Cafe de Tiffany (已結業)

二人鐵板餐 $248 🌝前菜包括餐湯同埋黑糖麵包，餐湯有羅宋湯及忌廉湯供選擇。黑糖麵包屬於迷你尺寸，食落口仲暖暖地🥰🥰🌝火焰七打牛柳配蒜蓉汁牛柳相當厚身，亦好容易就可以切得開，證明肉質好林而且無咩筋☺️入口Juicy,啖啖肉，再配埋薯條，真係好滿足！以個價錢嚟講cp值真係幾高🌝火焰燒春雞配燒汁原隻燒春雞，個皮幾香，燒春雞嘅肉質較實淨，但唔影響我輕易就拆到隻雞脾出嚟🍗，再配埋佢嘅曲薯條同埋粟米食，真係好飽甜品： 最尾仲有雪米糍作甜品，令到呢一餐西餐好圓滿總結：以晚餐來講每個人百幾蚊就可以食到啲鐵板餐鋸扒，仲包埋餐湯前菜同埋甜品添，呢個真係幾抵食。環境方面都頗為舒適，暗綠色嘅復古卡座再配搭輕工業風格，打造咗一間好有格調嘅西餐廳，座位嘅間隔同埋距離都幾舒服。如果住係粉嶺既朋友仔經過不妨可以試一試

今日出左粉嶺聯和墟搵美食一日遊，好耐無食鐵板牛扒，晚餐就揀咗呢間以鐵板餐為主嘅餐廳一試。menu 第一版見到呢個鐵板二人晚餐 (包括餐包，餐湯+兩款主菜+飲品+雪糕）好抵咁就叫左喇。▧ 火焰燒春雞半隻雞加香腸一條，唔好以為半隻雞好少，其實份量岩岩好，雞皮好香口，簡單調味有入味到雞肉部份，揀左配燒汁都幾夾。▧ 紐西蘭肉眼扒上枱時，哇左聲出黎，因為塊扒超級厚兼好大塊，size大過男士手掌呀o(≧v≦)o而且比一般扒厚一倍，未切嘅時候擔心佢做唔到7成熟，但切開又見啱啱好，咬落又唔會韌，肉味都ok。▧ 總括而言，呢個餐真係好抵食，特別係塊扒份量其實足夠2個女生食，同朋友飽到配菜薯條都食唔哂，最後仲有一個甜品 - 雪米糍做結尾，滿足。