櫻花日本料理 (已結業)

想黎呢間好耐啦，不過真心地唔想過海，今次終於有時間試下啦😆又唔認得香港啲路，搵到黎原來喺我地食開果間漢堡飽隔離，佢開12點，我地都12點到啦，岩岩到我地係第二台，但我地離開果時全場已爆滿，好彩我地有事先book位😍上菜啦！我地揀左鐵板位，一路食飯一路欣賞人地啲藝術都係一件賞心樂事😉呢個係4點刺身餐，蒸蛋好滑，裡面有粒好甜既栗子，好似用糖水浸出黎咁，好正！刺身好新鮮，仲有拖羅2件，呢個餐其實只要係個刺身新鮮就乜都夠曬啦，3xx蚊真係抵到爛！呢個係鐵板餐，只有2款我揀左銀鱈魚呢款(本人唔好鮑魚)，唔食牛所以轉左豬肉(鹿兒島黑豚肉)，豚肉整成卷狀入面包住炸蒜同蔥，好香，又唔漏😋銀雪魚雖然細件啲，蝦好爽好彈，炒飯仲更加冇得頂，炒到粒粒分明，煙韌彈牙，冇呃你，我唔掂飯既人都食左3啖，口感味道樣樣好，盛惠2xx，又係抵到爛之選！今次過海食呢個lunch已納入我encore首選，下次試埋個鰻魚飯先😋😋

升職加薪既朋友總是特別豪氣，朋友想賀下佢決定搵間公司附近既高級料理賀下佢同補返佢爭我既一餐，佢話留意到呢間係蘭桂芳附近既新日本料理好吸引，又見幾多好評，就拉咗我入去。一入到門口，職員已經同我地打招呼同安排位置，已經感覺佢哋既服務態度都唔錯。夜晚既就好似只有Omakase ，因為朋友都唔太食海鮮，所以都係決定散叫。係心大心細樣樣都想食既時候，職員已經送咗一份食物上嚟，原來係一分鱈魚片，而佢既汁應該係一啲沙律醬，魚味好濃，好好食！我地揀咗四樣嘢，有壽司同熱食，職員都好貼心咁問我地需唔需要上咗壽司先，咁當然跟佢既專業意見去食喇！壽司我地就叫咗個「特上壽司什錦(12件) ($780)」，一落完單就見到師傅開始整喇。壽司亦都好快就到，職員好細心咁每份壽司仲紹俾我地知，另外仲有一小份蜂蜜蛋榚，每份壽司刺身都非常鮮味，最鍾意當然係個海膽莫屬！而佢地用既飯都係用醋飯，係比例上飯相對係少好多，唔似出面有啲壽司咁係迫你飽所以整大舊啲舊飯。跟住就到熟食呢一part，朋友係健康之人，所以點都要叫返個菜，我地叫咗個「炒野菜($80)」，係收完壽司一陣就到咗，時間嚟得啱啱好，個菜一嚟到就好香。想食返啲肉，我地就叫

新開左2個月, 就同女朋友過來豪一次, 裡面很大, 有專用鐵板燒房, 叫左2個鐵板燒set<刺身三點>有牡丹蝦, 赤貝及平政魚, 好新鮮, 同出面食既完全唔同, 牡丹蝦爽甜, 赤貝彈牙, 平政魚清爽, 各有特色<三選一前菜 - 黑松露炒粒貝>新鮮原隻粒貝起肉, 加上蘑菇一齊炒, 撒上黑松露, 配搭得非常之好, 粒貝勁爽口彈牙, 配上蘑菇及黑松露的鮮味, 食唔停口<三選一前菜 - 燒鵝肝>唔同一般既鵝肝咁太重鵝味, 燒到外脆內軟, 一咬落去就好似溶出來咁, 可以配埋邊既蘋果醬, 甜甜地<炸金鯛>金鯛會反轉炸, 主要是炸魚皮, 肉向上加蓋焗熟, 出來效果皮脆肉軟不多油, 超一流水準 <沙律>食完前面幾個菜之後就會來一個沙律清一清口, 去一去油, 貼心既安排<三選一主菜 - 燒龍蝦>新鮮半隻龍蝦, 師博即場係鐵板上面折肉燒, 加上特製龍蝦汁, 極度好味<三選一主菜 - 燒近江和牛>100g和牛, 油花平均, 加上白蘭地燒到5成熟, 完全保持左肉汁, 加埋日式蒜片一齊食, 非常滿足&