碗屋 (已結業)

今次係第三次到碗屋，每次都非常期待！無論食物、環境同服務都令我好滿意。以前都會去食其他餐廳食放題，但係好多都會有限時，加上會有漏單嘅情況，所以就會食得非常之急。碗屋就唔會有呢個情況，無限時可以慢慢食，亦都唔會漏單，加上侍應都會好耐心咁解釋不同菜色嘅內容。講到服務，由打電話booking、到餐廳門口、落單、加茶都100分！無任何一間放題可以做到。首要推介絕對係刺身，每一件都切得好厚，絕對唔會粗製濫造，每次都會叫幾Round。另外一個要推介嘅就係炸物，炸得非常之新鮮，熱辣辣咁樣拎到嚟你枱面。個人首選就係炸蠔。Menu 都有幾十款野食，可以請每一野都Feel 到有心煮俾客人食，呢個亦係我回頭再幫襯嘅原因。今次都係由6點食到10點，非常滿足的一餐。

食過幾次又想再嚟食，碗屋係無限時日本放題，食物高質，服務招待都很好，點菜都係店員埋嚟同你落單，而且仲會耐心介紹，唔會有吹你走嘅感覺，同朋友嚟食好盡情盡興。餐廳裝修係舊日式風格，多人嘅話都可以訂榻榻米房間。不過呢度好難book位，經常都full booking，我今次訂位都係得返bar枱位置，唔理咁多照食。#刺身拼盤一開始重頭戲有一大盤刺身，每人可以選一款頭盤，我哋揀咗龍蝦刺身，肉質新鮮。最鍾意連殼原隻赤貝，肉厚彈牙，唔係好多放題可以食到。三文魚、油金魚、吞拿魚厚切肥美。帆立貝、甜蝦鮮甜，仲有海螺及北寄貝，刺身有11款無限提供。#炸蠔外面脆漿鬆脆，咬開裡面蠔熱辣辣，肥美juicy。#鐵板厚燒牛柳厚切牛柳燒得剛好，唔會太熟，肉嫩有肉汁，牛味燶，配炸蒜片食更好味。#銀鱈魚西京燒銀鱈魚屬於重油分嘅魚，以西京漬醃魚肉，燒好後表面金黃，魚油好香，魚肉帶點淡淡的甘甜味，出面好少放題可以任食銀鱈魚。#炸軟殼蟹表面炸得酥香，裡面仍然保持蟹肉口感，蟹肉和外層軟殼在口中層次分明。#火炙左口魚鰭邊壽司左口魚本身魚油濃郁，上面配以生洋蔥絲及蘿蔔蓉，經火焰一下後令魚油香更加提升，飯唔大舊。#天婦羅蝦即叫即炸，天婦

鄙人的另一個「私藏」。認識《碗屋》已是店子仍在新世界大廈的時代；那時仍未開始「開飯之旅」。稱她為城中日本放題的元祖，誠然當之無愧。後來某年某日，到其「新址」同一幢大廈的另一家日本料理時，重遇了她。喜歡這裡有個室可以安排，四位來用餐就可享有較私人的空間，所以很多個重要日子，都是在此渡過。今天，友伴和我，又來這裡慶生了。若以食品款式來衡量性價比，整個Menu連甜點也不過「70品」，燒肉放題動輒過百。箇中原因是疫情關係，原本有的しゃぶしゃぶ部分被抽走了，一下子少了10品以上。其實幾多品都好，合您意的「上品」有多少，才是關鍵！這晚，六時入席，預備好與好友邊吃邊談，享受一個夜晚。店員先為我們每人一份的海の幸落單：今晚有生蠔、磯煮鮑魚、和二人「些牙」一份的龍蝦刺身，另外為我們打點刺身拼盤。咦，海の幸不是有三個選擇嗎？人數又不是不夠 (雖則只有三位)，怎麼只點兩款？原因是店員交帶了不用點龍蝦，答案在下圖找。刺身船，實在不是甚麼稀奇事，日本放題甚至火鍋任食都會贈送，而且成艘船咁大的都有；但乾冰煙霧散去後，看到、嚐到的是甚麼，才是真實。當然，在此上面看見的，除了店方的食材質素，還有一份這些年來風雨同路的