大吉居酒屋 (已結業)

大吉可以預先book位， 我今次去前有book定，去到個到唔洗等位即刻入得。講下呢到既食物先，大吉提供既刺生款式略嫌太少，如果想食鮑魚片﹑象拔蚌呢類刺生需要叫壽司先有，不過啲刺生勝在都幾新鮮，味道同色澤都唔差。但我想提一提個象拔蚌刺生，啲象拔蚌片切得太厚，食落有啲韌，有啲難嚼動。另外，哩到既炸物就差少少喇，天婦羅同炸帶子面頭既炸粉唔夠脆，食落口感有啲韌；天婦羅面頭個層亦太油膩，食兩條已經覺滯。不過炸蠔大家就可以試試喇，佢同其他炸物完全唔同，脆好多，食落又唔太油，最重要係唔腥，值得一試。呢個係凍豆腐，佢將煮好既豆腐雪凍，再淋啲麻醬，食落凍凍地，帶少少酸，味道唔錯，幾特別。而哩到既雞軟骨串就唔似平時食開既雞軟骨，佢啖啖肉，中間夾雜少量雞軟骨，感覺似食緊司華力腸多過雞軟骨。係服務方面，出餐速食幾快，大部分食物係落單10-15分鐘內已經有得食；另外侍應既態度同禮貌都唔錯。其他食物圖片:

朋友們話太多粉唔係咁好食~不斷係咁點刺身~其中希靈魚點得最多~朋友話好好食~但唔知道點解我覺得好d 似食咸魚~枝豆好好味~朋友們話d鰻魚好似食象膠咁~哈哈……因為我無食所以唔知道~燒菠蘿好味道~芝士鰻魚卷我無食過~朋友們話ok啦~壽司一般般芝麻雞翼好味道~熱辣辣~和牛粒, 幾好食~和牛串, 多粒蕃茄~唔多好~焗蠔, 唔好食~