景逸軒 (已結業)

又到星期日，家庭日既大日子媽媽話好耐無食中菜，於是乎今次就揀左尖東既一間酒樓~脆皮燙手乳豬(半隻) $338老豆話要食乳豬，咁耐先食一次，無所謂啦，好在隻豬又唔肥wor，皮燒到十分脆，脂肪層薄薄的，食多都唔會好漏蘋果大蝦球 $120爽彈既炸大蝦配上爽脆香甜既蘋果，中菜之中好少見，十分清新既一道菜色！蟲草花野菌蒸比目魚 $128一客有兩件，份量很多，魚質不是想像中的滑嫩有點失望濃湯桃膠浸菜芯 $88近期好興煮既桃膠，係呢度有得食，媽媽即刻話要試下琥珀如意玉帶 $168帶子味道甜美，蜜糖炸合桃十分香脆，整味菜配搭得宜黑蒜雙蔥海參豚肉 $148另一媽媽最愛菜色，甘甜既黑蒜，膠質豐富既海參，爽口既豚肉，健康惹味之選！芝士焗大虎蝦天使麵 $238芝士汁略嫌不夠芝士，食落只是忌廉白汁味，大虎蝦有六隻之多，肥美肉爽，抵食之選！呂宋芒果布甸 $25最後當然不少得飯後甜品，本想試椰皇燉奶，但賣哂無得食，建議一入座先order，後上。後來點了兩份芒果布甸，原來一份有三件咁多架，仲係魚仔造型，十分可愛！

景逸軒在尖沙咀開了新分店，座落天文台道八號一幢全新商廈內。店內格調和其他分店差不多，以銀白色作主調，地方光猛乾淨。無獨有偶，頭盤三小碟之其中兩款皆與昨晚飯餐一樣。昨日的滷水豬仔腳肉少骨多，感覺不太好，今日的豬仔腳則正常多了，滷水汁味道也不俗。另一相類似的菜式招牌海苔九肚魚，炸得金黃香脆，雖然魚肉不及昨晚的肥嫩，但已算是一道好吃的炸品。最後一款小吃秘製欖角一口骨，欖角帶有獨特香氣，口味帶甜，一口骨鬆軟可口。湯羹瑤柱花膠四寶羹，質感明顯過於厚身，四寶絲絲可見但同時予人雜亂無章的感覺。瑤柱花膠本應是兩款主要餸料，但在四寶穿插中味道實難發揮。琥珀雀巢海中寶是兒時喜愛的菜式，海鮮配料有斑片、帶子、海蝦及花枝片，選材富一定水準，尤其是斑片，味道令人滿意。至於雀巢本身，酥脆感比預期稍遜一籌，幸而琥珀甜脆吸引，補足雀巢所失的分數。鮮果拔絲黑豚肉是甜酸口味的美饌，醬汁稠度被刻意調高以突出拔絲的視覺效果。黑豚肉肉質鬆軟，肉香亦佳，是一道醒胃推介。菜蔬濃湯桃膠浸菜芯，賣相特別，菜芯甜嫩度普通，特別之處是湯中的桃膠，口感微爽帶黏，是富食療功效的補品。相對濃湯桃膠浸菜芯，蝦米醬乾煸四季豆當然是更濃味香口的菜品。

今晚跟爸媽睇完裝修材料後, 辛苦一天決定慰勞下他們在尖沙咀這間新開不久的酒樓試中菜, 想不到的意外驚喜, 見到兩寶滿足的表情, 下次要再encore.可能是新開, 餐廳閒日不多人, 但service 反而更貼心 , 所有menu 同裝潢都很新先來老火靚湯餐廳選擇了在客人面前翻熱這煲足料的湯, 只是$138…..竟然湯渣多到可以放滿一隻碟。有很多雞腳, 豬肉, 淮山等食材, 一煲可以分到8 碗左右, 而且很甜脆皮素鵝 我個人很喜歡這個素鵝, 甘筍, 木耳, 蘿蔔等切成絲, 包在炸得很脆的素鵝中, 很香口而不油鮮果拔絲黑豚肉  個人覺得這道菜真的很出色。黑豚肉沒有包著很多炸粉, 而且食材很高質素, 半肥瘦的黑豚肉咬下去有很多汁的感覺, 而且咕嚕肉的煮法很考功夫, 糖絲黏在黑豚肉之間, 當我們夾起時, 一絲絲的拔絲拉成一個很有趣的畫面。而廚師對伴菜都一絲不茍, 把桃跟切片了的士多啤梨砌成一個很美的菜色, 中西合壁。黑蒜雙蔥海參豚肉 這味菜色見證了心機煮，海參被煮得很淋入晒味，有點起膠的感覺，而大廚把大蔥跟香蔥一齊爆香豚肉，而且加了很健康的黑蒜，令整道菜色更香濃，好想叫多碗飯。濃湯桃膠浸菜芯 

舊同學相约我到尖沙咀區景逸軒,食晚飯聚舊.餐廳店有傳統的中式裝潢,水晶吊燈具奢華氣質派,光猛舒服.* *【瑤柱花膠四寶羹】 瑤柱花膠四寶羹非常美味,勁足料,有花膠、瑤柱、冬菇、竹筍等,帶有濃郁的香氣,味道鮮美,營養豐富.* *【鮮果拔絲黑豚肉】黑豚肉掛滿甜甜微酸的醬,肥嫩美味,脆口不黏,又帶拔絲的甜脆感,急不住食多幾口.* *【羊肚菌百合鮮淮山】 非常健康好味道菜式, 有荷蘭豆、百合鮮、淮山 有爽清脆口感,配上羊肚菌的醇厚,簡直是絕配.* *【蒜蓉開邊海蝦】送來時蒜香撲鼻,海蝦想不到有羔,並非常彈牙,新鮮到震,鮮香無比.* *【濃湯桃膠浸菜芯】這菜芯嫩口,竹笙吸滿濃湯精華,而桃膠似軟稔啫喱口感,配是清甜的菜式,所以絕對是注重健康飲食必然之選.* *【芝士焗波士頓龍蝦伊麵】 大隻龍蝦啖啖肉,鮮味肉質爽甜可口兼彈牙,肥美肉厚,配上濃郁的芝士,與龍蝦很絕配,尤其伊麵裡掛滿芝士,非常芝味.當然少不了甜品* *【原個椰皇燉鮮奶】一口吃,口感可惜有點鞋不太嫰滑,應是蒸得過濃,有鮮奶香濃及椰皇清甜.

之前每一次去「景逸軒」都係去紅磡海逸酒店既分店。如果唔係朋友提起，真係完全唔知道原來佢喺天文台道呢棟新既商廈開左新分店，以後終於唔駛山長水遠由尖沙咀行天橋過去喇！台南七味豆腐 ($52)：細細粒既豆腐炸到剛剛好，外脆內軟之餘「一口牛」既size令佢可以一啖就食晒落肚，更難得既係佢唔算太熱氣添！脆皮燙手乳豬（半隻）($338)：乳豬既皮出奇地脆，肉質肥瘦適中，唔似平時擺酒肥到漏油既質素，雖然做唔到「燙手」，但微熱既感覺入口時都值得一讚既！脆皮素鵝 ($48)：入口時鬆脆既感覺令我覺得佢係即叫即炸，素鵝裹面既材料都算豐富，鍾意食香口野既朋友記住唔好錯過呀！瑤柱花膠四寶羹 ($198)：五個人食剛剛分到五大碗，不過如果D花膠同瑤柱可以大粒D就更加好喇！琥珀雀巢海中寶 ($128)：材料非常十足，除左常見既帶子同埋鮮魷之外，重有石班、帶子、合桃、紅椒同埋蜜豆等等調起D味，正！八寶時蔬併盤 ($88)：對於鍾意食清淡食物既朋友真係不可不點，但老實講作為「食肉獸」既我只係一般！濃湯桃膠浸菜芯 ($88)：浸菜芯落左女士們最鍾意、功效近似燕窩既美顏食材桃膠。桃膠又稱桃脂，乃桃樹既天然分泌物，會在樹上