影片
更多
2018-07-06
1028 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！講起米線，自從譚仔同三哥入侵香港之後，先知原來米線受歡迎程度係比得上白飯，而店名標榜「雲南」二字嘅，同係彌敦道大叫家欣一樣，隨時一百幾十人應你…喂，大哥，你知唔知雲南米線咩味道架？Sorry我未去過雲南所以都唔好問我…當佢係一碗普通米線食就算。因為聽聞呢間舖都要排隊嘅，所以我就揀左平日四五點去幫襯入到去就見到餐牌大大個，唔怕你老花，最怕你發雞盲舖面細細，大約坐到廿零個客，由於四五點無乜客，環境闊落舒服。做左功課，我係衝住黃膳同腩肉而來的，叫完野食諗住+$7跟餐整杯COT，Sorry原來呢度唔興譚仔個套，檯面有茶自己斟。我頓時覺得呢間野有性格。眾所9知，最賺錢梗係酒水架啦，你間野仲要係食米線嘅，你明唔明啲米線熱到辣得熟喉嚨之際her一加侖COT嘅快感？你竟
講起米線，自從譚仔同三哥入侵香港之後，先知原來米線受歡迎程度係比得上白飯，而店名標榜「雲南」二字嘅，同係彌敦道大叫家欣一樣，隨時一百幾十人應你…喂，大哥，你知唔知雲南米線咩味道架？Sorry我未去過雲南所以都唔好問我…當佢係一碗普通米線食就算。
因為聽聞呢間舖都要排隊嘅，所以我就揀左平日四五點去幫襯
入到去就見到餐牌大大個，唔怕你老花，最怕你發雞盲
舖面細細，大約坐到廿零個客，由於四五點無乜客，環境闊落舒服。做左功課，我係衝住黃膳同腩肉而來的，叫完野食諗住+$7跟餐整杯COT，Sorry原來呢度唔興譚仔個套，檯面有茶自己斟。我頓時覺得呢間野有性格。眾所9知，最賺錢梗係酒水架啦，你間野仲要係食米線嘅，你明唔明啲米線熱到辣得熟喉嚨之際her一加侖COT嘅快感？你竟然唔賣野飲？都算啦…你竟然得熱茶？不過人就係咁賤，越有性格你就越鐘意…死死地氣斟杯茶慢慢等食。值得一提當時姐姐們食飯時間，都好有耐性咁同我落單，親切有禮抵讚
等左七分二十八秒，我碗米線到了，隆重介紹，炸醬黃膳腩肉米線。賣相吸引，我半夜打食評都一路睇相一路流口水，除左個三樣餸，配菜仲有韭菜同蔥，都係個句，呢度唔係譚仔，無芽菜同腐皮。
炸醬：鹹香、微辣、杰身，好食過譚仔
黃膳(連帶豬皮)：本身個汁好惹味，有椒香，黃膳新鮮爽脆，鹹香入味，豬皮黃膳切成條狀，方便連同米線一同送進我口
腩片：爽口，唔會話好肥，厚薄適中
米線：爽身不易斷 (如果問我食得慢啲米線會唔會變淋我就唔知，因為我係食得超快個類人)
湯頭：鮮濃，我特登飲哂碗湯測試有無味精，我肯定係有不過好少好少，無話成晚起身狂灌水
味道黎講，可能係新鮮感啦，無譚仔個種公式嘅味道，微微撈一撈，有掛汁，一啖接着一啖，停唔到。每樣餸都有佢獨特一面，但撈埋一齊又互相配合，恰如其分。份量亦都好大碗，連我呢個麻甩肥仔都夠食，正常人一定夠。
炸醬 黃膳 腩肉 米線
$44
57 瀏覽
1 讚好
0 留言
炸豬扒夠哂新鮮辣口，但味道一般，有啲油，可以唔叫都得
炸豬扒
$13
49 瀏覽
1 讚好
0 留言
為左測試味精而清！其實好明顯係無/好少味精我先有能耐清得哂啦
埋單$57，以今日物價黎講，有咁嘅質素同份量，絕對抵食，我亦都會番啅！下次試甜湯同汽鍋雞！
張貼
