炑八韓烤 (青衣城1)

營業中

休息中

唔食魚生，其實都可以食其他野滿足食慾，就例如韓燒，我一定唔抗拒～好耐冇去炑八，原來裝修都唔同晒，顏色鮮亮左，同以前黑色牆身相比，呢個感覺更和諧！韓燒最吸引地方就係，未食已經有豐富前菜放係眼前，加上爐邊蛋同粟米芝士，官感加分，而4款前菜味道都不錯～另外就係食完都唔會成身臭住出番黎，證明通風同抽氣都做得好～特級牛肋骨，韓燒控、牛肉控必點！肉質鮮嫩多汁，而且好入味，配上豆瓣醬同生菜食，味道依然好搶，肉香濃郁，十級推薦！韓式紅蝦，肉質鮮甜彈牙，啖啖肉，仲有蝦膏添，但口感略帶沙，呢到有少少扣分。炑八厚切五花腩，份量超大，腩肉肥瘦相間，口感豐富，外酥內嫩，香氣撲鼻！爐邊蛋，蛋黃濃稠滑嫩，帶有微焦香味，加上泡菜酸辣味，令人愛不釋手。半份炸雞系列(無骨)，酥脆外皮包裹著嫩滑雞肉，無骨炸雞食起上黎好滿足，雞肉鮮嫩多汁，甜辣醬調味恰到好處，令人想一件接一件！夾心棉花糖配朱古力威化餅，有得食又有得玩~好似燒烤咁，將棉花糖放係烤爐上烤到溶溶地，柔軟綿密口感配上威化餅，係甜蜜滿足嘅感覺～青檸檬梳打，清新口感，帶微微酸甜感，特別解渴！菠蘿梳打，香甜菠蘿配上梳打水，鮮甜爽口，飲落幾過癮，裡面仲有菠蘿肉添！

青衣城餐廳雖然多，但和太太走了一圈後，最後都決定去我們最愛的炑八食晚飯，主要因為太太喜愛食韓燒，而炑八的食物質素從沒令人失望😁✏️位置（9/10）：位於青衣城1期，港鐵站經商場走過去也只需幾分鐘✏️環境（8/10）：餐廳面積大，環境寛敞，抽風算是不錯✏️服務（8/10）：侍應友善，會主動幫忙加泡菜蛋及芝士粟米，下單後上菜算快✏️食物（8/10）：一如以往的水準，食物算是新鮮，味道很不錯首先上枱的是熟悉而任食的前菜，包括我最愛的泡菜，還有沙律及生菜。之後侍應會幫忙加入無限任添的爐邊芝士粟米及泡菜雞蛋，單是食這些也能半飽。然後我們這次點了以下幾款菜：🌟特級牛肋骨 - $288這一次的牛肋骨有很長的一條，以特制燒汁醃製過，燒出來牛肉鮮嫩可口，味道香甜，啖啖肉。配菜有海蝦、冬菇及雞髀菇，相當豐富😍🌟炑八厚切五花腩 - $138最考功夫的厚切五花腩，先燒香兩邊後，再切成一片片去燒，豬肉夠新鮮，油香滿溢，份量亦不少😃🌟韓國梅花肉 - $122一大塊鮮嫩軟滑的梅花肉，燒出來同樣香滑，充滿豬肉香，口感亦夠稔😉🌟韓國醬油蝦配紫菜飯 - $138韓式風味帶微辣的醬油蝦，味道香濃亦夠鮮，喜歡韓式醬油生蝦的朋友必點，

繼早前到過同集團的柞木炭家後，當日來到青衣城，也忍不到光顧同是韓燒的炑八。重開晚市後，現在幾乎所有人氣餐廳都要等位，這次我們也要留座一小時後再回來✏️位置: 9/10✏️環境: 8/10✏️衛生: 8/10✏️服務: 8/10✏️食物: 9/10餐廳位於青衣城1期1樓，地點當然很方便，店面不算大但座位卻不少，店面有少量油煙，但整體環境仍算不錯。炑八是多年的連鎖韓燒店，食物質素向來有保證，所以才會長期人頭湧湧吧既然都等這麼久，當然要多點幾道菜：🌟前菜在炑八點了燒肉餐，就會奉上多款前菜，包括個人覺得炑八做得很出色的泡菜、醃芽菜、醃蘿蔔、醃紫菜青瓜及沙律，還有包肉類用的生菜、蒜頭及辣椒片。最後還有爐邊泡菜蛋及芝士粟米，單是追加這兩款及前菜已足夠吃飽🌟三味牛小排 - $208一碟共有三款口味，包括原味、韓式秘製醬油及梨汁辣醬。內質鮮嫩多汁，燒出來香而無根，口感不錯，即使是原味，沾上燒肉醬汁同樣味美🌟炑八厚切五花腩 - $128相當厚切大件，經侍應指示燒過後才剪成一件件，燒後油香十足，加上啖啖肉，非常邪惡吸引🌟韓式豬皮配炒芝麻 - $62豬皮上枱時有六大片，預先用韓式辣醬醃製，燒過後不覺油膩，反而豬皮滑身