Mee...lemongrass (已結業)

今日收早去接男朋友收工，諗左好耐都係諗唔到食咩，最後又去返食我地覺得好食嘅泰菜地方，已經變左我地嘅飯堂。<無骨酸辣鳳爪沙律，$68>男朋友興起想食鳳爪，佢話好好食。<炭燒豬頸肉，$78>炭燒豬頸肉真係好好食！！！燒得好juicy而且每一塊豬頸肉嘅厚度都好適合，配埋秘制辣汁，簡直令我一試愛上！每次食都必點！！！<馬拉盞炒通菜，$64>馬拉盞炒通菜又係必點，出街食飯比較少點菜，呢個菜好惹味，少少辣，而且通菜依舊嫩滑。<招牌無骨海南雞飯，$80>第一次食呢到嘅海南雞飯，去骨既雞真係吸引。雞嘅味道都唔錯，而且骨都去得好好，略嫌肥左少少。呢個價錢仲配埋個湯同一小碟菜，真係算幾抵食！<泰國豆奶紅豆冰，$32>最後今次點左紅豆冰，有賣相之餘又好味。紅豆好香好甜好腍，配埋個豆奶好好飲。( 無放相因為男朋友出鏡太多XD)

諗住去GU行下，見到旁邊有間食泰國菜的餐廳，價錢相宜，款式都幾多，所以我地之後黎左食晚餐先介紹小食吧! 豬頸肉同蝦餅都係我中意食既野，見到餐牌有，我同朋友當然點黎食啦～～ 蝦餅 $68 蝦餅一客有4件，size唔算太大，但熱辣辣新鮮炸起，口感脆口彈牙，蝦味濃，點上泰式醬更開胃～ 炭燒豬頸肉 $76 豬頸肉燒到外層微焦，肉質粉嫩，食起上黎唔算太肥，油膩感不太重。 炒金邊粉 $72 金邊粉炒到條條分明，唔會痴埋一舊～～ 金邊粉旁邊有青檸、花生碎、砂糖、辣椒碎可以自行調味，味道甜甜地，幾好食。 不過我認為旁邊既2隻蝦有D格格不入，如果換成蝦球會比較好。 甜品原先點了芒果糯米飯，但我地太飽了，改為千層糕～ 椰汁千層糕 $32 最中意食煙煙靭靭既野，原本想叫芒果糯米飯，但太飽了😝😝好彩呢個千層糕都唔差，斑蘭味幾重，但略嫌椰汁味太薄弱了🙈一客4件，都好抵食！😋 飲品我幾中意個紫米冰！ 泰國豆奶紫米冰 $38 飲品大大杯勁抵飲，2個人share就岩岩好，黑糯米同豆奶好夾，唔會過甜，而且有種似食糖水既感覺😝 餐牌:

又打八號波，但吾想係屋企食，落銅鑼灣睇下有咩食。諗住去皇室堡睇戲，順便見到呢間喇沙泰國菜好似係新開就試下啦。泰式蠔仔蛋 $82 ，不過圖片只供參考，圖中既蛋炒得好滑咁，係鮮黃色的，吸引到我叫。但實物係蛋炒得過老，啡啡地色，好在味道調得好，蠔仔都大大舊。香葉蝦仁米紙卷6件 $62 ，比想像中細舊，勝在皮薄餡豐富，味道開胃。炭燒豬頸肉 $76，豬頸肉夠肥美，肉質幾好，烤得剛好，肉邊脆脆的，仍保持肉汁👍🏼香芒椰汁糯米飯 $42，有四小舊芒果糯米飯，芒果夠甜，但糯米飯既質感麻麻🤔 吾夠煙靱。泰國豆奶紫米冰 $38 ，呢個好正呀！😍 吾止外表靚仔，仲要係我中意飲既豆奶, 配上紫米，好似飲緊紫米糖水咁🤤 可以兩個人share飲，好抵飲👍🏼好喜歡這個碗❤️

喺銅鑼灣區要搵飯食真係唔容易，特別係平日，又多上班族，又多遊客。週二同個朋友去到皇室堡，試左呢間餐廳，佢地下午時間都好多人幫襯，我地都等左一陣，剛好有人埋單先有位。餐廳位置都幾多，裝潢冇乜特別，用上木枱木櫈，感覺都幾舒適。只係黃金地段，座位間位置較狹窄，分佈都幾密麻。餐桌面積較小，一人一個套餐，都係僅僅放得落。午市供應套餐，包括沙律、主食、甜品、咖啡/茶，定價$62-78，共16款，有喇沙、湯粉、撈檬、粉絲、飯等，選擇多元，加錢可配其他特飲。呢間係馬來喇沙、海南雞飯專門店，眼見都有唔少人食呢雲款套餐，只係我同朋友就一人點左碗粉試試，喇沙、海南雞就留待下次啦。泰式生牛肉湯河粉 $62一set套餐連沙律、甜品、芽菜、椒絲以木托盤上枱，都幾精緻。河粉嘅份量頗多，牛肉有幾大片，可惜略韌椒絲冇乜辣味，湯底唔會太鹹或者太油膩，起碼食完都唔會好口渴沙律係柚子加一枚大蝦，食落都幾爽口。甜品嘅朱古力蛋糕有少少格格不入，而且都係普通來貨質素。炭燒豬頸肉撈檬粉 $62豬頸肉份量多，大概有8-9片，唔會好肥膩，而且外皮燒得幾脆口。檬粉都好大碗，有花生作配料，朋友笑言，食完都唔洗食晚飯。無骨酸辣鳳爪沙律 $68

海南雞飯一向為我的至愛，今日就試試Mee...lemongrass 的海南雞飯。除了海南雞飯，還有 和飲品 。海南雞飯不負所望，有合適的醬料，油飯香而不膩，也不會太硬；雞肉有胸有翼，但我則寧願全雞胸。這海南雞飯最大的缺點，就是份量太少，男生的話，單點一個飯的話會不夠飽。補充一點，送的湯十分咸。炭燒豬頸肉也很不錯，配合醬料，口感惹味，肉爽而不韌黐，而且還能保留肉汁。份量充足，可彌補海南雞飯的空虛。清邁牛柳配糯米飯則有點一般。牛肉不沾醬料則沒多少味道，口感一般，糯米飯就中規中舉，這個不是太差，只是性價比太低了。