御品·千之味 (大全街) (已結業)

唔知係咪呢排天氣太熱既關係，又係去食日本野😂呢間嘢食唔貴喎，因為大家都好肚餓而又懶得諗食咩既關係，我地叫左幾個拼盤，咩都有啲唔洗揀，真係懶到出汁😂野食好快就到，首先黎到既火炙壽司拼盤，不消一分鐘已經比我地清曬🙄火炙壽司表面燒到焦黃色。火炙三文魚表面有一層薄薄的三文魚油，食落好香、好滑口。左口魚邊壽司唔止一塊，但係要小心食，因為好容易掉。火龍卷賣相好靚，好多蟹子😆裡面係蝦肉御品壽司拼盤，我最愛既三文魚籽一啲都唔腥，甜蝦壽司有2隻蝦咁多，好鮮甜。軟殼蟹反卷我最愛既枝豆，食親日本野都叫😂呢度加左少少黑椒粉，為本身無味既枝豆加了少許味道。可惜order時唔記得叫加熱，熱食會更好味。三文魚帶子炒飯份量都唔少，但黎到係好熱辣，趁熱食好香口，裡面好多三文魚粒，但係唔係好覺食到帶子。吉列炸蠔入面既蠔都幾大隻，襯熱食先好味！最後仲有雪米磁送添

晏晝冇飯落肚，皆因呢晚有飯局，OT咗成粒鐘，就係因為約咗一眾胃民附近食飯。星期四最啱食魚生，日本嘢一定走唔甩㗎喇食生嘢之前，搵啲熟少少嘅嘢墊吓個胃先，肉嘅燒香加上芝士軟坐壽司上，食完個人都軟化喇大胃費事餓親龍體，於是召喚咗呢條龍出嚟，啖啖蝦肉冇花假就咁睇似海膽炒飯，查實佢係三文魚炒飯嚟㗎，一樣有溫度有鑊氣呢個唔係加州卷嚟㗎，卷中藏蟹炸蠔好脆，諗緊點樣蘸吓粒溫泉蛋，原來佢只係一撻沙律醬胃民覺得點都要食菜，就如佢所願俾佢嗌吓枝豆啦王牌壓軸出場，一分鐘內KO碟上生態埋單前會有雪米糍，呢個時候我地先講「いただきます」

奧運站隔離嘅大角咀原來有咁多小店, 唔少裝修得好特別, 特別鐘意食日本料理嘅我見到門口menu都幾吸引, 最緊要係枱櫈同格局走casual日本風, 坐得舒服😌.>細心的店家準備兩款鼓油分別係點剌身嘅醎味昆布鼓油, 甜味鼓油點壽司. >火龍卷8件 (HKD78)由兩條炸蝦+壽司飯包成嘅壽司, 超級shock shock聲蟹籽, 2個人share分分鐘一人食左碗飯呢! 抵食! >軟殻蟹天婦羅 (HKD68)即炸軟殻蟹🍤, 薄薄嘅粉漿由裡到外都好脆口啖啖美味蟹肉.>蟹膏蟹肉 (HKD28)蟹膏份量不多, 味道非常之濃, 蟹肉絲fill滿左軍艦, 淺嚐都唔錯.>御品•藍鰭呑拿魚四式盛 (HKD108)赤身, 中拖羅, 大拖羅嘅剌身都係厚切, 拖羅一啖食落勁肥美, 呑拿魚蓉新鮮足料, 都係抵食之選. >另外見佢石板燒系列都好吸引, 一於下次再經開再黎食.

大角咀不嬲都多好野食 今次我地就試左呢間新開張既日本餐廳🇯🇵 呢到座位好舒服 位置唔多不過唔會坐得好逼👍🏻Menu上面好多壽司都好吸引 其中呢到既signature 我相信係火龍卷🐉 其實係炸蝦卷 加上大量蟹籽係卷上面 做成火新既造型 好吸睛😎 特別要提及嘅係呢到連豉油都分左2支 1支係昆布豉油 比較鹹 另1支係甜豉油 用泥點壽司同魚生飯😉 火龍卷點埋甜豉油食就正啦👍🏻除左火龍卷 我地仲叫左火炙芝士三文魚壽司🍣 火炙芝士鰻魚壽司同埋軟殻蟹反卷🤤 呢到既火炙壽司真係好正 燒到岩岩魚香更出 食落魚肉仲好嫩好多汁入口即溶👅 軟殻蟹反卷入面既軟殻蟹仲好香脆 加上沙律醬 同樣好出色👍🏻小食我地就試左明太子醬燒蠔 呢個又係勁好食 蠔肉新鮮肥美 明太子醬夠哂多 燒到好香口 食落超夾🤤👍🏻最後我地仲叫左個黑松露三文魚帶子炒飯 飯上有不少黑松露醬 一上碟就香氣撲鼻👃🏻 三文魚同帶子都算多 夠鑊氣🌟

朋友知我鍾意食日本菜，所以就帶我去食又平又好食嘅日本菜。我哋一行7人，去到大角咀大全街新開嘅御品•千之味食晚飯！店內裝修很有日式風格，不過座位就比較少。入座後即點菜！樣樣都好想食，唔計刺身，我哋大大話話點咗廿款食物！(很誇張吧😆😆)款款都好好食，如果要推介，我會推介以下幾款食物！辣味螺肉 - 夠鮮又惹味！有小朋友同枱，必點蟹柳肉子燒。上到枱，兩個豆丁旋風式清碟。火龍卷 - 大大碟，擺盤吸引。入面嘅天婦羅蝦，外脆蝦肉結實。卷物面上鋪了勁多蟹子，好滿足！仲有燒汁一口牛，醬汁味濃，牛肉一啲都唔韌！Yummy~~整體食物質素好，員工亦非常有善！性價比高！一定要再來！

放工相約朋友去小聚？無問題，近近地大角咀都一樣得，仲要剛好發現原來千之味係呢區開咗分店　－　御品·千之味深水埗嘅千之味我地早就試過，而且性價比亦高，所以我地亦揀咗御品·千之味來做小聚嘅地方。我地一行五大兩小，一共食咗千八蚊，唔計小朋友的話大人除開每位HKD$350-左右。未計刺身及飲品，我地都已經食咗成17、18款食物，當中包壽司、小食、串燒等。。。好，事不宜遲，即刻睇下我地食咗啲咩啦！前菜：粟米蟹籽沙律，大人同小朋友都愛！亦估唔到原來咁大碗，好彩無打孖叫。辣味螺肉，辣度惹味，而且螺肉夠爽口。刺身：三文魚、甜蝦、油甘魚、劍魚腩刺身夠新鮮肥美，算係中規中矩。帶子刺身，因為漏單所以分開上。遇有問題店員都好幫忙，忙手對單及覆核，很友善。玉子燒：厚燒玉子蟹柳玉子燒因為有小朋友同行，玉子燒當然少不了，我地仲點咗兩款不同口味俾小朋友食。我自己都有試到蟹柳玉子燒，真係唔錯。甜度適，蟹柳及蟹籽仲令玉子燒多咗層次及口感，小朋友們好快口就清晒添。壽司及卷物：火龍卷見到都一定會點嘅卷物之一!份量十足，而且蝦肉微脆爽彈，如果蟹籽再多啲就更正！軟殼蟹反卷軟殼蟹依然脆口，而且不乾身，美味可口。鰻魚芝士忌廉卷*芝士

之前已經食過深水埗分店，知道佢係大角咀開分店，超開心，因為好近我娘家所以約埋屋企人一齊黎食。裝修靚過深水埗店，座位非常舒服，又見到深水埗店好好笑容&好幽默既員工係度，唔知佢認唔認得我呢呢間分店有生蠔食呀，點左一打，No.1超大隻，好新鮮，我分別再叫左刺身拼盤、炙燒拼盤、蒜香三文魚帶子炒飯、三色花之卷、火龍卷、壽司拼盤（15件）、燒三文魚頭&魚腩、南瓜番薯天婦羅、明太子醬燒蠔、燒汁一口牛、蟹柳玉子燒全部都好好食，我屋企人第一次食千之味，每個都好滿意，一定會再返黎食，同埋我呢次食完佢仲送左vip卡比我，話下次黎食，正價食品有8折添，覺得賺左