Give Me 5 (已結業)

聖誕節🎄我地小組飯聚導師推介我地黎食尼間西餐廳慶祝聖誕節尼間店近工廠區出地鐵仲要行一段路程，店鋪環境超大適合多人聚在一起吃晚餐🥣平日晚上人流不算多除左食野之外仲有桌球🎱同標機俾大家玩我地6個人叫左4個餐加個pizza辣雞肉pizza夠入味但就比較細份同薄身食左好似無食吾夠喉前菜好特別除左湯、餐飲外仲有蒜蓉包加ham豬肋骨好好味烤得配埋個醬同夠厚肉黑椒汁豬手超大隻肉質夠嫩好惹味軟殼蟹卡邦尼意粉反而吾太夠味比較普通黑松露野菌意大利飯超正飯夠多忌廉黑松露夠多必食最份仲有特色甜品 🍮餐包埋不過味道道麻麻 只係樣子吸引店內職員好細心上菜等我地影完再幫我地切埋豬手同豬肋手

隨著越多辦公大樓搬遷至觀塘，食肆也就越開越多。以前覺得麗港城好像很偏僻，華嫂冰室卻已開在麗港城對面馬路。這次跟住麗港城的朋友們飯聚，選址近她的地方，我又有直接巴士回家，非常方便。還以為觀塘大多是工廈餐廳，原來這家是在一棟式大廈裡，大多層數都是餐廳。這家Give Me 5佔了整層，空間很大，還有飛鏢機。我們很幸運地被安排到坐在靠窗的卡位。最重要是有觀塘繞道的夜景，是另類看到維港的地方，原來也很醉人。餐牌的主食、意粉和飯都有兩個價錢，一個是單點價，另外是4 course set dinner的價錢，百多至二百多元不等，都很合理。是晚沒有很餓，所以每人單點了一個主菜。先來附送的蒜蓉包，熱辣辣，烤得香脆富牛油香。全部食物都是即叫即做，所以我們也等待了約二十分鐘才有得吃。但端上來的食物新鮮熱辣，也就很值得等了。兩個主菜先來，分別是珍寶美國牛肉漢堡伴薯條和美國安格斯肉眼扒 (8oz) 配野菌燒汁。炸軟殼蟹煙肉卡邦尼意大利粉也隨即而來，來得及拍了個大合照便開動了。令人最期待的牛扒最考廚師的火候與功夫，果然也沒有令我們失望。牛扒外層用網烤至焦香，8oz的份量也沒有欺場。牛扒調味得宜，簡單下了鹽和胡椒，

月頭出o左糧，又係時候擦番餐好！上次都介紹過另一間觀塘工廈o既cafe，我今次試呢下個give me five。餐廳係間restaurant bar，入到o黎見佢有成層咁大，地方好闊落wo。 有一整排近窗o既卡位，部份仲可以望出出面維港，景色優美。內裡o既格局帶點水手同西部牛仔theme，其中一角放o左兩檯飛標機同一張snooker 檯俾d 客娛樂番下。驟眼所見，一家大細o黎聚餐同放o左工o既打工仔o黎吹下水都有，客源都幾廣~我自己呢就o係炸軟殼蟹煙肉卡邦尼意大利粉，同香蒜辣椒白酒煮蜆配意大利粉(都係單叫$108，set dinner 就$188，未加一) 之間爭持o左好耐，最後決定叫前者，連埋set 會係個未計主菜o既4-set dinner。Order o既時候侍應話可以再加$10 叫隻生蠔，其實真係好抵，不過較早前個tea 未完全落格，有d 驚食唔晒，所以可能next time 啦。前菜蜜瓜西班牙火腿配黑醋汁沙律，塊火腿係巴馬風乾o個種火腿，會有種自然o既鹹味；個沙律則比想像中辣，好在有番d 甜o既蜜瓜粒中和下。餐湯係周打魚忌廉湯，帶點淡淡而唔腥o既魚味，仲有一片蒜蓉包，而就算係

觀塘工廈愈黎愈多高格調餐廳，試過有啲價錢唔平不過質素麻麻，呢間係朋友介紹，應該有保證～所以都抱有一定期望！黎到目的地樓下～入左𨋢想㩒5字～但係掃視所有按鈕唔見5字？有一刻以為入錯𨋢，望清楚原來5字貼住個Give me 5貼紙...我同朋友都笑左出黎XD雖然店方原意係好～不過可能有少少好心做壞事～如果貼係按鈕側邊就清楚啲入到餐廳～嘩！好大！樓底好高！空間感十足！坐低左店員好主動介紹有咩做緊promotion~睇完menu覺得散叫岩食啲～上菜先知跟埋一人一塊蒜蓉包，個湯好香濃，黑松露味強勁，蒜蓉包脆卜卜點湯食非常滋味～吞拿魚係厚切，好有口感，表面既黑椒味濃烈，中間魚生既口感好柔軟，食吞拿魚魚生最怕食到筋同埋成口腥味，佢完全冇筋又唔腥，非常唔錯～薯仔雖然係配角但係都唔可以忽略，表面煎香加少少鹽調味，睇落簡單但好好味！沙律菜新鮮係正常水準～生蠔特價$10/隻，價錢咁實惠都預左唔係好大隻，雖然size細細但都好鮮甜，亦處理得好乾淨冇雜質，呢個價錢過下口癮絕對抵食！不過特價只限一人3隻～點左5成熟，但係切開第一件有啲驚訝因為應該已經9成熟...好彩另外兩件符合水準切開仍有粉嫰紅色，羶味淡淡的唔係好

之前同草根妹妹嚟過Give Me 5✋🏻食過一次，整體質素幾高。所以決定今次帶埋草根媽媽嚟食，食過好嘅一定會推介俾屋企人今次平日時間7:45左右到，唔需要等位就有得入座。由於人客唔多，可以坐到景觀位Lucky!3個人叫左2個主菜、一個pizza同2個甜品。香辣燒烤醬雞肉薄餅 ($88 ->$74.8) - Spicy BBQ Chicken PizzaPizza係而家Cafe好興用嘅酥皮底，上面加左大量洋蔥、芝士、雞肉同辣醬。成個組合根本唔會出錯。酥皮底有個好處就係一定夠薄同夠香口，趁熱食其實一定好食!德國燒豬手伴黑椒汁($158 ->$134.3) - German Pork Knuckle with Black Pepper Sauce草根妹妹係到佢一定叫豬手，上次得兩姐妹驚食唔晒，今次有3個人終於可以一了左佢心願。豬手上枱時，餐廳會問需唔需要幫手切閞，草根要影相，就自己嚟啦~豬手份量幾大，3個人都絕對夠分，可惜味道只屬一般。豬手皮燒得太乾太硬，而且有陣豬氣除味，肉質都算柔軟，不過整體好一般炸。上次個羊做得好食好多!炸軟殼蟹煙肉卡邦尼意大利粉 ($108->

上個月朋友去過觀塘商廈既Give Me 5食過超抵既10蚊隻生蠔後就介紹我一去, 今晚咁岩去觀塘見客, 於是相約同事一齊前去食返餐dinner。雖然地點唔算好近地鐵站, 但勝在唔會好似旺區餐廳咁有用餐時間限制, 可以同朋友慢慢食餐飯暢談一番。餐廳內設有卡位, 座位亦很寬敞, 場內更設有桌球同埋飛標供客人娛樂, 而且仲有酒飲tim~ 岩哂一大班朋友既聚腳點。呢度既野食都以西餐為主, 當然仲有超抵既生蠔啦, 首三隻都係HK$10咋!!!雖然隻蠔望落唔係肥美飽滿, 但入口出奇地冇腥味, 而且幾鮮甜, 十蚊黎講有呢個質素已經好有驚喜!SET DINNER先黎餐包、前菜、餐湯似乎係牛油蒜蓉包, 烘至脆身, 不過就完全冇味的, 得個脆字前菜: 蜜瓜西班牙火腿配黑醋汁沙律西班牙火腿既鹹香配上甜甜地既蜜瓜細粒, 味道很夾, 而且蜜瓜粒入口有爽脆口感, 口感、味道一流~周打魚忌廉湯忌廉湯為杰身, 而且當中有唔少料, 飲完呢個湯其實都開始有少少飽肚感。呢款係我地散叫既小食, 【吉列蝦】HK$48表面炸得金黃香脆, 不過入面隻蝦比較細隻, 唔太食到蝦既口感度。SET DINNER主菜好快已經送上:【炸軟殼蟹