韓 炸雞 & 小食

營業中

休息中

韓國除咗部隊鍋、紫菜包飯、炸醬麵之外，當然不得不提街頭小吃。呢間小店提供唔同款式嘅炸物🍤係未有假期去個旅行，就可以嚟呢到頂頂癮😍💗Set Menu 1 ($65)🐥無骨炸雞(S)：炸漿夠哂薄，外層脆卜卜，雞肉口感豐厚彈牙，帶有脂肪位所以有少少肥膩，但肉質嫩滑多汁，唔會有雪味。原味雞粒唔會唔夠鹹，已經灑咗辣粉添加微辣，可以再點茄汁更惹味🍅🍢雞糕雞糕串：無骨炸雞淋上一層濃稠嘅韓式甜辣醬汁🌶食落更加juicy，中和油膩感外仲開胃咗。配埋韓國年糕條相隔，食落十分煙韌但唔黐牙  ，外皮仲有層酥脆口感。面頭灑上杏仁脆片，令整體更加豐富。🥤可樂💗炸紫菜粉絲卷($28/4件)用紫菜包住滿滿嘅粉絲條，帶少量紅蘿蔔粒🥕內裡口感軟淋，不過調味相對較淡。再炸到香脆可口，有雙重口感，最抵讚係冇索哂油。💗炸餃子($22/2件)將餃子炸到金黃脆口，餡料包括有豬肉碎、粉絲同蔥花，都算脹卜卜。味道鮮美，唔會係一般雪藏貨🥟

依家疫情嚴重 連街都岀少左😣真係好耐先見到男神💜一次😭😭今日難得岀黎拍下拖佢就帶左我去K11 Musea行街街行到有啲肚餓就決定去商場最底層既food court覓食😆經過見到一間韓式炸雞店😍HAN Chicken & Snack不論係食物既賣相 定係價錢都非常吸引就一於試下佢啦😍😍Set 3果醬雞、無骨炸雞、炸薯條🍟、兩杯可樂$118我地最鐘意食佢既果醬雞😋😋雞肉肉質嫩滑 配上酸酸甜甜既醬汁面頭仲加左啲杏行碎片完美既配搭 口感豐富😆無骨炸雞佢地係即叫即炸吾似一般快餐店 一早炸好放定係到所有炸雞都做到外脆內嫩😋炸紫菜粉絲卷 $28/4件呢個係岀面真係好少食到🙈佢係用炸過既紫菜包住滿滿既粉絲炸得香脆可口 但吾會太油完全做到外脆內軟口感非常豐富🙈圈⭕️推薦呢個 必食呀🤣🤣🤣係香港竟然可以食到啲平靚正既傳統韓國菜真係好難得架🙈雖然呢間餐廳係以快餐形式銷售但係老闆都好親力親為好細心咁為我地一一介紹主打既小食👍🏻👍🏻下次經過尖沙咀一定會買番屋企同屋企人一齊品嚐下😋😋👍🏻地址：尖沙咀梳士巴利道18號Victoria Dockside K11 Musea B2樓B201-9-10號舖P.S:係商場B2

今次又同朋友黎K11 Musea行街，行到攰攰地又有啲肚餓，所以就去左地下果層睇下有咩小食可以食下，見到呢間韓國炸雞好似唔錯，所以就試試！炸雞即叫即炸，而且也有套餐可以選擇！點餐後店員會給予取餐機等候，不用企在店面前等！Set 2，這個套餐包括有雞翼和雞腿各2隻、細薯條和汽水！炸雞唔會太厚粉，炸得乾身，唔會好油，所以唔會有種好油膩的感覺！炸雞肉質嫩滑又juicy！而薯條雖然話係細薯條，但份量都好多，薯條外脆內軟，好有口感！薯條還可以點上附有的酸甜醬或芥末醬，令薯條和炸雞更惹味！而汽水是罐裝可樂，夠凍又夠氣！炸紫菜粉絲卷，這款粉絲卷外面很脆，內裡有滿滿的粉絲，口感豐富！雞糕雞糕串，這款串串用了炸雞肉粒和炸年糕，年糕煙煙韌韌，炸雞粒唔會炸到好乾，幾juicy！估唔到這裡的炸雞咁好味，有機會一定會再食！