係用食wrap果款麵皮，而係用酥皮印度薄餅做外層，夠哂香口，烤雞唔會老，醬汁惹味，整體不錯。泰式奶茶 +$8 色澤呈橙色，飲落唔太甜，幾重奶味。跟餐：草本水蜜桃茶另外跟餐要左杯草本水蜜桃茶，用茶包，上枱形式可以靚啲。總括嚟講，個草飼牛肉漢堡幾有記憶點，確實食到草飼牛肉同平時食既有分別，幾岩我口味，烤雞卷用印度薄去wrap亦幾特別，會再嚟幫襯。

今日去咗荃新天地間The BASE Nature 食lunch。因為係星期日所以係食Brunch嘅。門口影過去都影唔哂間鋪，長方形嘅鋪，水吧起門口側邊。店內分似分紅海咁，中間係通道，食客坐兩邊。人都幾多，坐滿哂，好彩唔使等好耐就有位。佢啲架生同menu都幾chill，紙menu同埋又長又幼嘅刀叉。佢都幾多選擇，有成11個餐，我就揀咗9號，澳洲草飼牛肉漢堡配薯格，同埋泰式奶茶。唔係泰國菜餐廳但有泰式奶茶，幾得意，所以叫黎試下。由等嘅時間分析得出佢所有野都係即叫即整。等咗一陣，野食送到。佢將個Burger分開咗，我諗呢個做法係方便我地呢啲相機食先嘅人啦。Burger面頭有少少肉醬、芝士同洋蔥，另一面就有生菜同蕃茄。每樣食少少之後，最後我都係將佢地二合一，夾埋一齊食。薯格食得出係即炸，點埋茄汁，熱辣辣，又香薯味，好香，好好食。一般我地食開都係穀飼牛，草飼牛少。簡單黎講，養穀飼牛成本係低過草飼牛，食穀嘅牛脂肪會多啲，相對肌肉會少啲，所以牛味會比草飼牛遜色。所以一般草飼牛比較少見草飼牛，因為成本貴。佢塊burger需然有提過我，佢地會煎到五成熟左右，我咬落去大概七成熟啦，唔乾之餘又有肉汁，需然冇