唐宮小聚 (荃新天地)

營業中

休息中

特色中餐廳，平日唔駛等位～環境絕不失禮～鳳尾金卷～新鮮炸起，大大隻蝦，脆卜卜黑金流沙～高貴嘅外表飽夠軟，入邊好流心。我最欣賞的手抓餅，配起肉鬆，簡直無敵！！乳鴿仔～細細隻，每人半隻，分量剛好，熱辣辣，好好食。荷葉飯～由於其他點心太有特色嘅關係，顯得荷葉飯平平無奇。影相打卡必備的小豬布丁，打佢pat pat會震騰騰，超級可愛山竹的外表，入邊係蟹肉配龍蝦汁。黑白色嘅黑椒洋蔥雞煎包，外脆內軟炒蝦腸粉～太平凡了，正常貨仔美食不能盡錄～ 環境、座位舒適，適合三五知己慢慢歎

我之前多數去尖沙咀新港唐宮小聚用餐, 今次經過荃灣就來這間分店試試. 我覺得餐單種類比尖沙咀分店少, 不過食物質素仍然保持水準👍沙田乳鴿 $39乳鴿身型細細隻, 肉質非常嫩口多汁, 不乾身, 味道非常入味😋 必吃之選👍肉鬆抓餅 $39餅底鬆化, 有香蔥味, 多肉鬆, 趁熱食非常香口, 味道不錯😋👍炒蝦腸粉 $79基本上是一碟普通豉油王炒腸粉, 加了幾隻蝦🦐&韭菜, 面上有炸瑤柱絲&白芝麻粒, 味道普普通通. 本人覺得性價比不高小蠔煎餅 $89小蠔煎餅配五柳汁, 酸酸甜甜. 份量較多, 炸漿好鬆化, 蠔量亦不少. 味道可以, 不過食多幾件就比較油膩

呢間新穎粵菜點心中菜館號稱用健康嘅米糠油烹調，標榜無味精添加嘅健康美食。裝潢上偏向新派，食客可以透過大型嘅開放式廚房，見住師傳製作佳餚👨🏻‍🍳💗白玉王鴿($38/1隻)選用幼年乳鴿🦆先浸滷水後再上皮風乾，風乾後炸至外皮金黃、薄脆酥香。無論脾位至胸部，食落都超級嫰滑juicy🍗脂香唔會過多，滷水鹹度適中，完全入哂味，又唔會蓋過肉香，不過鴿肉唔夠豐滿。💗脆蝦多士($79/3件)多士炸得香脆可口，乾身冇油味。最值得欣賞係放咗原隻開邊蝦🦐而唔係蝦膠，食落更加爽口彈牙，肉質都尚算新鮮，好足本咁配埋少量黑松露醬，更添香味🥪💗非常山竹($49)口感有d似鹹水角，紫薯糯米皮炸至香脆煙韌，上面加枝朱古力百力枝，內裡包住龍蝦汁同蟹肉🦞餡料十足，湯汁夠哂juicy，但食落冇預其中咁濃郁鮮甜，味道好淡😢💗蟹粉麻球($89/3件)外型有d似迷你煎堆，沾上黑白芝麻粒炸至金黃香脆，但可惜糯米粉團唔夠煙韌而且比較厚🧆內裡有份量十足嘅金黃蟹粉同蟹肉絲，食落帶少許薑味冇腥味，但蟹黃味唔夠香濃鮮甜🦀💗冰鎮咕嚕($99)冰鎮令外皮特別脆，裡面嘅豬肉就軟嫩彈牙，油脂分布平均好似豬頸肉嘅口感，食落唔覺有好多肥肉同無骨🐷第一啖咬落

今天要做乖乖女，陪母親大人覆診後，到附近的唐宮小聚午膳。餐廳格調簡潔，半開放式廚房，讓客人看到廚師用心炮製每道佳餚。母親大人看見了餐牌上的乳鴿，忽然變了小孩子，嚷著要吃乳鴿。味香、皮脆、肉嫩，母親大人吃到舔舔脷。小拼盤- 砂礓豬手、涼拌萵筍，青芥木耳，精緻。皮蛋豆腐，地方小吃，造型很美炒蝦腸粉，想不到敬蝦肉這麼鮮嫩。妈妈还要吃鳯尾金卷，脆卜卜⋯⋯我的精选，冰镇咕噜，甜甜酸酸啊，新鲜生果伴菜，非常开胃。還有這個特別別的流心燒賣，原來裏面包着一隻鵪鶉蛋。母亲极赞乳鸽，她说要带哥哥来吃。

👩🏻餓妹子屋企人👨‍👩‍👧最鍾意食中菜，近排就帶咗兩老同婆婆👵🏻去試試特破少少傳統，時尚摩登d嘅中菜—👑唐宮小聚，希望有d新意！😜反應都唔錯！·🕊白玉乳鴿 Roasted pigeon $33必食！👍🏻真係乳鴿應有好嫩滑嘅肉質！🤤皮脆肉嫩！一上檯嘅香味👃🏻已經令我淨係影得一張相，因為忍唔住要食指大動！😋之後就會明白點解每檯都會有1-2隻，甚至聽到有部分人會再繼續追加，因為真係好快賣晒！😯MUST TRY item！🤩 It’s sooo tender with a crispy crust. 😋This is the only picture 📸 I’ve taken since I couldn’t wait to start enjoying. Sorry mates! 😜·🍍🐖鳳梨咕嚕 Sweet & sour pork with pineapples $89冰鎮咕嚕肉。外冷內熱。😋難得無太多肥肉同無骨，所以每啖都係肉！酸酸甜甜嘅醬汁！加上新鮮菠蘿！🤤Not too fatty and no bones 🦴 at all. Cold at the outside and warm

呢餐家庭飯，既喺慶祝姨仔完晒個課程，可以甩難，又喺補祝我老婆嘅生日，而用餐地點，就由姨仔發辦，佢喺荃灣地膽。佢之前試過荃灣店嘅「唐宮小聚」，專登推介我哋一齊嚟試吓，仲問有無人試過，為免掃佢雅興就無特別出聲，其實，兩年多前曾同老婆光顧過中環店喇。主打摩登中菜嘅「唐宮小聚」近幾年越做越出色，所以，呢晚星期日嚟到，門口已經有唔少人晌度等位，入到裡面，更可以用座無虛席嚟形容。雖然枱櫈拍得有啲密，但因為樓底比一般餐廳高，未至於太侷促。而一室湖水藍襯白，拼上琥珀色雲石餐枱，加上柔和嘅暖黃色燈光，整體予人感覺摩登得嚟又親和。而入門口位，擺放咗好多店家嘅招牌公仔點心，雖然都喺睇得唔食得，但都夠晒趣緻得意。得意嘢唔止啲點心，枱上嘅餐碗都好搞嘢，一眼望落去啲碗惹晒蟻喎，哈哈哈，其實碗底嘅黑蟻喺假嘅，只喺畫上去，但就呃到唔少人架。講到食物，呢度有唔少選擇，而且，改名都花過心思，全部食物都喺「四字詞」（飲品除外）。除有「金獎之選」及「必食之選」外，分類為小潤、小吃、小點、小炒、小菜、飯麵、小甜、口渴，全部都喺得兩個字，真喺唔易諗架。順帶一提，茶芥$8位，另收加一服務。有機豆漿 $19有黑豆豆漿或黃豆豆漿可揀，

唐宮小聚係一間現代化中餐，裝修摩登。粵菜滬菜川菜點心融合一起，再加上賣相別緻，更加吸引客人。但係無論表面幾靚，都係要靠口碑先至可以長存。P.S. 大家一上坐，見到枱面幾隻碟差d嚇襯😱有蟻！ 眼定定望清楚，原來係隻碟嘅圖案🤣🤣今餐大概點左十款點心，部分非常出色，一家老嫩都無人投訴😊皮蛋豆腐外周淋有芝麻醬，中間皮蛋連有蔥花，仲撈左小小酸酸甜甜嘅汁，非常開胃😊家中兩老特別喜愛。醉雞肉軟，無因為凍食變得肉韌。小聚拼盤揀左：涼拌萵筍、茄子、麻辣香腸大家最欣賞萵筍，的確爽脆😙蒜泥白肉跟青瓜切得差不多長度，兩簿片卷在一起。點上辣油連蔥花蒜蓉，幾野味。不過少了醋，有少許失色🙄但純屬個人口味，如果鍾意食辣都係不可錯失。BB乳鴿係特價菜，$29/一隻，每一個人頭只限叫一隻。細細隻，好香脆；如果太大隻，個胃就無位放其他食物，正所謂少食多滋味😊炒蝦🍤腸粉真係出奇地精彩，豉油王腸粉炒得極之入味，蝦肉亦爽口👍🏻猛虎咬豬🐷台灣人又叫割包，啖啖豬腩肉，肥膏入口即溶。只係個醬汁怪少少，酸菜只帶酸並無喂過糖，成件事都怪少少又差少少🙄蔥油麵同蝦多士都好美味，must點👍🏻👍🏻整體食物都👍🏻👍🏻，所以一家大細都食到開心😘

好耐無試過一家人飲茶，傳統酒樓略嫌嘈吵，大家又想試下新派點心，就一於一早起床去唐宮小聚取位，由於平時太多人排隊，所以我們特意在店舖開門前到店拎籌取位，再行一陣街，於開門前十分鐘等候安排入座。店內環境優雅，像置身於酒店中品嚐英式下午茶般，唯一美中不足的是有90分鐘時間限制，不然就可更悠閒一些。白玉王鴿乳鴨醃得入味，上枱時非常熱辣辣香噴噴，而且皮脆內嫩很juicy，果然是此店的皇牌。雞絲拉皮拉皮很透薄很滑，配上紅蘿蔔絲、青瓜絲及雞絲再加上香濃的麻醬，有水準。糟滷醉蝦蝦爽口彈牙，酒味入晒蝦裏面，配上少許菜苗，好清新。黑金流沙軟綿綿的竹炭包配上熱辣辣流沙奶黃餡，絶對睇得又食得。松露香菇外型有質感十足十花菇般，一咬開松露的香味撲鼻，然後熱辣辣的松露菇菌滿滿流出。麻辣燒賣非一般的燒賣，內餡是麻辣糯米，麻辣味不錯，糯米亦軟熟。但我們對傳統豬肉燒賣的味道太根深柢固，若它改叫另一名字，或許令這道菜式加回不少分數。珍珠蝦餃一口一粒，皮薄蝦彈牙。若然每粒可以大多少少，更貼合我的口形，更佳。 麻醬抄手賣相像外賣腸粉般，麻醬香滑，配上芝麻及葱花，唔錯。鳳梨咕嚕咕嚕肉外脆內嫩，酸汁調配得剛好，配上燒到有格紋的菠蘿

一班人午聚 ，去了剛在荃新天地新開的唐宮小聚，當然要點最抵食既白玉王鴿大大隻，有肉食，味道香,肉質鮮美多汁，只售$29.9 ，勝過食bb鴿炒蝦腸粉有原隻蝦食，真爽😉雞絲拉皮醬汁多，撈完成碟重有餘沙薑豬手比較出眾，不單配料豐富，豬手也非常入味，可以一試至於鳯梨咕嚕也非常可口，酸甜度適中，而咕嚕肉也頗為多，入口鬆化有汁可能沒有食巨地既得意和別緻的點心，所以菜餃和蝦餃都是一般，下次再去一定會食兼且試埋巨地創意甜品