炎鳥羽

營業中

休息中

平時食日式串燒，一串蔬菜類，閒閒地都要十幾蚊，如果食肉類，廿幾蚊一串係常識。不過今次呢間日式小店，居然賣$20三串，而且有12款供選擇，有菜又有肉，質素都唔錯添!! 值得留意嘅係，呢個咁優惠嘅價錢，只有LUNCH套餐先有。我同友人12點3去到，成為第一枱客，但未夠1點，已經坐滿人!! 雖然全院滿座，但枱與枱之間唔會好狹窄，環境都算舒服。點餐後，職員就送上沙律、魚仔前菜同湯。沙律菜好新鮮爽脆；魚仔望個樣以為好硬，但原來係軟身，味道偏鹹，魚腥味幾重。溫泉玉子角切魚生丼$78自己一直都中意食呢類丼，貪佢乜野刺身都有D，加大量芥末同少量豉油，撈勻佢就最正。可惜，溫泉蛋過熟，魚生亦唔鮮甜，芥末份量偏少，整體有點失望。炎海丼$98賣相幾靚，而且陣陣火炙魚香。內有海膽、三文魚籽、帶子、三文魚、油甘魚(我估應該係🤔)，我只試左後3款，全部都係同一個問題，就係唔鮮甜，無乜魚香。😥明太子雞翼、牛肋骨、雞頸肉、汁燒豆腐我同友人都覺得串燒最好，當中牛肋骨最合我心意😋，肉質軟淋又有牛味；而友人就中意燒豆腐，外面薄薄一層脆皮，配上甜甜地嘅醬汁，不過要注意火侯，有件真係太燶；人氣推介嘅明太子雞翼都唔錯，雞皮少少脆，

同一嚟到呢間日式居酒屋小店今日下晝1:30冇乜人，佢哋真係走寶啦！💛佢呢度有午市套餐，前菜沙律好新鮮，小食魚乾有醬油香又有魚味，麵豉湯正常唔會過鹹💕我叫咗一個炎海丼，佢有五片炙燒三文魚、四片炙燒油甘魚、兩片炙燒燒帶子、三文魚子同埋海膽；底下係加咗飯素嘅醋飯～佢嘅魚生好新鮮，佢唔會燒得過熟，表面焦香，底下仍然保持魚生嘅彈性；其中帶子真係極甜！！海膽亦無藥水味，非常出色！🥰🥰呢度嘅雜菜烏冬有蘿蔔、金菇、大蔥等材料，全部都好新鮮有菜嘅甜味；而烏冬係偏幼身嘅，落咬彈牙，湯底清甜😋🥦🥬🥒🥕重頭戲係佢哋嘅串燒，每樣都燒得恰到好處，唔會太燶，但又燒得出材料嘅香味！重點係$20有三串，真係非常超值！🤑🤑當中牛肋肉串肉質紮實而唔會好硬，有濃郁嘅牛味，一咬肉汁咇晒出嚟🐮；明太子雞翼就去咗骨，再釀入明太子去做調，食落微辣帶明太子香，肉質嫩滑，係心機之作！🍗🍗其餘嘅串燒都好出色，嚟到食lunch set真係必點！🍢🍡呢一間小店嘅每樣食物，都食得出佢哋落咗好多心機去做，希望可以有多啲人支持啦！💪🏻💪🏻💪🏻💛

之前已經食過一次 一試難忘今日去開尖沙咀碰碰運氣 睇下炎鳥羽有無位原來多數都係要book 今日咁好彩 walkin 坐吧枱lunch都唔算貴 都係around $100 有d再貴少少前菜有沙律同小食同湯三文魚親子丼$88三文魚好新鮮同埋好厚切加埋有唔少的三文魚子 好鮮味又啖啖肉 炎海丼$98本身唔知炎海丼有d咩 一心諗住試下點知又真係幾正wo厚似火炙三文魚 劍魚 帶子 海膽 三文魚子非常豐富燒左好香油脂味!! 呢個配搭估唔到又幾正wo下次要再食!!!加$20 有3款串燒一如以往 正 串燒係師傅新鮮咁燒 望入廚房都已經覺得吸引我比較鐘意食 明太子燒雞翼 雞骨豬肉腸好juicy 好正

平日出街最鍾意周圍lunch set食，可以用好抵的價錢輕嚐特別菜式。由於我真係好鐘意食日本野，出尖沙咀一定沒錯啦。間餐廳開張時間尚短加上係樓上舖，OL又或好似我咁網上睇過review黎既人比較多。Menu中低價選擇的炎海丼$88，連三款小吃。雖然係比較平既set，材料性價比遠遠超過呢個價呀！炎海丼係一個火炙刺身飯，有北海道帶子，三文魚同劍魚。亦附有兩片海膽、醃三文魚籽、漬梅。火炙過的刺身滿滿油香，表層帶些少焦香，對於女仔黎講仲有個處就係無咁生冷。 這碗丼飯我偏好:劍魚>帶子>海膽>三文魚>三文魚籽。劍魚用既部位係厚切魚腩，出去食兩件至少要$40。半燒熟左都好滑， 新鮮的程度可以同高級日本餐廳比，入口甘香。帶子唔只甜仲有佢本來的帶子鮮味，最重要無雪味腥味。一粒有兩節手指般大，真係好滿足。Lunch set包含芝麻醬沙律，正正常常，但另一道迷你沙律就好出色。我形容佢為三文魚青瓜沙律，熟三文魚塊加洋蔥粒同青瓜薄片整成的沙律送飯正呀。午市加$5就有飲品，或者加$20可以換三串串燒。多春魚BBQ時最難控制火喉，朋友話好食唔太乾。旁邊的牛肋肉結實，係當中最濃味的。

難得半日假，可以慢慢嘆午餐。約了朋友到尖沙咀食飯，大家都想食日本菜，但又唔想食大集團 / 放題，朋友就帶我上黎炎鳥羽食。午市餐牌，其實同出面板* 一個餐差不多，呢度仲要唔收加一。一聽到店員講北海丼同炎海丼都有海膽，我即刻縮小選擇範圍；炎海丼較平，就點這份。一上菜便很吸精，好豐富的燒魚生:帶子，三文魚，同海膽，魚生燒完有啲脆同滑；每啖飯都配埋juicy 三文魚籽，好滿足。😍😍朋友點的三文魚親子丼，都有七至八塊肥美三文魚；好好味，但對比炎海丼就。。炎海丼勝😅😅🤣 每個set 都有麵豉湯；前菜同沙律，好夠食😋貪心嘅我地見到加廿蚊有三串串燒，就每人加三串。上面起由左至右:雞頸肉，日本甜薯，脆肉瓜，牛肋骨，明太子雞翅，茄子。每款都燒得好入味同juicy. 但必食係明太子雞翅。 一咬啖啖明太子，睇得出唔少明太子被釀左入去，同雞翼燒得好脆，推介！朋友另外加左杯熱柚子蜜 ($5），佢好快飲想加水沖多杯，店員好細心拎熱水俾佢沖 十級讚 👍👍可能因為上樓緣故，唔太多人食。但入面坐得好舒服同食材整得好味😋 有機會要再黎 😍串燒食得過👍

尖沙咀厚福街一直都係餐廳聚腳點聽朋友介紹個邊新開咗一間日本餐廳 - 「炎鳥羽」相當不錯，所以曾假日一於同另一半嚟試下！餐廳裝潢別緻，走日式居酒屋風格。牆上掛著嘅明月布飾～更添雅緻。整體簡潔明亮座位雖不算多，但間距寬敞，感覺舒服座位下亦準備咗布籃供客人放置行裝，十分貼心午市套餐都幾多款式，有熟食 /魚生飯 等。而且已包括了前菜 /沙律 /味噌湯。 不過最吸引係仲可以另加$20揀三款串燒添！真係好抵呀！我地二話不說都另加串燒⭐️味噌湯味道不會過咸，而且非常足料！⭐️前菜味道帶酸甜，非常醒胃！作為前菜啱哂～⭐️沙津沙津菜新鮮，配埋胡麻醬一齊食，格外清新美味！⭐️串燒⭐️明太子雞翼 ： 外皮燒到脆脆地，色澤誘人！一咬開就見到滿滿嘅明太子十分足料！味道帶微辣～ 非常惹味！推介⭐️牛肋骨 ： 牛味濃郁，肉質鮮嫩多汁，表面燒得好香但一啲都唔un，相當美味⭐️日本冬菇：燒得啱啱好～ 非常Juicy！每次食串燒必點item!⭐️雞頸肉：第一次食雞頸肉，估唔到有驚喜！雞皮燒得微微焦香，肉質鮮嫩，可口惹味！⭐️炎海丼（$88）材料相當豐富包括燒海膽、火灸帶子、火灸三文魚等⋯每片魚生都係厚切非常新鮮。海膽口感creamy～而帶