大叻越南牛肉粉餐廳 (蘭杜街) (已搬遷) 新店位置

因為工作關係而去咗香港區番工，附近食物都貴到眼到突，唔係講笑，有天有個舊同事約食飯，就帶咗我去呢條街，其實一連都有好幾間食店，一見我就叫咗個炭燒豬扒，待應一放低，心諗$50真係$50（只不過係我之前係喺行貧窮線低小小嘅地區番工）所以呢度呢個價已經係恩物，佢都幾大件，仲有1.5件到，飯大大個，個蔥油好香，豬扒⋯⋯好好味呀，仲係炭燒味好重，我食完直頭愛上。我已經唔想係其他越南店食呢個豬扒飯。份量大但你會不自覺食得哂㗎

係灣仔金鐘一帶番左幾年工，心目中都有唔少心水餐廳，大叻絕對係其中一間，䣓一排就會想食。炭燒豬扒大大塊好抵食雞扒都唔錯。今日介紹同事食，佢地都話正永遠冇令我失望不過午餐好多人，建議12點半前好去拎位喇。

因為返工關係，好多時都係蘭杜街食午飯之前食開個間執左，估唔到而家開返間越南餐廳試過堂食，其實佢既炭燒雞扒同豬扒真係唔錯亦都試過佢既蝦餅同墨魚餅，的確係唔錯但可能唔錯既關係，愈來愈多人去，開始覺得坐得唔係幾舒服價錢方面就港島價，HKD 47直到有一次叫外賣，都知道人多要等下但估唔到佢一下就真係一等等左成個鐘所以建議大家堂食好啦，外賣真係等到人都癲而飲方面，檸茶、奶茶、咖啡就大路野特飲都唔錯，特別係三色冰，不過跟餐叫就抵D