真心 (已結業)

在酒吧林立的 SOHO 區其實也有著不少日式小店，最近就到訪了一家。店內的壁畫色彩鮮豔，加上餐廳座位不多，很有氣氛。在SOHO區內，酒和小食當然唔少得，更有丼飯拉麵等的飽肚之選。霜降熊本牛扒丼 $198足料的霜降熊本牛扒，滿滿鋪在表面，稍為炙燒過，香味十足。酒紅色的牛肉非常吸引，入口香嫩，加上醬汁，味道更突出，伴飯一流！火山丼 $118散發著火炙三文魚的香味，以三文魚籽做點綴，令整體感覺更豐富。三文魚稍厚身，表面有炙燒的味道，中間的三文魚仍嫩口。海龍皇 $88製作認真，伴碟精美，整體賣相好像一幅畫。炸蝦卷非常香脆，上面的蟹籽，再加上適量的脆脆，口感豐富。還有芝麻醬的配合，滋味十足。雖然小店位於SOHO，但價錢親民，是中環SOHO的一個抵食選擇。

以往對中環蘇豪的印象都係酒吧，貴價，外國人。今次特登來見識一下，估唔到中環都有性價比高的食物！！行過見到呢間日式店，價錢好抵！而且野食賣相相當吸引。行入小店，有酒吧式的桌椅，也有晚飯桌椅。而最吸引我眼球的係小店的裝潢，好鐘意幅壁畫！仔細睇仲可以見到無面男，熊本熊同minion!!!好可愛！配上日本景色畫，增添幾分味道。細看餐牌，款式相當多，有魚生有熟食，仲有串燒同壽司。就算有唔食魚生的朋友，都可以試下個霜降熊本牛扒丼。由於我同朋友都好鐘意食魚生，於是一人叫左一個丼。朋友叫左火山丼，一上場，就被吸引，擺設好令！適合各位呃like🤣🤣重點係燒的熟度都剛剛好，唔好睇細細碗，朋友仔都食到好滿足。到我個五色盛宴了！一上場，超開心，全部係我最鐘意食的魚生，個combination 好perfect !!食材新鮮好味道！同場加映，原來個碗相當令，睇得出店主對美感的要求都好高

近排有些私人事務要處理，多左過來中環，經過中環士丹頓街，沿路有很多特色嘅店舖和食店，見到呢間日本餐廳「真心」有午市日式套餐，套餐有麵豉湯、沙律和主菜，大約一百元左右，有多種選擇，價錢合理，便先坐低歇歇腳，吃個午餐店內以暗色調設計為主，座位是酒吧式的高枱，高凳。我們叫了火山丼(即是炙燒的三文魚飯)和碳烤雞扒丼。沙律小小的一碟，有沙律菜、小蕃茄，簡單清新、開胃。麵豉湯正常味道，但個碗都好特別，這個加分。碳烤雞扒丼好靚，雞扒色澤光亮，旁邊伴著沙律菜做襯托，上面有木魚絲和紫菜絲，未食都先被它吸引了。日本飯軟硬啱啱好，加上醬汁特別惹味，雞肉都好入味，不錯的。火山丼亦都是買相好靚，炙燒的三文魚擺放用心，色澤引人食慾，側邊有沙律菜、小黃花、綠葉、薑片裝飾，更加突出了它的買相。炙燒的三文魚都厚身，數量也不少，很好吃。兩款飯的賣相最值得讚，給了我們視覺上的享受，味道也不錯。