韓廚麵 (已結業)

此乃韓國連鎖麵店「Chef's Noodle」的香港分店，中文名叫「韓廚麵」，由社福機構以社企形式營運，員工多為完成懲教的更生人士。位於灣仔港鐵站出口附近，本來位置便利，偏偏麗駿酒店入口是個大鐵閘，重門深鎖，很容易錯過。點了招牌韓廚麵，辣醬雞肉冷麵，火焰卷，以及鮮蝦韮菜天婦羅。招牌麵質算彈牙，配菜的漬辣椒三色蛋餅很好吃，但個人口味，湯底偏淡。冷麵是將湯底造成沙冰，透心涼兼夠味。火焰卷即牛柳壽司，上桌時才以火槍烤熟，至於韮菜天婦羅也算炸得乾身，以咖哩調味，不俗。食物合格有餘，但服務員大多非熟手飲食業事從業員，時有甩漏，希望假以時日有所改善。聽聞這間機構從未試過開舖搞飲食業，又負擔不起聘請業內人當主管，許多工作也是摸著石頭過河，邊做邊學，幸好韓國拍檔很願意扶助香港更生人士，多次派遣廚師和管理人員來港訓練員工。希望麵店早日站穩陣腳，生意興隆，多開分店，讓更多人可以有份工，自力更生。 

去年在韓國食過的麵食店，原來已登陸香港，今日和同事去試試，我們點了三樣食品，分別係韓廚麵、蓋飯及火焰卷，韓廚麵湯底帶點微辣、麵質彈牙，同我上次係韓國食時的味道係一樣，好好味。蓋飯好多餸，都幾好味，但我個人比較鍾意食辣，我加了韓式辣醬，味道立即提升，愛辣的不妨試吓。最特別係火焰卷係生牛肉壽司，待應生在你面前用火微燒牛肉表面，所以入口時牛肉有油香，值得一試。待應生話原來店舖係試業中。