多寶美食 (已結業)

多寶美食 @ 佐敦去佐敦食飯又未夠鐘…行行下見到有炸大腸…見個樣(顏色鮮豔又肥嘟嘟)...好似幾好味咁…高膽固醇都係咁話…死就死啦😏😏 落柯打…阿大哥就即刻切左5舊大腸用竹簽串住…加d豉油…加d芥辣…再加埋酸梅醬😍😍 食一啖…個皮真係好脆(雖然望落有d乾…不過食落感覺好似厚身薯片咁, 個脆唔會好硬), 不過入面都仲幾juicy...無押味…洗得幾乾淨👍。唯一係個酸梅醬淡味左，如果重味番就正。盛惠$12個大洋

二人吃小食過口癮，這裏的味道沒有變過，獨特香氣無法取代。至推介炸大腸，炸得脆，內裏充滿汁，不會炸得太乾。魚旦，超爽脆魷魚，吸味美味齋，必點辣汁，其他地方吃不到其獨有辣香。生菜魚肉味道平平，魚肉太粉。。。辣菜脯相對較辣，不嗜辣人，要慎落。

街頭小食我吃得多, 唯獨是炸豬大腸是我百吃不厭. 有些人一聽到炸大腸就耍手擰頭 , 但有些人一試就會愛吃到唔停得口. 還記得小時候喺街邊走鬼檔, 一個扁扁大大的鍋, 盛載着熱辣辣的油, 鍋邊就圍着幾條大腸. 直到現在, 其貌依然沒變. 豬大腸其實是著名的客家菜, 大腸炮製工夫煩複, 先要多次以水洗掉其異味, 再以層疊式的「套腸法」而成，風乾至少八小時才能炸出來像乳豬皮的脆. 這裡的炸大腸是把整條大腸放落油炸, 不像其他店切成幾塊, 再逐一用竹籤串起落油炸. 整條落油炸, 這樣豬大腸才能保持外脆內軟, 唔油膩, 內汁亦不會流失. 這裡的炸大腸做得不錯, 是用整條炸然後切的方式. 吃過一啖後, 其外脆內軟的口感, 咁多年來都無乜小食可以取代. 再搽一搽酸梅醬, 滋味無窮! ，

由細到大都喜愛"掃街", 可惜現在講求食物衛生, 從前屋村的小販攤檔消失得無影無蹤.於等朋友期間閒逛, 驚見失傳的炸大腸. 老闆是把整條豬腸放落油慢慢炸, 到客人order才切件, 這樣豬腸才可以外脆內軟, 唔油膩, 我落晒酸梅醬, 甜醬, 辣醬, 芥辣醬. 外皮脆似薯片, 裡面套腸無油無異味, 正正正一串5件$8, 買工夫買兒時回憶, 抵到爛.