真心泰國菜館 (已結業)

今日放假同朋友周圍搵嘢食， 意外地喺朗豪坊隔離見到呢間泰國菜館， 所以就走咗去試下， 竟然好有驚喜。生牛肉湯河湯底香濃， 牛肉嫩滑，最緊要係食完唔會覺得口渴， 如果想要多啲蒜頭，可以同待應講， 佢哋非常親切。手撕雞湯河之前都會擔心d雞肉會唔夠嫩滑，黎到時好有驚喜， 雞肉又嫩河粉又滑， 仲有好多炸蒜片，令我非常滿足。燒豬頸肉外脆內嫩，非常juicy，一份唔夠我地3個分，食完仲想加多1碟， 豬頸肉同魚露， 真係天作之合。炸蝦餅屬必食之選， 外脆又夠厚身啖啖蝦肉， 最緊要係新鮮熱辣， 無可抗拒。紅棗茶一般情況我好少會叫紅棗茶飲，但跟餐只係加5蚊，值得一試，不會太甜，濃度適中。下次出開旺角，一定會試埋其他食物。

剛剛食完 LUNCH, 寫下食評先...今日與同事出去食飯.... 同行的還有一位PAKISTAN 人士由於信仰關係, 好多中國菜都唔適合佢食所以我地就同佢去食 THAI FOOD 啦 ~呢間鋪頭細細地, 不過都幾多人去食喎!地方又夠乾淨企理 ~我地一行5人, 叫左2飯1河粉1小食1沙拉香芒蟹肉炒飯($38-40, 唔 SURE 個價錢)---巴籍人士食既, 我都冇問佢好唔好食, 不過份量都幾多喎濕炒海鮮河($38-40)--- 呢個菜比較好, 河粉就好似少左d, 但d河粉真係好滑, 不過濕炒真係濕炒, d 汁超多香辣海鮮炒飯 ($38-40)-- 超正, 好夠辣啊 !! 通常d辣野離遠已經聞到一陣辣味, 但呢個炒飯食落口先知夠哂辣, 但 .... 辣得好過癮啊 , 怕辣o既就唔好叫啦 !! 因為冇原味提供炸蝦餅($31)--- 新鮮熱辣, 同出面食o既差唔多, 其實冇咩特別, 不過食炸蝦餅都係想食熱辣辣架啫, 呢個我比80分 ~秘製泰式香煎倉魚 SALAD($85)--- 個WAITRESS 拎盤SALAD過黎真係嚇左一跳 !! 我未見過沙拉油可以咁大盤... 成座山咁高啊 XD