校長燒肉日韓料理 (西裕街)

營業中

休息中

充滿回憶既校長燒肉🥩 講起燒肉放題，細個已經食校長燒肉啦！ 貪佢食物品質穩定，又多款式揀，今次我同屋企人去，揀左B 套餐238 加一，有刺身有燒肉有火鍋甜品，好豐富好開心👏👏👏刺身方面：有牡丹蝦、3文魚、希靈魚、馬刀貝、𩶘魚、榮螺等食材，蝦要剝殼，但幾甜，馬刀貝爽口，榮螺有d 甜味，整體黎講都唔錯。壽司有：照燒鰻魚、芝士玉子、公仔造型飯團、腐皮、蟹柳、灸燒3文魚同埋卷物，好多款式。燒肉方面：因為太多款啦，我自己認為雞扒、土匪雞翼、川辣牛肉片、墨魚仔同魚柳都好食，其他丸類小甜薯都不過不失。火鍋：場內有小鍋自己揀湯底，有壽喜燒、日式豬骨同韓式辣湯底。點心、炸物： 佢既炸物真係炸得出色喎，有地瓜芋泥丸、椰汁西米丸、炸香蕉糕、麥樂雞等，可能即炸又真係好食👍👍👍點心有粉果、餃子、燒賣呀咁，都係正常發揮。飲品係自己出去揀既，有無糖可樂同無糖茶，岩哂我呢d 唔鐘意飲甜野既人，想養生仲有花茶沖🥰敏仔見到甜品櫃好開心，有多款奶凍同Jelly 揀，鐘意自己配搭既有涼粉同冰粉，仲有西米、烏龍茶凍、雜果椰果自己落，我個人喜好冰粉，口感好。總結黎講食物款式好多，食物質數係比較穩定既，而且攞食物都擺放整齊，成個用

老公放假，說好的燒肉終於可以兌現喇，難得我仲可以放早添，緊係要衝過黎校長燒肉日韓料理食個早段晚市,有埋刺身都係$158，又係我地瘋狂食嘅時候😂 肚子餓到死，快快到熟食區拎野食先，款式都幾多，有壽司刺身，沙律吧，老火靚湯，炸物，小菜，仲有點心食。 燒肉方面有海鮮魚類,各類扒,羊加豬加牛，應有盡有。我地主攻肥牛同豬腩片，滿佈肥膏嘅豬腩片用黎燒，燒晒d油出黎已經好療癒，食落肉質脆卜卜又有d軟淋淋真係好正，燒時加d黑椒同鹽做調味，非常美味。紙係無限換，燶左可以自己換；紙上烤肉就冇咁易燶，烤出黎嘅肉唔會黑蚊蚊。除左燒肉我地仲拎左個湯黎烚菜同菇類，生菜好鮮嫰，而d冬菇仲好有心機地花👍👍整體食物都新鮮，而且refill都好快 三文魚刺身都算色澤鮮明呈橙紅色，每件厚身肥美，脂肪紋分佈鮮明，而且肉質堅挺。每次只可拎三片，幫老公拎埋，就要走多幾轉，但為左食，我係唔會怕辛苦嘅😏 飲品同甜品種類都有好多款，仲有雪糕櫃，雖然只係雀巢雪糕，但對於冇得食甜嘅我黎講，都已經係奢侈品。好彩飲品櫃有大量嘅無糖茶，滿足我地2口子喔～

好耐無出街食飯啦！襯住週末同屋企人一齊行下千色，之後黎到依間係附近既餐廳：校長燒肉。雖然個名叫燒肉，但佢完全跳出左一般韓燒既框框! 我覺得我係食緊一個燒肉主題既buffet多啲 🤣🤣 疫情關係，一入門口已經會有人消毒你雙手，入座前都會幫你探熱，等大家都食得安心! 座位既間隔本身已經好闊落，依家只准坐一半人就更加有自己空間，同埋即使係食燒肉都唔會好大油煙味呀～食物既選擇非常多，一入門口會見到約三米長既雪櫃陣先，有多種飲料供應，連酒類都有呀！另外仲一個好用心既花茶區，女士們應該會幾中意 🤭 揀完飲品之後係壽司刺身區，刺身一啲都唔馬虎會有個專人拎比你，我食左兩轉刺身 😋😋 三文魚好肥美，帶子細細隻但好鮮甜，仲有大大隻既蝦添! 壽司方面我特別中意火灸三文魚同蟹柳壽司 ☺️ 卷物都好多款 其中芝士炸蝦個個一定要食! 勁好食 😋😋 前菜仲未完喔! 另一邊有個細細既沙律區，菜沙律、蘋果沙律、薯仔沙律同各式醬料都算應有盡有，大家記住理性進食 🤣 點都要留肚食啲菜呀! 仲有啲細細碟好精緻既前菜：講左咁耐，終於黎到主菜：燒肉個肉! 依度張食物枱個長度真係嚇死人，無盡咁多款肉類比你揀，淨係雞翼已經有三款不同口