茶屋町 (長沙灣道) (已結業)

上次經過附近見到呢間餐廳裝修幾有特色望落都有唔少食客幫襯，就加入左我願望清單～果然無令我失望呢！落單用QR code好方便，可以慢慢揀～見到隔離兩枱食客都食緊蒲燒鰻魚烏冬，賣相好吸引！立即落單！鰻魚好大件，肉質香軟得來有咬口，做到外脆內軟！醬汁唔會太甜，好岩我口味，讚！烏冬發揮正常，唔會煮得太淋，維持到彈牙口感～鰹魚湯底偏淡，無搶到鰻魚既風頭，兩者味道都好夾！朋友點左期間限定既蟹膏三文魚籽丼，蟹膏、蟹肉同三文魚籽份量都好多，拌飯食每啖口感都好豐富！尤其係蟹膏夠濃滑！二人份食完兩個主食已經好飽，但都忍唔住追加左炸紫薯餅～紫薯蓉甜度剛剛好，亦夠綿滑，配埋栗子粒粒好好咬口，整體香脆得來又唔會太油膩。好有日式風味，推介！飲品點左宇治金時，甜度適中，抹茶甘味好突出，無比奶溝淡，唔錯！最後，店員亦值得一讚，有禮貌，笑容親切！大滿足既一餐～

到深水埗配畫框，完成好安心揾食肆。選擇吃日式料理，在「茶屋町」午膳。小食：明太子雞翼與炸紫薯餅。主食：汁燒雞扒烏冬 追加配菜鳴門卷與烏冬。甜品：抹茶千層糕。明太子雞翼~~雞翼釀有豬肉碎及明太子魚子，令香烤雞翼味道層次更豐富！炸紫薯餅~~很喜歡這款紫薯餅，香脆可口，紫薯饀香軟綿糯，清甜不膩。汁燒雞扒湯烏冬~~木魚絲與紫菜絲提升我味覺與視覺的享受，雞扒是蛋白質高、脂肪低的雞胸肉，$15追加配湯烏冬是物超所值，再追加配$6的鳴門卷，十分美味、豐富。我看餐牌發覺抹茶甜品類別頗多，相信抹茶甜品是主打，我們楝抹茶千層糕分享，抹茶千層糕夾有很幼滑紅豆蓉，與抹茶十分配合！美少女侍應親切有禮，值得一讚！