土炮懷舊特飲 (已結業)

華都商場是青年人的集散地，表面上看跟一般舊式商場無異，卻有着林林總總的特色小店，時裝店、文具店、美甲店林立，平價小食店亦愈開愈多，甚至連商場也順應潮流，發展得儼如小食街一樣。為吸引年青人們的注視，這些小食店都很有個人特色，或是以平價美食作為招來。像主打港式小食的土炮、各式豬雜麵的習大大、廉價西餐廳utf8等等。土炮懷舊特飲顧名思義就是走港式、地道的走向， 也不獨只賣懷舊特飲，還有不少港式懷舊小食，定能喚起不少港人兒時的回憶。選紅白藍作為店面主色旗幟相當鮮明，但始終是小店一家，惟有在陳設、餐牌上花心思，舊式日曆、古董打字機以外，餐牌選擇更能體現店風的走向，小食飲品徹頭徹尾是港式懷舊之作，雪糕紅豆冰、涼粉綠豆冰、山渣話梅冰、黑牛、白牛、蝦醬雞翼、炸蜜瓜奶、炸饅頭......定能喚醒食客潛藏多年的，兒時的美食記憶來。兒時記憶太多，可惜胃納太小，點一份炸蜜瓜奶($20)就好。店員說要等上十分鐘，這一說真會讓不少食客打退堂鼓。看着店員確是即叫即炸，但說到要用上十分鐘是太誇張了吧，才不過是三件小小的炸蜜瓜奶而已。 炸蜜瓜奶是即炸的關係，外層的炸皮薄薄的很脆口， 陽光蜜瓜豆奶的味道是再熟悉不過了，特

呢個商場好多平民掃街小店，非常適合長期糧尾嘅我嚟填肚。見到好多屯門友都讚過土炮個炸蜜瓜奶，就慕名而來。$20有3粒，熱辣辣炸起，炸粉唔會太厚，個涵好重蜜瓜奶味，又唔會似普通炸奶咁過甜，最緊要係冇一放入口就散，而係淋得黎又可以喺口入面妹下妹下，一個人食三粒啱啱好！本身想叫埋佢啲特飲，不過又唔想飲凍飲，等下次先。最後口痕，叫多個炸菇拼盤，有齊三種菇，呢個就等左15分鐘喇，但值得嘅，好似台灣夜市啲杏鮑菇嘅調味，不過金菇炸完真係太過油喇。

唔單止嘢食懷舊，佢哋連張餐單都一樣咁懷舊啊！炸蜜瓜奶即叫即整，超級新鮮而且熱辣辣。炸蜜瓜奶外脆內軟，而且唔會話好厚粉，只係薄薄嘅一浸。另外佢哋中間蜜瓜奶嘅部份亦都好好味，蜜瓜奶味香而甜度亦唔係太重。雖然一杯只有3舊，分量有啲少，但每舊炸蜜瓜奶都幾大舊下，小編認為性價比都幾高。而且呢啲懷舊嘅食物真係買少見少，有時口痕買來食下都唔錯架！椰汁紫米露就食得多，椰汁紫米冰就真係第一次聽啦！椰汁味好香但個人應為就有少少偏甜，不過好彩成個攪勻晒一齊之後，甜度就稍為降低少少。另外裏面亦都有超級多嘅紫米喺度，足料到爆炸呀！但係小編超級嚴重建議佢哋可以落多少少冰，因為杯野完全飲落去完全係室溫。一攞到上手嗰陣炸嘢食咪已經深深咁吸引着小編，味道上亦十分惹味，而且雞翼亦十分juicy。小編生平以來都係第一次見到蝦醬雞翼，今次真係完完全全俾佢吸引住。佢哋嘅雞翼本身都醃得好入味。不過唯一一個美中不足嘅就係隻雞翼太細隻啦！