麵屋丸京

營業中

休息中

星期日晏晝一點黎到，岩岩好有位。丸京一直都係香港拉麵黎講質素中上嘅鋪頭，而且價錢合理。今次試100蚊丸京拉麵，有齊普通叉燒+「真叉燒」，揀左濃湯。其實一路以黎都係食濃湯。檯面有蒜蓉同埋辣醬可以加，通常都加辣，我鍾意惹味啲。湯、蛋同荀都係正常發揮。不過今次比我食到麵有鹼水味，有啲錯愕。最後講下「真叉燒」，肉眼都分到，色澤帶粉紅嘅就係真叉燒。相比普通叉燒，肉質比較軟，筷子一夾可能就會散。食落口有一陣香味，但未至於好驚艷嗰種。

上次聽朋友話呢間拉麵好正，已經有啲想去，不過講咗幾次都無去(因為行上宜安街嫌遠😁)，今次終於去試吓。入到去坐底有啲小店感覺，見到落單紙佢嘅選擇唔係好多(不過拉麵唔多選擇都係正常)，叫了過濃湯丸京拉麵同香蔥沙律炸雞。先講碗拉麵，一上台個觀感覺得幾靚，用叉燒鋪滿整碗麵。第一樣即刻試佢個湯，一入口啲豬骨味都幾濃，唔錯。第二樣試佢兩款叉燒，薄薄的，唔韌，同埋都幾入味，食落口有啲麵豉嘅感覺。跟住到啲拉麵，唔淋，食落佢又少少硬，正係我鍾意食嘅麵身。反而佢隻溫泉蛋差少少，唔太夠醬油味，同埋淋咗少少，可能熟多啲會挺身啲。另外如果想再濃味啲，加埋佢枱上嘅蒜蓉，簡直係一絕。跟住到個香蔥沙律炸雞，好多蔥鋪喺面，個沙律醬食落去酸酸地、鹹鹹地，幾開胃。同埋炸雞唔韌，咬落口都幾嫩，個皮亦唔厚，幾好食。整體嚟講呢間麵店幾好食，同埋應該係觀塘最好食嘅拉麵店(*觀塘雖然唔多拉麵店😁)，可以再幫襯，值得推介。👍