Thai Basil (已搬遷) 新店位置

肥姑姐飲食推介 - 炸蝦餅Thai BasilAdd.: Shop 001, LG1/F, Pacific Place, 88 Queensway, Admiralty地址：香港金鐘金鐘道88號太古廣場一期LG1層001號舖Tel.: 253746821）環境衛生今次係肥姑姐第二次去Thai Basil食野，雖然餐廳對比起幾年前已經開始有少少陳舊，但仍然坐得舒服，而且環境非常非常寬敞，枱與枱的距離超闊。另外位處於太古廣場通往地鐵站的出口，所以非常便利，如果想食泰國菜，又想坐得舒服d，就要去Thai Basil了。2）食物質數今次食呢個炸蝦餅又係我食過最好食嘅炸蝦餅，最基本嘅係即叫即炸，每個蝦餅大大嚿用料足。而我覺得好食之處，就係佢啲蝦肉唔係全部搞爛晒，每一啖仲係食到一粒粒嘅蝦，重要啲蝦係非常彈牙，好明顯依家餐廳的蝦餅唔係現成交嚟嘅，而係餐廳自己整嘅。非常推介俾大家嚟到Thai Basil一定要點依個食物。3）價格HK$50(另收加一服務費）4）再惠顧指數👉🏻非常推薦大家去Thai Basil 一試佢的炸蝦餅。        

今日嚟到金鐘搵嘢食去咗一間喺太古廣場嘅泰國餐廳叫Thai Basil。好奇怪呢間餐廳係冇椰青飲的但係佢會用椰水做甜品。 話雖如此佢哋杯香茅特飲亦都唔錯， 可以一試。佢哋嘅泰國串燒，菠蘿和帶子好味。 菠蘿好甜，帶子新鮮。但係其他就一般尤其係隻大蝦可以唔食。佢哋個菠蘿炒飯雖然唔係原隻菠蘿上但係味道非常好味。 用嘅米係粗米好有噍口，加上有我最喜愛嘅串燒菠蘿，正!個田雞沙律就有點失望啦! 雖然田雞肉質還算好但係啲醬汁太過酸了。炸蝦餅口感唔錯但係欠缺蝦味。。最有驚喜嘅就係佢地的泰式燒鱔， 不但皮脆肉嫩，仲係彈口嘅。 我食完仲想再點多一碟。但係怕食唔曬所以冇。 下次過嚟一定要再食，必食!至於個甜品可以唔使食! 佢哋嘅香蕉糕真係好韌同埋佢哋嘅椰汁糕好似食大菜糕冇乜特別。大致上嚟講呢間係值得再嚟食嘅地方， 地點又方便一出地鐵站就見到啦，值得再嚟。