老街 (西洋菜南街)

營業中

休息中

記得上次同媽媽去食呢間台灣嘢，覺得味道唔錯。今日放工同同事行完街諗緊食乜嘢嗰陣，諗起呢間嘢，所以帶咗我同事去試一試。去到門口不用等位，我們四個人便入了席。攞住個餐牌都好多菜色揀， 各人叫咗一碗麵，我和同事比較鐘情台灣米粉，所以都加錢轉米粉。另外還點了四個小菜，因為平時好少幾伙子出街吃東西，今天難得有四個人，當然盡情地叫多幾碟嘢。小菜分別點了：豬手，青瓜，矮瓜，炸豆腐拼鹽酥雞。豬手好味，‘林’身不太咸，青瓜好清香又夠味，矮瓜的漿汁好惹味開胃，台灣炸豆腐基本上無得輸，好滑，鹽酥雞鬆脆不油好香口。我點的凍檸茶比茶記的好飲好多。😋😋

係好耐之前曾經係女人街食過呢間台灣餐廳，最近行開太子見到餐廳係太子開左分店，所以入左去試下。我話的，食台灣野點可以唔叫牛肉麵呢？餐廳的牛肉麵有牛肉、牛腩牛筋、花枝丸牛肉、滿漢大塊(即咩都有)可以選擇。如果唔想食麵，仲可以加$3轉新竹米粉。今次我們叫的係紅燒牛腩牛筋麵。湯麵份量適中，share黎食再加小食就非常perfect。麵都煮得剛剛好，唔太淋都唔太硬。牛腩味道幾入味，仲唔會太肥。另外，我們個仲叫左份五味小茄子，個酸甜汁辣辣地好開胃。上面加埋大量的木魚片，真係幾香。另外，我們仲叫左份炸豆腐拼鹽酥雞。炸得金黃的豆腐及雞球唔會太乾。豆腐口感滑溜、雞肉都算嫩。由於我們有兩個人，估計胃容量可以放多一小碗飯。所以我們就叫左一碗小的台灣滷肉飯。如果你將呢碗滷肉飯當正餐的，建議叫返大碗的。滷肉比想像中少，不過聞落都幾香。餐廳的滷肉唔係用肉塊，而係用肉粒，加埋入曬味的洋蔥，口感及味道加倍。食台灣野，一定會飲返杯台式飲品。選擇唔算特別多，不過基本要飲的野都可以揾到。左邊呢杯係桂花冰梅汁，右邊個杯係洛神花茶。我們特意叫D酸酸地的飲品去消下滯。

色彩鮮豔既餐牌，有蕃茄湯麵、麻辣湯麵仲有招牌牛肉湯麵，野食款式實在太多一入去已經見到霸氣既招牌同充滿懷舊氣息！珍珠奶茶茶味濃郁，不過珍珠可能未煮透，所以咬落去個心度嘅時候有D 硬。滿漢大塊牛肉乾拌面材料十足，而且每款材料味道都好出色，特別係牛腩，食一D 都唔鞋，而且仲帶有少少牛筋同埋脂肪TIM麻辣牛筋牛腩面嘅重點係個麻辣湯底，一上枱已經聞到陣陣嘅麻香味飄過黎，食落就更加不得了，因為麻辣可以令到牛腩嘅味道更加突出，面亦都更加惹味。炸豆腐併鹽酥雞--- 炸豆腐外脆內滑，唔會炸到乾”爭爭”，加埋豆腐上嘅汁一齊食一流；鹽酥雞份量比想像中多而且大粒，咬落去仲啖啖肉TIM酥炸花枝丸夠彈牙，咬開之後仲見到一粒粒嘅魷魚TIM，不過份量就比較少，得4粒。最後食返條菜清下腸胃先整體黎講以呢個價錢可以喺旺角食到呢個質素算係合理嘅

今日放咗工就同同事黎到太子，好耐無食台灣菜，今日終於有機會啦！這間位於太子的老街，地方都幾大、舒服坐位、光線明亮又有特別籠形的燈飾、設計懷舊又簡單！台灣歌播放著，增添如在台灣的感覺我們叫了紅燒牛肉麵、蒜香豬軟骨便當、台式炸豆腐拼鹽酥雞、滷味切豬耳紅燒牛肉真係好香好軟好滑，有少少牛筋的，一層一層；麵條好有口感，份量多又大；有青綠蔬菜，健康爽脆；湯汁好香不會咸，濃郁美味蒜香豬軟骨好有口感又軟軟的肉質，好多塊；配上爽爽的蘿蔔乾、半隻滷蛋、健康香甜粟米鹽酥雞好多塊，大大粒，好多雞肉、不油膩皮不太厚又不會太燶，好香酥又啖啖肉炸豆腐外脆內軟，外皮好薄，好香又熱辣辣，配上甜甜辣辣的醬汁，好夾又大塊滷味切豬耳好爽脆，好香好有口感又好入味配上芝麻香味，正跟餐加$12可配特飲，熱芋香奶茶及凍荔枝QQ紅茶。芋香奶茶好香好滑又不會太甜、芋香味濃；荔枝QQ紅茶有口感，有好多珍珠及QQ粒粒，荔枝紅茶也是不太甜而且夠凍！

前陣子去完台灣玩左轉, 番到黎香港始終都對台灣美食念念不忘, 上網 Search Search 台式食店, 大多數都係大集團經營, 終於都搵到呢間擬似新開嘅小店, 一於就去試下｡餐廳唔算好大, 但座位都幾多｡ 店內裝修都好特別,  牆上貼滿懷舊台式產品 Posters 望望餐牌, 俾佢封面碗牛肉麵吸引住 價錢算合理, 食物款式非常多｡紅燒牛肉麵湯底有淡淡嘅牛肉香, 味道雖然唔係好濃, 但勝在夠清, 應該係冇落味精 個麵嘅軟硬度煮得啱啱好, 好有咬口｡ 牛肉已經炆到非常淋身, 牛味好重 炸豆腐拼鹽酥雞食台式食物又點可以唔叫鹽酥雞呢 鹽酥雞細細粒, 炸到夠算脆身香口, 雞肉唔會好乾 炸豆腐外脆內滑, 配上少少甜酸汁一齊食, 非常匹配｡五味小茄子茄子面頭放左大量木魚碎, 連埋醬汁 & 木魚食, 味道都幾特別, 而且好開胃 珍珠奶茶跟餐 +$13 , 珍珠微 Q 彈, 冇咩黑糖味｡ 奶茶偏重奶味, 如果茶味再濃厚 D 會更好