和氣食堂

營業中

休息中

專誠來到和氣食堂食那特色日本料理，首先最吸引就係那本一如相簿嘅菜單，再用手機掃描二維碼落單，十分方便，好快我哋兩人就點齊我哋想食嘅菜，首先嚟到嘅就係火焰左口魚邊牛油果沙律，沙律上面有少少黑松露嘅香味，再加埋左口魚嘅爽滑，淋淋嘅牛油果，蔬菜嘅爽脆，咬落有好特別嘅口感；跟住喺超大嘅芒果三文魚加州卷和超新鮮嘅軍艦五款其中包括一個海膽，魚子，吞拿魚，蟹膏蝦和帶子軍艦；食落各有各鮮甜好味，芒果三文魚加州卷就真係超巨型，起碼要三啖先食得曬；為咗試下佢嘅串燒，我哋嗌咗三隻燒雞翼，食落皮脆肉軟多汁有少少辣味；而呢啲都只係我哋嘅頭盤，跟住我哋每人嗌咗一個定食，我嘅野菜天婦羅稻庭冷烏冬，跟一隻鵪鶉蛋可以自己調節醬汁嘅濃度，烏冬食落爽滑彈牙，天婦羅野菜炸得好乾爽脆口，十分之好味；朋友嘅黑豚腩燒丼附泡菜定食，試咗佢嘅飯同埋黑豚腩都燒得好香口，我食咗佢半碗飯，真係爭啲唔停得口！再加上服務員嘅熱情招待，真係一個好開心嘅晚上！

屋企人放假，過左去屯門同佢哋食飯，佢湊住兩個小朋友帶左我去食日本野。我地隨意點左8款食物，有岩小朋友享用，都有屋企人至愛既魚生刺身。 火焰左口魚邊牛油果沙律：第一次食燒炙過既左口魚魚片，放了些黑松露搭配，感覺更矜貴，食落唔腥兼口感滑溜溜，下面既沙律有牛油果、蕃茄、粟米、沙律菜，顏色鮮豔吸引，幾個大人食份量夠哂。 黃金燒珍寶皇帝蟹棒火炙黃金芝士吉列蝦：兩位小朋友見到勁興奮，即刻動手搶黎食，皇帝蟹棒珍寶大size級,見到都食指大動。吉列大蝦炸到金黃香脆，正。5點刺身盛A：餐廳每款食物都厚身份量多，連刺身都唔例外，厚身，色澤閃亮，無腥味，肉質細嫩鮮美。 玉子、蟹柳小卷：細細件，岩哂小朋友一啖一啖放入口食用。芝士厚燒玉子：超厚身，大大件，小朋友見到再次興奮，面層放了塊車打芝士燒製過，但被玉子既甜度蓋過了，突出唔到味道，小朋友食完話飽飽了。日本燒蕃薯：叫多左串迷你版日本小蕃比小朋友當甜品享用，小朋友乖乖一粒一粒地拎黎食。牛油果軟殼蟹卷：最喜歡食軟殼蟹，可以連殼食加上蟹籽、飯、牛油果及沙律醬，口感層次更豐富。哩度好適合一家大細黎食野，食物選擇多，每款都足料重秤大份兼抵食，飽足感100分。

建生一直都有好餐廳，初試和氣食堂更令我哋覺得好surprise(*¯︶¯*)即使平日去都全場滿坐，更加有人等位，我哋等左10分鐘左右就入得去由室內裝修到餐牌設計，都睇得出餐廳非常用心，餐牌配合左搞笑插畫，令人目不暇級刺身必叫因為質素好好，擺碟已經睇得出好用心，食埋落去就更加感受到鮮味同餐廳嘅誠意，真材實料無得厄！又驚喜又好味嘅一定係火焰左口魚邊牛油果沙律🥗鋪面嘅左口魚邊油香好重，入口即溶(⁎⁍̴̛ᴗ⁍̴̛⁎)呢個組合比較少見，但又出奇地好好味，推薦大家叫！當飯基本上可以睇得出餐廳嘅質素，今次嘅溫泉蛋豚肉生薑燒當真係好出色。豚肉同洋蔥入邊竟然食得出淡淡生薑嘅味道，我都係第一次食生薑燒，真係食到薑嘅味道！小食叫左日本照燒魷魚筒，魷魚筒份量好大上台嘅時候真係嚇親，魷魚燒得恰到好處，加埋燒汁一流芝士軟殼蟹卷唔錯，芝士卷物配沙律醬已經無得輸，仲要食得出啖啖真材實料！柚子梳打+青蘋果梳打屯門數一數二價錢親民，質素又高嘅日本餐廳，值得推薦！

放左工緊係去覓食， 之前已經想試呢間，不停聽到d frds 講抵食高質日本菜，竟然係屯門開左分店，緊係要試一試。自家制芝士厚燒玉子 $48 必試! 玉子面上有層薄薄芝士~芝士味又唔會蓋過玉子蛋味~玉子蛋味好香，玉子仲要勁厚呀~好好食阿。鯛魚湯泡飯 $108     極力推介🌟鯛魚湯泡飯好特別，鯛魚剌身放係個飯上面，再將乳白色的鯛魚湯倒入石鍋碗裡，令到鯛魚剌身熟埋! 一食落去，鯛魚湯好鮮甜， 佢地係每日熬製架!!! 特別鮮甜，濃郁 ，完全唔腥。鯛魚好鮮嫩，唔會過熟。加埋飯一齊食, 每粒飯都有晒鮮甜鯛魚湯既味。幸福既感覺又黎啦。天婦羅盛合 $78   極力推介 🌟呢到既天婦羅係即叫即炸架。超級脆!!!!鮮炸熱騰騰~ 正! 粉薄，配埋個新鮮蘿蔔蓉嘅醬汁。仲要係呢個價錢，果然係好抵食同好高質。無得頂!三文魚5味 (海膽，牛油果，三文魚，咖哩鹽，芝士) $78 三文魚剌身好新鮮， 未試過咁樣既配搭。 好夾阿。仲要個海膽好鮮甜呀~火焰左口魚邊牛油果沙律  $75  一呢到見到勁大份~入面有新鮮沙律菜，蕃茄粒，牛油果，火焰左口魚邊，仲配有黑松醬。夠晒香。 火焰左口魚邊好滑好肥美，入口即溶咁。 加埋