二鍋頭 (嘉芙中心)

營業中

休息中

先來三選一，二鍋頭惹味雞煲，香濃黑椒豬手煲，秘製火焰牛尾煲，店長推薦秘製火焰牛尾煲～ 牛尾肉質新鮮結實，膠質豐富有口感，火炙後更有風味，而且九層塔香氣獨特令牛尾煲非常惹味！無限添加!羊腩不腥不膻，軟爛入味，而且啖啖肉，連羊皮羊脂一齊入口都唔會有肥膩感。配菜有腐竹，馬蹄，竹筍，冬菇，吸收了醬汁精華，同樣香濃入味！而火鍋方面有九款湯底，秋冬進補一下可以試下每日限定嘅養生滋補鷓鴣鍋，滋陰補腎，有淮山杞子毛桃，蟲草花，仲有大大隻鷓鴣，藥材味十足！120分鐘火鍋放題選了嚴選安格斯牛火鍋~有五款靚牛肉供應，分別係美國牛胸腹，本地鮮滑牛，安格斯牛板腱，安格斯封門柳，嚴選安格斯牛。另有一百款火鍋配料，蔬菜，飲品及雪糕。

好耐冇食過火鍋放題，今次嚟呢間火鍋放題店，可以先任食雞煲嗰啲，然後再自選湯底打邊爐～▪️香濃黑椒豬手煲🐷平時雞煲就食得多，呢度除咗有雞煲，仲有豬手煲，同埋火焰牛尾煲。豬手煲上枱後，店員會再炒一炒，好香黑椒味，而且豬手軟腍，仲有滿滿嘅骨膠原感▪️秘製火焰牛尾煲🐮呢款係新提供嘅，店員仲特別提到佢哋係全港首間可以任食火焰牛尾煲，咁梗係要試吓啦💁🏻‍♀️ 一上枱，店員會落啲玫瑰露，然後再點火，製造火焰效果。牛尾食落同樣好腍，而且帶少少花椒嘅麻，好惹味▪️養生滋補鷓鴣湯🐥食完啲煲，就開始打邊爐啦。平時湯底都鍾意揀藥膳類，所以今次都揀咗比較養生嘅鷓鴣湯。呢度仲係全港首間火鍋店有呢個湯底，真係夠晒特別。湯底入面除咗有半隻鷓鴣，仲有鮮淮山、五指毛桃、蟲草花、紅棗、杞子等，好足料，飲落好鮮甜，都幾適合打邊爐而火鍋配料除咗豬牛羊雞，仲有蜆、花枝、魷魚、蝦、鵝腸、丸類、蔬菜類等。另外飲品同雪糕都幾多選擇，夠晒飽🙆🏻‍♀️二鍋頭📍尖沙咀漆咸道南53-55號嘉芙中心1樓📍旺角西洋菜南街138號福苑2樓📍沙田橫壆街1-15號好運中心3樓3109及3110號舖

係尖沙咀見到2小時任飲任食火鍋雞煲廣告牌，只係$218，朋友話要試下。我心諗這個價錢會有乜嘢好食？不過朋友話試就試吧。結果真係好抵。入座後首先是雞煲、鴨煲和豬手煲三選一，我們選了「二鍋頭惹味雞煲」，熱辣辣，好大煲，很惹味。雞多肉又嫩滑，紫洋蔥吸飽醬汁很好吃。食完雞煲後再選火鍋湯底，我們選了「泰皇冬陰功鍋」，湯中有香茅、檸檬葉、南薑和青檸片，有點酸，如果加些椰奶會更好。$218是基本火鍋配料，可加錢升級為牛魔皇或珍寶虎蝦海鮮盤。不升級一樣有美國肥牛，質素當然不及和牛，但可接受。我反而欣賞「鮮滑牛肉」，真的又鮮又滑，配埋調味區的沙茶醬，就是沙嗲牛肉！我一個人食咗兩份。「墨魚滑」也是必吃，又爽又彈又有墨魚味。先前的雞煲已飽了一半，火鍋配料加埋食物自助區，有80款食材供你選擇。加上雪糕飲品任食任飲，加一後不用$250已令你滿足和飽飽。抵食。

一諗唔到食咩，任飲任食就會係同另一半嘅共同答案😂 愈來愈多餐廳唔止有火鍋任飲任食，就連雞煲都係，而且價錢相宜！環境餐廳環境寬敞，排煙亦做得幾好，唔會入到去好大煙。有好幾部大電視，適逢食晚餐果日仲係奧運期間，打住邊爐飲住啤酒可樂睇奧運好爽！餐牌二鍋頭惹味雞煲、火焰鴛鴦鴨煲或黑椒豬手煲3選1，之後火鍋亦可揀是否需要升級任食和牛/海鮮盤。雞煲/鴨煲、火鍋任飲任食2小時 $198起 揀左雞煲任食，我哋落單時無講辣度，相信係預設辣度，唔太辣，應該大部分朋友仔都食到，雞煲惹味，而且份量都多。自助區 火鍋食普通版，揀左沙嗲湯底，有好多蝦米仔，味道都幾濃又唔會太鹹。配料隨咗紙上面剔嘅款式之外，仲有自助區，拎菜類、菇類、丸類，食材都會不停refill，唔怕會有空缺嘅情況出現。亦有甜品區。配料 必點生猛海蝦，大家有時食任食火鍋會唔會都怕比啲質素好差嘅海鮮？真係純粹為食飽而唔係食質素，但呢到好令我欣賞嘅係海鮮都係新鮮！睇相都見到海蝦透徹見到有蟹膏，encore 左好幾次海蝦！仲有帆立貝、青口都係必點，點少得肥牛、羊肉片，肉類嘅質素都唔差，配沙嗲湯底都好夾，最尾就算飽都要食個沙嗲湯出前一叮！總括而言，傾偈睇波