和之幸 (已搬遷) 新店位置

大前日(9-4-2021 Fri)一team人食晚飯,book咗呢間,由老闆發辦order嘢食,有:1. 唔知咩炒蜆睇個樣辣,但唔辣兼惹味,好食.2-3.燒牛舌, 燒腩肉?夠厚,口感適中又juicy.4. 燒八爪魚爽口,鹹淡亦適中.5. 炸河蝦香口美味.6. 燒雞軟骨同樣爽口,鹹淡亦適中,我就encore 咗.7. 蘆筍豬肉卷冇乜問題.8. 雞皮餃子內裡啖啖肉,食到雞油味.9. 燒雞皮薄脆,但我唔係咁鍾意食,都係雞軟骨啱我多啲.10. 明太子沙律原本驚辣,但又係唔辣,爽口好味.11. 刺身拼盤厚切新鮮,一向唔食吞拿魚刺身嘅我,今次食,好正,冇筋又肥美.12. 燒雞泡魚乾暖暖的,軟硬適中,好味.13. 燒車厘茄正常冇問題.14. 甜蝦刺身甜蝦正常美味.15. 枝豆正常冇問題.16. 蝦天婦羅脆漿夠薄,蝦肉爽.17. 海膽OK冇問題.18. 炸芝士熱騰騰,外脆,芝士又多,口感好正.19. 芝麻雞翼好香芝麻味好脆,內裡仍juicy同滑.20. 唔知咩雞翼呢個比芝麻雞翼普通得多,建議先食呢個,後食芝麻雞翼.冇食到嘅:21.-24.燒三文魚頭,燒鯖魚,雞脾骨,劍魚刺身

之前喺IG見到有人推介呢一間餐廳話用料新鮮 就心郁郁過嚟試吓啦但係因為好少嚟呢區所以都搵咗一陣先搵到呢間鋪🤣舖頭唔算大 但坐得都算舒服😌同埋食物嘅種類唔算好多呢個油甘魚同三文魚腩新鮮好食，正正常常呢個就係炸河蝦🦐因為叫左啤酒，所以就叫咗一份嚟送酒🤣個人好鍾意呢個☺️☺️☺️細細隻，食埋啲殼，充滿鈣質🤣✌🏾呢個分別係燒牛脷同埋芝麻雞翼牛腓好食唔un😌 然後個雞翼超脆😻最後呢個就係極上牛扒丼😻牛扒唔會過熟好好食！不過如果唔食太生嘅，記得事先要講聲！同埋都係完全唔un，同朋友share一碗啱啱好🤤

和之幸店員服務超讚，細心向我哋介紹返每日廚師推介，我哋揀咗伊佐木刺身。原條伊佐木擺盤非常用心，魚肉雪白通透，每片都好清甜味道都幾似鯛魚，真係無介紹錯！另外茶漬飯鰻魚好大條，仲提供咗飯素同芝麻，最先可以一食咩都唔加品嚐肥美鰻魚滋味；二食加埋茶漬湯感受湯飯嘅清香同溫暖；最後三食可以加埋啲漬物，口感就更豐富，多樣化嘅食法就係我好愛茶漬飯嘅原因！仲值得推薦嘅有炸河蝦，炸得酥香又充滿蝦味，加上美乃滋再配埋酒就好快清完一碟！我哋仲叫咗兩碟，再嚟碟都仲得呀！而其他串燒我都覺得不錯，清酒煮蜆清酒味略重，有點搶咗蜆肉味道，鍾意清酒味嘅朋友可能就會喜歡啦。呢間店無論係氛圍、店員、食物同價錢我覺得都一流，以後一定會再encore！

去牛頭角接老公放工~唔想去商場食，因為好逼又好趕咁~想去下d街坊/工廠鋪頭食~就openrice搵到呢間好有特色嘅日式居酒屋佢位置離牛頭角地鐵站唔係好遠~行過去都好方便入到去環境比想似靚~好乾淨企理，仲有好靚嘅海型燈，打卡都不錯我同老公點左個鰻魚茶漬飯＄118，三文魚腩＄54，炸河蝦＄3x，一口芝士＄32同野菜烏冬＄38，全部質素都好高~賣相同味道絕對唔俾出面百幾蚊一道菜嘅餐廳差~仲食到好有誠意好特別嘅味道三文魚腩超厚超香超滑，鰻魚原條上，醬汁好香但唔會好杰好膩炸河蝦第一次食，送酒一流仲有，d茶水質素都好好，好飲，唔係hea底最正係呢道d店員，一入到黎問我地冷氣凍唔凍~全程都好友善，以為自己真係去左日本d居酒屋~我地食完又問我地對食物嘅意見另外，呢道上菜好快，熱辣辣~仲有，老板唔收加一，佢話情願d客人叫多個送，大家開心~好正佢話呢道岩岩開始有晚市~希望老板可以好生意，多d人來支持加油~利申唔係打手~真心推介