影片
更多
2020-04-24
1076 瀏覽
好耐無出街食飯啦！襯住週末同屋企人一齊行下千色，之後黎到依間係附近既餐廳：校長燒肉。雖然個名叫燒肉，但佢完全跳出左一般韓燒既框框! 我覺得我係食緊一個燒肉主題既buffet多啲 🤣🤣 疫情關係，一入門口已經會有人消毒你雙手，入座前都會幫你探熱，等大家都食得安心! 座位既間隔本身已經好闊落，依家只准坐一半人就更加有自己空間，同埋即使係食燒肉都唔會好大油煙味呀～食物既選擇非常多，一入門口會見到約三米長既雪櫃陣先，有多種飲料供應，連酒類都有呀！另外仲一個好用心既花茶區，女士們應該會幾中意 🤭 揀完飲品之後係壽司刺身區，刺身一啲都唔馬虎會有個專人拎比你，我食左兩轉刺身 😋😋 三文魚好肥美，帶子細細隻但好鮮甜，仲有大大隻既蝦添! 壽司方面我特別中意火灸三文魚同蟹柳壽司 ☺️ 卷物都好多款 其中芝士炸蝦個個一定要食! 勁好食 😋😋 前菜仲未完喔! 另一邊有個細細既沙律區，菜沙律、蘋果沙律、薯仔沙律同各式醬料都算應有盡有，大家記住理性進食 🤣 點都要留肚食啲菜呀! 仲有啲細細碟好精緻既前菜：講左咁耐，終於黎到主菜：燒肉個肉! 依度張食物枱個長度真係嚇死人，無盡咁多款肉類比你揀，淨係雞翼已經有三款不同口
疫情關係，一入門口已經會有人消毒你雙手，入座前都會幫你探熱，等大家都食得安心! 座位既間隔本身已經好闊落，依家只准坐一半人就更加有自己空間，同埋即使係食燒肉都唔會好大油煙味呀～
食物既選擇非常多，一入門口會見到約三米長既雪櫃陣先，有多種飲料供應，連酒類都有呀！另外仲一個好用心既花茶區，女士們應該會幾中意 🤭
飲品
76 瀏覽
0 讚好
0 留言
飲品
72 瀏覽
0 讚好
0 留言
飲品
56 瀏覽
0 讚好
0 留言
飲品
179 瀏覽
0 讚好
0 留言
揀完飲品之後係壽司刺身區，刺身一啲都唔馬虎會有個專人拎比你，我食左兩轉刺身 😋😋 三文魚好肥美，帶子細細隻但好鮮甜，仲有大大隻既蝦添! 壽司方面我特別中意火灸三文魚同蟹柳壽司 ☺️ 卷物都好多款 其中芝士炸蝦個個一定要食! 勁好食 😋😋
壽司
164 瀏覽
0 讚好
0 留言
壽司
170 瀏覽
1 讚好
0 留言
刺身
168 瀏覽
0 讚好
0 留言
前菜仲未完喔! 另一邊有個細細既沙律區，菜沙律、蘋果沙律、薯仔沙律同各式醬料都算應有盡有，大家記住理性進食 🤣 點都要留肚食啲菜呀!
salad
118 瀏覽
0 讚好
0 留言
仲有啲細細碟好精緻既前菜：
前菜
96 瀏覽
0 讚好
0 留言
前菜
104 瀏覽
0 讚好
0 留言
講左咁耐，終於黎到主菜：燒肉個肉! 依度張食物枱個長度真係嚇死人，無盡咁多款肉類比你揀，淨係雞翼已經有三款不同口味。我特別欣賞其中有啲肉類係無調味，例如牛仔骨個啲，燒既時候先用枱面既調味料自己DIY，一方面肉質會靚啲又可以自己控制翻個濃淡，輕口味既人都可以輕易搵到自己想食既野呀～
肉類
99 瀏覽
0 讚好
0 留言
肉類
85 瀏覽
0 讚好
0 留言
仲有各式醬料:
另外生野仲有幾款火鍋料(蟹柳，魚蛋，獅子狗等等) 同菜既選擇，可以揀翻自己中意既湯底先，烚翻啲菜食下，烚完醫好左自己既罪疚感之後再衝出去食肉呀 🤣🤣
Vegetables
68 瀏覽
0 讚好
0 留言
如果大家個肚仲有位仲未滿足 🥴 依度仲會提供幾款點心，我去既當晚就見到燒賣同粉果。旁邊仲會用熱水座住啲溫泉蛋! 出乎意料既好食 唔好錯過 😝
同場加映幾種熱食，主要係一啲炒菜同蒸魚，胃口所限我只係食左蒸魚，完全唔腥好好食喎 😯😯
自助餐不能少的炸物依度都有，同行妹妹勁中意食炸野，話好鬆脆好食，出色!
炸物
78 瀏覽
0 讚好
0 留言
最後最後終於黎到甜品時間 ☺️ 選擇困難症者慎入!! 因為又係好多款! 由雪糕櫃開始講起，除左雪糕仲有啲冰既水果，食完燒肉可以fresh一下。
甜品
86 瀏覽
0 讚好
0 留言
旁邊甜品櫃有多款甜品，份量每樣少少地，咁就可以試多啲款啦! 淨係奶凍都有n種味，特別推介芒果布甸，有細個去酒樓既個種味道! 非常滿足呀 🤭🤭
甜品
104 瀏覽
0 讚好
0 留言
奶凍 芒果布甸
128 瀏覽
0 讚好
0 留言
總括而言，依個晚餐環境同食物都好高質，週末都只係$240就可以同朋友一齊飲飽食醉 🥰 推介!
張貼
